Galatas 3:19 - NandevaBiblia

¹⁹ Hãma, mbai verãra haikavi Moisés mbypara vekua? Moisés mbypara vekua rãnga me'ẽhashu kuaretare heshaka verã porãmba japorã, ou peve tyray mbe'ua vekua ou verã. Kova japoa verã mbeu Tũpa jokuevare, Moisés rupii.

Galatas 3:19 Referans Kwoze

Hechos 7:53

Pee rãnga me'ẽhãpe ñee mbyparahava Tũpa ña'ãpova, hai jokuevare rupii, tẽvã pijapoãshu ĩñee.

Hebreos 2:2

Shara Tũpa jokuevare hei vekua añete hareka opaite mbai porãmba japo vekuare hareka ñee henduã retarã hekope kavi nupãha,

Galatas 3:16

Kyrã Tũpa ĩñee meẽshu Abraham hareka ñymoña hãndia. Tũpa ĩñee he'ĩã “Rĩmoña ndyheviare”, shara pentevareĩ ijeta, hãme rãnga hei “Ñymoña ndyhevia”, hokava hai Cristo.

Romano 4:15

Shara Moisés mbypara vekua veru jahe pyryreheva japomba; tẽvã Moisés mbypara vekua mba'etyrã mba'etymbapo porãmba'õ.

Romano 2:13

Shara Tũpa mbyheko kaviã Moisés mbypara vekua hẽndupeveĩ'ia, koñeĩ hendurã japovaĩ.

Hechos 7:38

Ha'ẽĩ rãnga jyve Moisés iko jyre hãndi kuaretare yvy ikoambaipi, hareka Tũpa jokueva ijeta hãndiva yvyturusu Sinaipe, hãndijy ñanytynondevare hareka hai me'ẽãshu ñee tykove meẽva myvãhẽ ñande verã.

Juan 15:22

Hãma aĩã aijetashu retarã, haire mba'etytẽre verãre mbai porãmbava. Tẽvã ã'ẽ katuveama heky ijuhuvi reta mbai porãmba vekua.

Juan 1:17

Shara Tũpa meẽ ñee mbyparahava Moisés rupii, tẽvã jyhaihukue hareka mbai añeteva vãhẽ Jesucristo rupii.

Hebreos 2:5

Tũpa rãnga ñonoãmba jokuevare ipope ko yvy py'ahuva ou'ẽ verã, ñande jaijetaheva.

Lucas 16:31

Abraham heishu: “Henduseã Moisés, hareka Tũpa ĩñee mbeu'ia retarã, rojã'ãĩpo jyve reta ĩmetẽ'ẽ pũãjyva manovare pãũvi”.