Galatas 1:6 - NandevaBiblia

⁶ Mbyry rãnga amaĩ are'ãĩtemba pimymbyryshi Tũpa, pynyrẽnova heshakape pya kavi Jesucristo rupii, yngava ñee kavi pyroja verã.

Galatas 1:6 Referans Kwoze

2 Corintios 11:4

Shara ĩme'ẽ yngava Jesús ijetahepearã, haimba ore mbe'uhape vekuarã, maĩrã veruva yngava espiritu, pee ĩmepyreaivi, maĩrã yngava Ñee kaviva pee pymyvãhẽma vekuaivi. Hokavare pyhendu kavishu.

1 Timoteo 1:3

Ndeiteri aha tenta Macedonia kytyrã, airure nde rypyta verã tenta Éfesope, rijocha verã opaite haipi yngaiva pyrỹmboi'iheare ỹnteñoma kyrã japo verãre,

1 Corintios 4:15

Ĩmeãratẽpopyre 10.000 kuaretare pynymboihe verã mbai Cristo ryheva, teru rãnga heta'ẽ mba'etyreva. She hai teru pee pevarã, shara ambeupe Ñee kaviva ryheva.

Hechos 15:11

Tẽvã ñande jairoja Ñandeja Jesús jyhaihukue ryheverã japitymapo ñymondo jepe, haire rãĩmi.

Galatas 5:4

Ĩme'ẽ peeva pota ijoheva Tũpa hỹnonde japo'i Moisés mbypara vekuarã, hoka kuareta syrymashi Jesucristo hareka mbijiche Tũpa jyhaihukue.

Romano 10:3

Haire kuãã Tũpa haiva kuaretare mbyheko kaviva, hai retai pota ñymbyheko kavi jyre ijupe, hareka kyrã iñiñonoã reta Tũpa ñonovape ñanymbyheko kavi verã.

1 Timoteo 1:14

Tẽvã Ñandeja ñymbai kavikue tivishave ou sheãrẽ, jyrojakue hareka jyhaihukue ryheve, Cristo Jesús rupii katu ĩmẽjareva.

Apocalipsis 22:21

Teja Jesús jyhaihukue tõĩ pyndyrehekui opa ara.

2 Timoteo 2:1

Nde shyray, ñymypyrãta jyhaihu ojaimbava ĩmejareva Jesucristo rupii.

2 Timoteo 1:9

Tũpa rãnga ñanymondojepe hareka ñanyrẽno tykove kyambavape, ha'eã ñande jajapova rupii, shara hokava hai potava hareka jyhaihu meẽ ñande ndeiteri ara oñepyrõrãvãĩ Cristo Jesús rupii,

2 Tesalonicenses 2:14

Ha'ẽrã kova Tũpa pynyrẽno Ñee Kaviva rupii ñande ñambeuva, ñaĩ verã jyve Ñandeja Jesucristo ñymbaikatukue hareka hĩmbipekuepe.

Romano 5:2

Hai jairojaherã, ã'ẽ katuma jaiko Tũpa jyhaihupy, tanta ñaĩhe hareka vy'ape ñahãrõkuaa ñaĩmeñaĩ verã jyve Tũpa hĩmbipekuepy.

Juan 9:30

Haipe ko kuimbai heishu reta: Marãpijy akorã! Pikuããmba maĩvira ou, tẽvã shymynguera.

2 Pedro 1:3

Tũpa ñymbaikatu rupii meẽ ñande opava maĩnunga mba'etyjareva ĩmejare verã tykove hareka jaiko hai potava rãĩmi. Hai ñanymbykuaaka Cristo, ñanyrẽno hai ojaimba rupii hareka mbai haikaviva japovare rupii.

1 Pedro 1:15

Ã'ẽ pikopo heko kyambape, Tũpa rãĩmi heko kyambava pynyrẽnova.

Marcos 6:6

Jesús mbyrymaĩ rojãã retarã. Haivi Jesús oho pyrỹmboi tenta mbyrymba'õĩpi.

Romano 8:28

Hareka jaikuaa kavi opaite haihuvare Tũpa, opa mbaipe mboryshu haikavivape, hai hẽno vekuare hai potava rãĩmi.

Romano 8:30

Hãma õñepyrõãivive pyhỹrõ vekuare hẽnoshu, hareka henoshu vekuare mbyheko kavi, hareka mbyheko kavishu vekuare õmombaishu.

2 Corintios 2:17

Ore ikohãã okoraha'i ĩãrẽ Tũpa ĩñee, yngavare japosea rãĩmi. Kyrãtẽ verã, añetevaĩ mbe'uha Tũpa jokuereare rãĩmi, hareka Tũpa hỹnonde ijetahahe Cristo.

Galatas 1:7

Añete, mba'ety rãnga yngava Ñee kaviva, ĩmeĩ rãnga ẽẽ pota porãmba piniñonova, hareka pota yngai mbeujya Ñee kaviva Jesucristo ryheva.

Galatas 1:11

Aipota pikuaa shyryvyre: Ko Ñee kavi ambeupeva, ha'ẽã kuimbai japova.

Galatas 1:15

Tẽvã hai pya'oshyrerã shesy hyepevãĩmba shypyhỹrõ hareka pya kavi ojaimbape shyrẽno.

Galatas 2:2

Tẽvã ahajy haipe heshahakasherã hareka aimbatyjy hãndi reta tũpao ñakarã'õre, ambeu kavishu reta Ñee kavi ambeuva haimba Judiova retape, opaite ãñehãvape ajapova opareimba verã.

Galatas 2:5

Tẽvã õĩhãã haire pyrỹmboivape sapy'aiteimbaa, shara potañoĩ Ñee kavi añeteva ẽẽ yrypyape.

Galatas 2:7

Kyrã, haire hesha Tũpa meẽsheva ko ajapo verã hareka apyrỹmboihe verã Ñee Kaviva haimba Judiore pãũpi. Pedro hejahashuva rãĩmi jyve mbeu verã Judiore pãũpi.

Galatas 2:14

Hãme aheshama haire ikoã ñee kavi añeteva heiva rãĩmirã, opavare hỹnonde ãĩngãtashu Pedro: “Nde Judiova, rikori Judio retamba ndeva rãĩmi, marã'ĩrãra akuarã pota rĩmiñerã Judiombare, iko verã Judio rãĩmi?”

Galatas 5:14

Moisés mbypara vekua opaite ẽẽ penteapeĩ: “Haihu ndapisha nde rijyhaihuva rãĩmi”.