Galatas 4:14 - NandevaBiblia

¹⁴ Hoka mbairasykue haijyve pyndypyarãã verã, haĩmbajya hokava mbairasy rehe shymymorãmbapia hareka shyreshatãmbapia. Tẽvã ajemaĩ kyrãte, shymyvãhẽpi jyve peĩvape Tũpa jokueva rãĩmi, hãĩ Jesucristo pymyvãheva.

Galatas 4:14 Referans Kwoze

Mateo 10:40

Ĩme'ẽ pynymyvãhẽva, she shymyvãhẽ jyve; hãrã shymyvãhẽva, myvãhẽ jyveshu shymbouva.

1 Tesalonicenses 2:13

Hãme rãnga me'ẽhãñoĩ yry'ajetekue Tũpape, shara pee pyhendu Tũpa ĩñee mbe'uhaperã, hareka pymyvãhẽ kavi ha'eã kuareta ĩñee rãĩmi, ãñete rãnga hai Tũpa ĩñee, hareka jyrojahevare my'yngaijy ikova rãĩmi.

Hebreos 13:2

Avy pyndysarehe pymyvãhe kavi verã ohovare pynyrẽntape, shara ĩmemba'ẽ kuambape myvãhẽva Tũpa jokuevare.

2 Corintios 5:20

Hãrã ore Cristo rehe yrokueha, Tũpateiva jururepe ore rupii. Hãma Cristo heepe, jururehape pẽĩjykavi hãndi verã Tũpa.

1 Tesalonicenses 4:8

Hãrã mbijicheva ko pyrỹmbo'eahea, mbava kuimba'epeã mbijiche, Tũpateiva rãnga, meẽpe vekua je Espiritu Santo.

Galatas 4:13

Pikuamava rãĩmi, she tynonde ambeuperã vekua Ñee kaviva, shymbairasy'ai.

1 Corintios 4:10

Cristo heiva japohashurã rãnga kuaretare hei yryrehe mbaimba kuaahava. Tẽvã Cristo rupii hei pyndyrehe reta heta mbai pikuaava. Ore rãnga ỹrỹpyrãtãã, tẽvã pee pynypyrãtã. Pee rãnga pyndyraihuha, tẽvã ore yryreshatãã reta.

1 Corintios 1:28

Tũpa pyhỹrõ kuareta heshahatamba vekua hareka mbaimba kuaavekuamire ẽvã ko yvy'ĩãrẽ, he'ise mba'ẽrãmba'i vekuamire, kyrãvape mbijiche verã jyroja'ijehevare.

Juan 13:20

Ãñete hai pee, ãmondova myvãhẽ kaviva, shymyvãhẽjyve; hãrã shymyvãhẽva, myvãhẽjyve shymbou vekua.

Lucas 10:16

Hãma pynyrẽnduva, she shyrẽndu jyve; hãrã pinimbijicheva, shimbijiche jyve; hareka shimbijicheva, mbijiche jyve shymbou vekua.

Mateo 25:40

Hãma mburuvishavasu heiposhu reta: “Añetevape haipee, hokava pijapo vekua pente kova shyryvyre mishiveva rehe, Shyrehe opa pijapo jyve”.

Mateo 18:5

Ĩme'ẽ kuareta shyreepe myvãheva ko sanjay rãĩmi, shee shymyvãhe.

Galatas 3:26

shara pirojaivivehe Jesucristo, iko pyndyhevi Tũpa tay.

Galatas 3:28

Mba'etyma Judiovara maĩrã Greciavara, jokuehareara maĩrã ha'eãra jokueharea, kuimbaira maĩrã tauperã. Pirojama Jesucristorerã, opava pee pentevaĩma.

Galatas 4:15

Pyndysaremarahepe hoka vya pyreko vekuaivi? She aikuaa, katurã, pynohẽte verã pyndyresateiva pymeẽshe verã.