Galatas 5:10 - NandevaBiblia

¹⁰ Airojaite Ñandeja Tũpare pee pirojambajy verã yngavare; tẽvã Tũpa jahepohe hokava ma'ẽĩmba'i pyndyreheva, jaishu ĩmerãẽvape.

Galatas 5:10 Referans Kwoze

Galatas 5:12

Opaite iko ma'ẽĩmba'i pyndyreheva pota pipire chĩchĩkarã, marãinga opãã jasyja ijuhuvi!

Filipenses 3:15

Ñande opa kavima ñanytarõva jyrojakue ĩme jarevape, kyrãmipo ñandypya ñambijeta jyve. Ĩme'ẽ pynymbytepe yngai pya mbijetavarã, Tũpa pynymbyheshakapo jyve kova pipity verã pota pyvãhẽvape.

Galatas 1:7

Añete, mba'ety rãnga yngava Ñee kaviva, ĩmeĩ rãnga ẽẽ pota porãmba piniñonova, hareka pota yngai mbeujya Ñee kaviva Jesucristo ryheva.

2 Corintios 2:3

Hãme rãnga ambyparape kuatia ajapova rãĩmi, aipotãã ãvãhẽ aharã shymbyvy'ããpirã, shymbyvyatẽpi verã; airoja'ãĩ pyndyrehe shyvy'akue haiva jyve pyndyvya.

1 Timoteo 1:20

Kyrã jehushu Himeneo hareka Alejandro, hokavare Satanape opa ameẽ kuaa verãre marãrapo ijeta kavĩĩhe Tũpa.

Galatas 6:17

Ã'ẽvaĩ aipotaveãmapo mbava ñonokui shyraperãpe mbai porãmba, shara ĩme'are mbypereava shyretere, heshakava ahasa'asyva Jesús jokuereasherã.

Galatas 4:17

Ĩme rãnga'ẽ pyndyraihuva, tẽvã ha'eã haikavi verã pota pyndyreky yryhevi, pota haykue pehorã.

Galatas 3:1

Pee Galaciavare, marãĩra mbai'ãĩte pikuaa! Mbavara pynymbypaje? Heshahaka kavi rãnga pee marãra Jesucristo mano kurusure.

Galatas 2:6

Tẽvã tũpao miñaka'iare vateve'õ, he'iãshe reta yngava añono verã apyrỹmboiheva. Haijyvepe she pevarã jyvavyã haikavira maĩrã mba'ety, shara Tũpa hỹnonde opaite kuimbaire jyvache.

Galatas 2:4

Ĩme'ãmo'ẽ ñandyryvy rã'ãngavare ñemiape icheva ñanymbytepe, ñemiape maĩhe verã marãra Cristo ñanynohẽshi ñee pohyvaivi, pota japo reta jokuehareire verã Moisés mbypara vekuaperã.

2 Corintios 10:6

Õĩha myhenda verã opaite ñee hendumbare, pee hekope kavima ñee pyhendurã.

1 Corintios 5:5

hokava kuimbai pymeẽshu Satanás, jyvarehe verã hete, hãmeĩpo hykove ohojepekui Ñandeja Jesús oujymarã.

Hechos 15:24

Ore henduha ỹrỹmbyteivi ohova yryryheva, oremba me'ẽãshuva ñee opa porãã japopy reta haire pyrỹmboiheva.

Filemon 1:21

Ambypara nde heshara aroja katu ñee rỹhendurã, hareka aikuaa rijapove verã she airure ndeva.

2 Tesalonicenses 3:4

Ore jyrojaha Ñandejare, pee pijapova hareka pijapoñoĩ peho verã pynymbo'ehaheva.

Galatas 4:20

Potaitianynga ã'ẽ aĩme'ãĩ penendie, yngai aijetape verã! Aikuãã mbaivara ajapopo pyndyrehe, shara pikova rãĩmi ñeembape shyreja!

Galatas 4:11

She akyje ĩmerã amba'aporeira pynymbytepe.

2 Corintios 13:10

Hãme rãnga, ambyparape kova ndei aha apyryresharã, potãã ahamarã apory mbaikatu Tũpa meẽshevarã pohyite aijetaperã, ha'ẽã opa apyrỹmbai verã, koñeĩ apurũmupũã verãĩ.

2 Corintios 10:2

Airure'asype, aha pẽĩvape apyryresha verãrã, avy shimiñerãpikui aponderambahe verã ijeta'i yryrehevare, haire hei japohava maĩnungare tyroo potavape, shara ãĩme'ãĩ ambyhovaishu verãre.

2 Corintios 8:22

Mondoha rãnga jyve hãndi pente ñandyryvy, heta mbaipe heshahahe hai kyrẽỹva, ã'ẽ kyrẽỹvema, shara hai jyroja pyndyrehe.

2 Corintios 7:16

Avy'aite ai opa mba'epe katu airoja pyndyreherã.

2 Corintios 5:16

Katynga ã'ẽ, katuveãmapo mbyvetehakui yngava retape ore kuareta heshahava rãĩmi, hareka ajema kyrãte kuaaha arykai Cristo, tẽvã kyrãveãmapo kuaaha.

2 Corintios 2:6

Hokava kuareta haikavima rãngashu, heta poshy ryheve pereshu vekua.

2 Corintios 1:15

Jyrojahahe kovarã, potatẽ tynonde aha pẽĩvape, mokuejy pipity verã mbai kavikue,

Galatas 5:7

Pee rãnga peñepyrõ kavitẽ kueve. Mbavara akuarã pindijoko pypoi pijapo verã añeteva?