Galatas 1:8 - NandevaBiblia

⁸ Hãrã ore, maĩrã Tũpa jokueva mbeupe ynga ñee kavi, mbe'uha vekuaivirã, hokava tijaheahe.

Galatas 1:8 Referans Kwoze

Galatas 1:9

Hãma he'iape vekua rãĩmi hykuaĩ haijype: Ĩme'ẽ pynymbytepe ñee kavi yngaiva mbeuvarã pymyvãhẽma vekuaivirã, tijaheahese.

1 Corintios 16:22

Ĩme'ẽ haihumbava Ñandeja Jesucristorã, toahe Ñandeja ĩñee pohyva! Ñandeja ouserima.

Romano 9:3

Shara shetei aipota jahea shyrehe, Cristo asyryshiape, shyryvyre ahaihurã hareka sheii shyrẽnta ĩrũre.

Mateo 25:41

Haivi mburuvishavasu heipo jasu kyty'õ retape: “Pysyry shyhevi, pee pimepẽĩva Tũpa ñunũpa'ipe; pekuape tata opamba'õpe myhẽvãha Ãña hareka jokuereare pevarã.

2 Pedro 2:14

Haire hesha pente tauperã potaravi ñeno hãndi, mbai porãmbavaĩ pota japo reta, mykyrẽy veru verãre jyrojakuepe pyrãtambateriva; haire mbijehuñoĩvare heta maĩnunga potavare, hareka hokava hai kuareta jaheamahevare.

Hechos 23:14

Jyraha reta pai ruvisha hareka Judiore juhuvisha ẽvãpe heishu reta: Ore me'ẽã ĩrĩñee mbaimba ho'uha hareka mbusururuha verã Pablo ndei jukaharã.

Tito 3:10

Ĩme'ẽ potaĩ pirĩmbijao'iarã, ñimiñeeshu pente maĩrã mokuejy; hãrã potãã nyrẽndurã rỹmohẽpo tũpaovi.

Galatas 3:13

Jesucristo rãnga ñanynohẽma Moisés mbypara vekua jyjaheivi, hãrã jaheatẽ ñandyrehe verã vekua oa ĩãrẽ, shara Tũpa ĩñeepe hei: “Jaheamahe yvyrare ñonoãva”.

1 Corintios 12:3

Hãme rãnga aipota pikuaa, mbaveãpo hei: “Toho Jesús Ãña kyty”, ãñete Tũpa Espiritu ryhevape ijetarã. Hareka katuã mbava heijy: “Jesús hai Ñandeja”, ãñete hai ijeta'ẽ Espiritu Santo ñymbaikatukuepyrã.

Marcos 14:71

Hãma Pedro õñepyrõ porãã ijeta, hãrã ĩñee meẽvape hei: Tũpa heepe hai pee, shapumbava. Aikuããny she hoka kuimbai, pee pijetahesheva.

Galatas 3:10

Opaite jyrojaheva Moisés mbypara vekuare, jaheapohekui. Shara Tũpa ĩñeepe hei: “Jaheapohe japombava hekope kavi opaite ẽvã Moisés mbypara vekuapy”.

Romano 16:17

Shyryvyre, airure pee pingarekoshi verã ñimbijao ryheva veruva hareka pyrỹmbyvapiva ñono'iare, hai hokava ñymbyvaishoheva pynymbo'eaheva pymyvãheva. Hokava kuaretare avy pihia,