Galatas 6:14 - NandevaBiblia

¹⁴ Tẽvã she katuã mbaivare airoja'ai shijehe, Jesucristo kurusureĩ rãnga. Shara Jesucristo kurusure mano rupii, she pevarã ko yvy manoma, hãrã she amanoma jyve ko yvy pevarã.

Galatas 6:14 Referans Kwoze

Romano 6:6

Jaikuaa kavi arykai jaiko vekua rãĩmi, mbysavavahava kurusure Jesucristo hãndi, kova porãmba jaiko vekua rãĩmi mby'opaha verã hareka jyve jaikoveama jaijokuekashu verã mbai porãmba.

Galatas 2:20

Kurusure Cristo amano hãndi, hãrã ã'ẽ sheĩĩveãma aiko, Cristoima iko'i shypyy. Hãrã ã'ẽ aikova shyretepe, aiko airoja rupii Tũpa tayre, shyraihuva hareka mano shyrehe vekua.

1 Corintios 2:2

Hãrã ãĩme'ãĩ pynymbyteperã, koñeĩ aijetahe Jesucristo ryheva, jaishu, manorã vekua kurusure.

Filipenses 3:3

Ñande hai ãñete ñymbai pire chĩchĩava; ñamombaiva Tũpa ñande espiritu ryheve, javyava Cristo Jesure, hareka jairojambaheva tyroore.

Romano 1:16

Ãnotiã ãmbeu ko Ñee kaviva, shara hai Tũpa ñymbaikatukue mondojepeva opaite jyrojaheare, Judio reta rãni hareka jyve haimba Judiovare.

Galatas 5:24

Tẽvã Cristo ryhevare, rahama reta kurusure heko porãmba vekua pyape'õ, hoo potava hareka mbai potakue ryheve.

1 Corintios 3:21

Hãme rãnga avy mbava tiroja ijehe kuaretare japova rehe, shara opa mba'e hai pa'ãpova,

1 Corintios 15:58

Hãma shyryvy ahaihuvare, piñymypyrãta katu pemyimbape, hareka pyrẽĩ pymba'aposhu Ñandeja; shara pikuaa Ñandeja pẽĩ hãndiape pijapova, ha'ẽã pijaporeiiva.

Galatas 1:4

Jesucristo rãnga meẽ hykove mbai porãmba jajapo vekua rehe, ñanynohẽ verã ko yvy'ĩãrẽ'õre heko porãmba vekuaivi, Tũpa potava rãĩmi.

1 Corintios 1:23

tẽvã ore mbe'uha Cristo ryheva mbysavavaha vekua kurusure. Kova ñee rehe heta Judiore poshyjyre, hãrã haimba Judiovare pevarã mbaimba vekua rãĩmishu kova ñee.

Romano 6:2

Mba'ety, kyrãã rãnga! Ñande rãnga ñamanoma mbai porãmba pevarã, marãĩrapo hykuaĩ jajapojy mbai porãmba vekua?

2 Corintios 11:12

Tẽvã ajapoteripo aha'ai ajapova, juru ambotyshi verãre, haipi heka'iare mbaivarapo hei. Heka marãrapo hei reta, haire japova jyrojahe verã.

Lucas 20:16

Ohorapo opa jujuka mba'apo'õva retape, hareka meẽraposhu ju'uva rẽnda yngavape. Haire henduma kovarã hei jyre: Avy kyrããva tiko!

Galatas 2:17

Hãrã ã'ẽ, ñañehãã ñandyreko kavi verã Jesucristo rupii, jaheshajy ñandijehe mbai porãmba japo'iarã. Hokavara he'ise, Jesucristo ñanymboryheva mbai porãmba jajapo jai verã? Mba'ety!

Galatas 2:19

Moisés mbypara vekua pevarã rãnga she amanoma, tẽvã Tũpa pevarã ãĩmeĩ ai.

Galatas 3:21

Kovara he'ise mbyparaha vekua ñymbyvaishoheva Tũpa ĩñee meẽ vekua? Mba'ety! Moisés mbypara vekua meẽ tykoverã, ãñete haivimbapo ou ñymbyheko kavikue.

Filipenses 3:18

Hetama hai jyvyĩpeva rãĩmi, hareka ã'ẽ shysay syry ẽẽ shyrovare, ĩme'ẽ heta heshatamba Cristo jukurusurã.

Colosenses 2:20

Pee rãnga pymano Cristo hãndi, hãrã peĩveãma tẽãre ñymbaikatu'ipe ẽvã ko yvy'ĩãrẽ. Marã'ĩrãra akuarã, pikoteri kova tẽãre ñymbaikatu'ipe hareka piñyñonopi haire ĩñee potava rãĩmi?