Galatas 5:13 - NandevaBiblia

¹³ Pee rãnga shyryvyre piñyheno poia pyhevi verã. Avy pipory kova poia pyndyheviape pijapo verã pyndyroo potava, haikavivepo piñymbory jyhaihuperã.

Galatas 5:13 Referans Kwoze

1 Pedro 2:16

Piko kuareta mbaimbaa jocha'õ rãĩmi, tẽvã hoka rehe avy pijapojy mbai porãmba. Piko Tũpa jokuereva rãĩmi.

1 Corintios 9:19

Ajemaĩ she haimbateã mbava jokuerea, opava jokuerea reta rãĩmi aiko. Hetavape apity verã Cristo pevarã.

1 Corintios 8:9

Pingareko kavi kova pyrekova pota pijapova pijaporã, mahẽ kova rupii pyrãtambateriare pitykui mbai porãmbape.

Galatas 5:14

Moisés mbypara vekua opaite ẽẽ penteapeĩ: “Haihu ndapisha nde rijyhaihuva rãĩmi”.

Efesios 5:21

Pijapo kavi pijehe Cristo jyhaihukue rupii.

Galatas 6:2

Piñymbory katu pyraha verã mbai pohypeva, kyrã opapo pijapo peho ñee mbyparahava Cristo ryheva.

Judas 1:4

shara ñymbytavy rupiima ã'ãmo kuareta iche pynypaũpe porãmbava. Haire yngai mbeujy Tũpa pyakavikue heijyre Jesucristo haimba Ñandeja koñyjareva hareka ña'ãpova, hãrã japoi jajaposhu verã heiva. Pya mbijeta reta, Tũpa ñandyraihuiterã, jahembaa ñandyrehe verã mbai porãmba jajaporã. Ajenynga, heta arama he'ihahe kuatia Tũpa ĩñeepe jaheañoĩhe verã hokava kuaretare.

2 Pedro 2:19

Ĩñee meẽshu reta poima japo verãre pota japova, tẽvã hai retateiva poĩã japo porãmba. Hãrã hokava porãmbateiva opapo ohũndishu verã, shara katumba mbai porãmba poi japova hai mbai porãmbape jokuehareirea.

2 Corintios 4:5

Shara oreiã ñimiñẽ'ẽha'i irijupe, koñeĩ mbe'uha Jesucristo haiva Ñandeja; ore hai jokueharea pee pevarã Jesús haihuharã.

Hechos 20:35

Haiñoĩ apyrỹmboihe marãrapo pymba'apo hareka ikotẽvẽva pymbory verã, ñanymanduahe Ñandeja Jesús hei vekuarã: “Me'ẽã ñandevaivi javyave, mbai ñameẽrã”.

Galatas 5:22

Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,

Lucas 4:18

Ñandeja je Espiritu ẽẽ shearẽ, hai shymbyheko kavi ãmbeuverã Ñee Kaviva pavete'ia retape. Shymbou amynguera verã ojepy'apy'iare; amohẽjy verã mbypereso vekuare, hareka heshajy verã kũvaĩpi heshambare; apoikajyshi verã jopya porãmba'õre;

Galatas 4:22

Mbyparahavape hei Abraham ĩmereva mokue tay, penteva hai Agar taupe jokuearea memby, hareka ĩrũ hyrekoite Sara memby, hokava taupe ha'eã hai jokueharea.

1 Tesalonicenses 1:3

Yrỹmanduañoĩ pyrehe ñanu Tũpa hareka Ñanderu hỹnonde marãra jyhaihupe pymba'apo hareka marãra pirojaiterã hetavape pymbory, hareka marãra pyharõkuaa Ñandeja Jesucristo.

2 Corintios 12:15

She rãnga vy'a ryhevepo apory shijehekui kyrypoti ĩme'area, hareka katu sheteiva ameẽjy pyndyrehekui. Apyryhaihuiterãra, marãrapo pee sa'ite shyraihupi?

2 Corintios 3:17

Shara Ñandeja hai Espiritu; hãma Ñandeja jy Espiritu ẽvãpe, mba'ety pyrypysy'õ.

Galatas 2:4

Ĩme'ãmo'ẽ ñandyryvy rã'ãngavare ñemiape icheva ñanymbytepe, ñemiape maĩhe verã marãra Cristo ñanynohẽshi ñee pohyvaivi, pota japo reta jokuehareire verã Moisés mbypara vekuaperã.

Galatas 5:1

Ãñete rãnga Jesucristo poiika ñandyhevi jokueareire vekuaivi! Hãme rãnga piñymypyrãta mahẽ hykuaĩ ikojy pyhevikui jokueareirea Moisés mbypara vekuapy.

2 Corintios 2:8

Hãme airurepe, pyheshakajyshu marãra pyhaihushu.