Galatas 5:6 - NandevaBiblia

⁶ Ñande rãnga ñañymypenteĩ hãndi Cristo, hãrã mba'eã he'ise iripire chĩchĩhãkara maĩrã mba'ety, koñeĩ haikaviveva hai jyrojakue, hareka kova jyrojakue rupii jahaihu jyve ñandapishare.

Galatas 5:6 Referans Kwoze

Galatas 6:15

Ñañymypente hãndi Jesucristorã, mba'eã he'ise ñandipire chĩchĩãra maĩrã mba'etyra; koñeĩ haikavi Tũpa ñandapo py'aujyva.

1 Corintios 7:19

Pire chĩchĩãva mba'ẽã rãnga; hareka kyrãĩjy chĩchĩãmba mba'ẽãjy, koñeĩ haikavive jajapo ñeẽ japoa verã Tũpa ña'ãpova.

1 Tesalonicenses 1:3

Yrỹmanduañoĩ pyrehe ñanu Tũpa hareka Ñanderu hỹnonde marãra jyhaihupe pymba'apo hareka marãra pirojaiterã hetavape pymbory, hareka marãra pyharõkuaa Ñandeja Jesucristo.

Galatas 3:28

Mba'etyma Judiovara maĩrã Greciavara, jokuehareara maĩrã ha'eãra jokueharea, kuimbaira maĩrã tauperã. Pirojama Jesucristorerã, opava pee pentevaĩma.

2 Corintios 5:14

Cristo jyhaihukue rãnga yrỹmykyrẽy, yrypya mbijetahe kovarã; penteva manohẽ opava reherã, hãme hokava rehe opaiteva mano.

1 Pedro 1:8

Pee rãnga pyhaihu Jesucristo, pyheshambatẽvã. Hãrã pirojahe ajema ã'ẽ pyheshãã, hareka pyvy'aitetepeĩrã katuã opa pymbeu,

Colosenses 3:11

Hãrã mba'etyma jyvavyhe verã ndera hai Greciape'õ maĩrã Judiora, ndera ndipire chĩchĩhã maĩrã chĩchĩhããra, ndera mbyryivireiva, maĩrã mba'ẽãra rikuaa, haira nde jokueharea maĩrã ha'ẽãra. Haikaviveva rãnga hai Cristo opa mba'epe hareka jyvache opavape'ẽ.

Hebreos 11:8

Jyrojakue rupii, Abraham hendu kavi Tũpa hẽnohashurã hãrã õhẽ oho kuaamba ryheve matyra hareka oho yvy me'ẽãshu verã kyty hai ña'ãporã.

1 Corintios 13:13

Mbahapy'ẽ opamba ryheva; jyrojakue, ñahãrõva hareka jyhaihukue, tẽvã kova mbahapy'ẽvã retaivi haikaviveva hai jyhaihukue.

Galatas 3:26

shara pirojaivivehe Jesucristo, iko pyndyhevi Tũpa tay.

Efesios 6:23

Tũpa Ñanderu, hareka Tũpa tay Jesucristo tymeẽ ñandyryvy retape pyavapy hareka jyhaihu, jyroja ryheve.

Colosenses 1:4

Henduha rãnga Cristo Jesús piroja jyveherã, hareka pyhaihu opaite heko kyambare,

Lucas 7:5

haihu rãnga ñanyrẽta, hareka haiteiva japoka ore Judiore ñymbatyseape.