Galatas 2:20 - NandevaBiblia

²⁰ Kurusure Cristo amano hãndi, hãrã ã'ẽ sheĩĩveãma aiko, Cristoima iko'i shypyy. Hãrã ã'ẽ aikova shyretepe, aiko airoja rupii Tũpa tayre, shyraihuva hareka mano shyrehe vekua.

Galatas 2:20 Referans Kwoze

Galatas 5:24

Tẽvã Cristo ryhevare, rahama reta kurusure heko porãmba vekua pyape'õ, hoo potava hareka mbai potakue ryheve.

2 Corintios 5:15

Cristo rãnga opava retare mano, ĩmeteri'iare ikoveãma verã hai pevarãĩ, koñeĩ ikoma verã manohe vekua hareka kuerajy vekua pevarãĩ.

Romano 6:8

Hareka ñamano Cristo hãndirã, jaroja jaikojy hãndi verã.

Galatas 6:14

Tẽvã she katuã mbaivare airoja'ai shijehe, Jesucristo kurusureĩ rãnga. Shara Jesucristo kurusure mano rupii, she pevarã ko yvy manoma, hãrã she amanoma jyve ko yvy pevarã.

2 Corintios 13:5

Pymaĩ kavi pindijehe pikuaa verã pynypyrãtara pẽĩ jyrojakuepe, pypya pimbijeta. Pijykuaarã Jesucristo ẽvã pyndypyape? Ajemapo pyndypya hã'ãha!

Romano 6:13

Avypo pyporyka pyndyrete ryhevare mbai hekopemba'õ pevarã, kyrãte verã, piñiñono Tũpa ipope, ĩmeĩteri'ia rãĩmi manovare mbytepe, hareka pyrete ryhevare pymeẽ mbai mbi'ipuhavare mbaikaviva rãĩmi Tũpa pevarã.

1 Tesalonicenses 5:10

Jesucristo rãnga mano ñandyrehe, ñandyrykovepe maĩrã ñamanomarã, jaiko hãndi verã.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

Galatas 1:4

Jesucristo rãnga meẽ hykove mbai porãmba jajapo vekua rehe, ñanynohẽ verã ko yvy'ĩãrẽ'õre heko porãmba vekuaivi, Tũpa potava rãĩmi.

Juan 17:21

Airurehende haire pente pyapẽĩ ñynõĩ verã; tiñymypenteĩ ñanendie reta, Sheru shyrehe rẽĩvã rãĩmi, hareka ndyrehe ãĩmeva rãĩmi. Kyrã tõĩ reta pente pyape, hãrãpo kuaretare roja nde shymbouva.

Romano 8:37

Opa mbaipe mba'ety jepy ñandyreheva, Jesucristo rupii ñandyraihu vekua.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

Efesios 5:2

Piko jyhaihuvape Cristo ñandyraihuva rãĩmi. Cristo hykove meẽ ñandyrehe vekua, pente avisha ray jukahava rãĩmi hareka me'ẽãva Tũpape pishe katuva.

Filipenses 4:13

Opa mbai katu ajapo Cristo rupii, hai shymypỹrãtase'ia.

Efesios 3:17

hareka Cristo iko verã pyndypyape jyrojakue rupii, hareka tantagãtu peĩ verã jyhaihupe Tũpare hareka opaite yngavare,

Galatas 3:11

Hãme rãnga jaikuaa kavi mba'ety rekohashua heko kaviva rãĩmi Moisés mbypara vekua rupii. Shara Tũpa ĩñeepe hei: “Heko kaviva ikopo jyroja rupii”.

Juan 3:16

Shara Tũpa haihuite kuareta retarã, meẽ Tay pente'ia, opaite jyrojaheva potãã manorã, koñeĩ ĩmere verã tykove opambava.

1 Juan 1:7

Tẽvã jaiko hendyvaperã, Tũpa hendyvape ẽvã rãĩmi, pente pyapeĩmapo ñaĩ hãndi yngare, hareka Tay Jesucristo, huvy rupii opa ñandohe mbai porãmba vekuaivi.

Colosenses 1:27

Tũpa potai kuaakashu haimba Judiovare mbai ojaimbava hĩmbipeva tentare pevarã, hokava hai: Cristo ẽvã pynymbytepe, hãrã haiteiva pyharõpẽĩ pyreko verã tykove hĩmbipeva.

Romano 5:2

Hai jairojaherã, ã'ẽ katuma jaiko Tũpa jyhaihupy, tanta ñaĩhe hareka vy'ape ñahãrõkuaa ñaĩmeñaĩ verã jyve Tũpa hĩmbipekuepy.

Romano 1:17

Ñee kaviva rãnga ñanymboihe Tũpa mbyheko kaviva Jesús jyrojahea. Mbyparahava heiva rãĩmi: “Heko kaviva Tũpa jyrojaherã rupiipo iko”.

2 Corintios 13:3

Shara pota pikuaa shyhevi ãñetera Cristo she rupii ijeta. Pee pevarã kangyã hai, koñeĩ heshaka jyve ñymbaikatukue pynymbytepe.

Apocalipsis 1:5

hareka Jesucristoivi heshava jyrojaheva, tynondeite kuerajyva hareka mbaivasuveshiva mburuvisha vasu yvy ĩãrẽ'õre. Hai ñandyraihurã hareka opa ñandohe mbai porãmba vekuaaivi huvypy,

1 Tesalonicenses 1:10

hareka pyhãrõ vate araivi Tay Jesús, hai Tũpa mupuãjy vekua manovare mbyteivi, Jesús hai ñanymondojepeshi vekua jaheha pyryreheva jy'ara ou verãivi.

Juan 10:11

She hai avishare ñyngareko'ihea pya kaviva. Hãrã ko avishare ñyngareko'ihea pya kaviva, meẽpo hykove jy'avisha retare.

Juan 6:57

Sheru shymbou vekua ĩmere tykove, hai rupii she aiko; kyrãĩ jyve shyroo houva hykovepo jyve she rupii.

Apocalipsis 3:20

She ãĩme nyrõchepe, hareka ãhẽno; shiñee rỹhendurã, rypeashe nyrõcherã aichepo nderope hareka rykarupo shendiekui.

1 Pedro 1:8

Pee rãnga pyhaihu Jesucristo, pyheshambatẽvã. Hãrã pirojahe ajema ã'ẽ pyheshãã, hareka pyvy'aitetepeĩrã katuã opa pymbeu,

Mateo 20:28

Kyrã, kuareta Tay oũã ñyngareko pyryrehe verã, jokueha'i verã rãnga jyve hareka meẽ verã tykove, mondo jepe verã hetavape mbai porãmbaivi.

Juan 15:13

Jyhaihu tivishaveva ĩmerea rãnga meẽva hykove ñi'ĩrũ retare.

Galatas 2:16

Jaikuaa kavi rãnga koñeĩ Tũpa mbyhory Jesucristo jyrojaheare, hareka mba'ety ohojepe verã Moisés mbypara vekua japo'irã. Ore rãnga jyrojaha jyvehe Jesucristo, Tũpa mbyhorya verã jyrojahaherã. Shara mbaveãpo Tũpa mbyhory Moisés mbypara vekua japo'irã.

2 Corintios 10:3

Ãñete rãnga ore ikoha jyve ko yvy'ĩãrẽ, tẽvã ñyrãrõhãã ko yvy'ĩãrẽ'õre rãĩmi.

Juan 6:69

Ore rãnga jyrojaha ndyrehe, hareka kuaaha nde haiva Cristo, Tũpa Tay.

Juan 1:49

Natanael heishu: Pyrỹmboi'ia, nde rãnga hai Tũpa Tay, nde hai Israel Juhuvishavasu.

2 Corintios 1:24

Ha'ẽã pota ñimbi'ijahahe pirojakuerã, potaĩ rãnga pymboryha pyvya verã; shara pirojakue rupii tãnta pitasopeĩ.

Hechos 9:20

Saulo õñepyrõ ravi mbeu Judiore ñymbatyseape, hei Jesús haiva Tũpa tay.

Efesios 5:25

Hoka temere tyhaihu kavi tyrekope, Cristo haihuva rãĩmi jyve tũpaore, hãrã hai meẽ manohe verãre.

2 Corintios 5:7

Shara jyrojakuepeĩ ikoha, ha'ẽã heshahava rupii.

Juan 3:35

Tũpa rãnga haihu Tay, hãrã opa mba'e ñono hai ipope.

1 Juan 4:14

Hãrã oretei heshaha, hareka mbe'uha Teru mbouva Tay mondojepe verã yvy'ĩãrẽ'iare.

Hechos 8:36

Hãma hasama jyraha yyvasu ẽvãperã, ko karai eunuco hei: Kope ẽẽ yy, katuãra ã'ẽvãĩ shymyngarai?

Mateo 4:3

Haipe Ãña ñymbojahe Jesús pyahãã verãrã heishu: Nde hai Tũpa tayrã, ereshu kova ita tikoshi pãhã.

Romano 3:22

Jyrojakue rupii Tũpa mbyheko kavi opaite Jesucristo rojavare, mba'ẽãshu haira Judio maĩrã ha'ẽãra.

Romano 4:25

Tũpa meẽmba Jesús mano verã mbai porãmba jajapo vekua rehe, hareka mupũ'ãjy ñanymbyhekokavi verã hai hỹnonde.

Romano 5:6

Shara katumba jahajepevape, jy'arape kavi Cristo manomba ñandyre ñandyreko porãmbava.

Romano 5:8

Tẽvã kovape Tũpa heshaka ñande jyhaihukue, mbai porãmbapeteri jairã, Cristo mano ñandyrehe.

Romano 8:10

Tẽvã Cristo ẽẽ pyndypyaperã, ajemaĩ pyndyrete manotẽvã mbai porãmba vekuare, espiritu iko shara Tũpa ñanymbyheko kavima.

Romano 14:7

Mba'ety ñanymbytepe ijupii pevarã hykove'ia, kyrãĩjy mba'ety ijupii pevarã manova.

1 Corintios 6:17

Tẽvã Ñandeja ñymypente hãndiva, mokue'õre ikoshi reta penteĩva hykovepe.

2 Corintios 5:14

Cristo jyhaihukue rãnga yrỹmykyrẽy, yrypya mbijetahe kovarã; penteva manohẽ opava reherã, hãme hokava rehe opaiteva mano.

2 Corintios 11:10

Hãĩ she ajavymba Cristo ryheva añeteva aikuaa hairã, kyrã aikuaa kavijy mba'ety opaite tentare Acaya tivishakuepy'õ heky shyhevi verã ko ĩme'areva airojakatu shijeheva.

Filipenses 1:21

She pevarã shykove hai Cristo, hãrã amanorã haikavitevemapo ãĩkui.

Hebreos 8:3

Opaite pai vasure ñonoha mbishaka verã Tũpape me'eãva hareka mymba jukahava me'ẽhava Tũpa pevarã, hãme rãnga Jesucristo ĩmeñoĩpore jyve meẽ verã.