Galatas 1:4 - NandevaBiblia

⁴ Jesucristo rãnga meẽ hykove mbai porãmba jajapo vekua rehe, ñanynohẽ verã ko yvy'ĩãrẽ'õre heko porãmba vekuaivi, Tũpa potava rãĩmi.

Galatas 1:4 Referans Kwoze

Mateo 20:28

Kyrã, kuareta Tay oũã ñyngareko pyryrehe verã, jokueha'i verã rãnga jyve hareka meẽ verã tykove, mondo jepe verã hetavape mbai porãmbaivi.

Romano 4:25

Tũpa meẽmba Jesús mano verã mbai porãmba jajapo vekua rehe, hareka mupũ'ãjy ñanymbyhekokavi verã hai hỹnonde.

Galatas 2:20

Kurusure Cristo amano hãndi, hãrã ã'ẽ sheĩĩveãma aiko, Cristoima iko'i shypyy. Hãrã ã'ẽ aikova shyretepe, aiko airoja rupii Tũpa tayre, shyraihuva hareka mano shyrehe vekua.

1 Pedro 2:24

Haiteiva opa raha hetere mbai porãmba kurusure, ñamanoma verã mbai porãmbape hareka haikavivape jaikojy verã. Hai mbyperehavapy pykuerajy.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

2 Corintios 4:4

Haire rojãã, shara ãña ko yvy ija ñakapy mypyntushi reta, potãã mykõĩshu reta Ñee kaviva hĩmbipeva Cristo ryhevarã, shara Cristo hai Tũpa rãĩmiva.

1 Timoteo 2:6

Jesucristo meẽmba hykove hareka manomba opava kuaretare mbyhepyrã mondojepe verã, hãrã kova mbe'uhava jy'arape kavi ijeshaka.

Efesios 2:2

pee piko vekua porãmbape, kuareta yvy'ĩãrẽ'iare heko porãmba rãĩmi, pijapopi espiritu pyntuva ipope'õre potava, espiritu ã'ẽ mypyrãntareva ñymbaikatukue tyrayre ñee hendumba rupii.

1 Tesalonicenses 3:13

Hãma jururehajyshu Ñandeja Jesús meẽpe verã pyrãtakue piroja kavihe verã Tũpa, meẽpe verã pente pya kapyryva hareka kyambaa. Kyrãpo oujyma hãndi opaite henta'ĩrũ kyambaare pyhỹrõva retarã, mba'etypo porãmba he'iha pyndyrehe verã Tũpa hỹnonde.

Romano 12:2

Hãrã avypo piko ko yvy'ĩãrẽ'iare ikova rãĩmi, koñeĩ pypya pimbijeta py'aupojy. Hãmerãpo pikuaa Tũpa potava rãĩmi, haikaviva, pya ohoheva hareka hekope kavi'õ.

Filipenses 4:20

Ñamombai vasushu opa ara Tũpa! Amén.

Efesios 5:2

Piko jyhaihuvape Cristo ñandyraihuva rãĩmi. Cristo hykove meẽ ñandyrehe vekua, pente avisha ray jukahava rãĩmi hareka me'ẽãva Tũpape pishe katuva.

Apocalipsis 1:5

hareka Jesucristoivi heshava jyrojaheva, tynondeite kuerajyva hareka mbaivasuveshiva mburuvisha vasu yvy ĩãrẽ'õre. Hai ñandyraihurã hareka opa ñandohe mbai porãmba vekuaaivi huvypy,

Apocalipsis 5:9

Hãrã jyvache pyrahe reta pente mbyrahe py'ahuva heiva: “Ndeñõi rãngapo katu rypysy ko kuatia mbapu'ahava hareka ryhekyshi verã sellore, ndukahava rehe, hãrã nduruvype yry'ovajy Tũpa pevarã, opaite kuaretare ñymoñashia, opaite tiñeere, henta'õre hareka tentavasure.

1 Juan 3:16

Ñande jaikuakavi Jesucristo jyhaihukue, shara hai meẽ ñandyrehe hykove. Hãme ñandyryvy retare ñameẽpo jyve ñandyrykove.

1 Juan 2:2

Hai ñymeẽ ñandyrehe jukaha verã mbai porãmba jajapova hejareii ñandyhevi verã; ha'ẽã ñandeĩ, koñeĩ opaite kuaretare rehe jyve.

1 Pedro 3:18

Cristo manojyve mbai porãmba jajapova rehe. Hai mbai porãmba japombatẽva, ñañarõva rehe hasa'asy, pyndyraha verã Tũpa ẽvãpe. Hai mano hetepe hareka kuerajy Espiritu rupii.

Santiago 4:4

Tykove Tũpa haihumba hareka ñee hendumbare! Pikuããra piñimi'ĩrũhe yvy'ĩãrẽ'õrã, peima pimbyvaishoheva Tũpa? Ĩme'ẽ pota yvy'ĩãrẽ'õ ñimi'ĩrũhearã, ñymbyvaishomahe Tũpa.

Hebreos 6:5

hareka pya ohohe vekuare Tũpa ĩñee haikaviva hareka mbaikatukuere yvy'ĩãrẽ ou verã ryheva,

2 Tesalonicenses 2:16

Hãrã Ñandeja Jesucristo hareka Tũpa pya kavi rupii hai ñandyraihu hareka meẽ ñande pyavapy japymbaa hareka ñyhãrõkavi,

Juan 12:31

Ã'ẽ kuaretare yvy'ĩãrẽ'õ mbivachehakapo, hãrã ko yvy'ĩãrẽ huvisharã'õ Ãña mohẽãpo katuape.

Mateo 26:28

Kova hai shuruvy my'ãñeteva ñee me'ẽãva py'ahuva ryheva, ñohẽhava opava pevarãre, mbai porãmba japo vekua hejahareishi verã.

Hebreos 9:14

mbovykuerapore mbaikatukue Cristo huvykue! Hai, Espiritu opamba rupii, ñymeẽ kyamba ryheve Tũpape, johe verã ñandypyape opaite mbai japoarã manõa ryhevaivi, jaijokuekashu verã Tũpa hykove'ia.

Hebreos 2:5

Tũpa rãnga ñonoãmba jokuevare ipope ko yvy py'ahuva ou'ẽ verã, ñande jaijetaheva.

1 Tesalonicenses 3:11

Tũpateiva hareka Ñandeja Jesucristo, typea ore tape ohoha pyndyreshahajy verã.

Efesios 6:12

Ñande ñaĩrãrõ ãña handi kuaretare, mbai poshyre juhuvisha reta rãnga ñaĩñymbivaisho vate arape'õre, pyrãntava hareka ko yvy ipope'ẽvã, jaikopyva pyntuva rãĩmi timimbiva.

Efesios 1:11

Tũpa, Cristo rupii, arykaivaĩ hai heimba ñanynohẽ verã mbai porãmba vekuaivi ta'yrã, hokava rãnga Hai pota japova, hareka Hai potava japoñoĩ.

Galatas 6:14

Tẽvã she katuã mbaivare airoja'ai shijehe, Jesucristo kurusureĩ rãnga. Shara Jesucristo kurusure mano rupii, she pevarã ko yvy manoma, hãrã she amanoma jyve ko yvy pevarã.

Romano 8:32

Hai haihuããmba ñandyhevi Tay, hãma ma'ẽĩmbahe mano ñandyrehe, marãrapo me'ẽã jyve ñande Tay hãndi, opa mbai mba'ety ñandeva?

Romano 8:3

Shara Tũpa japo, Moisés mbypara vekua katumba japova, shara kuaretare hete potavape katuã ĩñeerendu, Tũpa mboumba Tay pente tyretepe kuaretare mbai porãmba japo'ia hete rãĩmi, hareka mbai porãmba rehe jukaha verã, kyrã jahehe verã mbai porãmba tyrete potava ryheva.

Romano 1:7

Opaite Romape peĩva Tũpa haihuvare hareka hẽnohava iko pyndyhevi henta ĩrũre pyhyrõãva: Ñanderu Tũpa hareka Ñandeja Jesucristo tymaĩ kavi hareka tyheshaka pyavapy.

Juan 10:11

She hai avishare ñyngareko'ihea pya kaviva. Hãrã ko avishare ñyngareko'ihea pya kaviva, meẽpo hykove jy'avisha retare.

Juan 6:38

She ai vate araivi ajapo verã shymbou vekua potava, ha'ẽã she aipotavãĩ ajapo verã.

Juan 5:30

She, shijuhuvii katuãã mbai ajapo. She ajahe pyryrehe Tũpa heisheva rãĩmi, hareka hekope kavipo ajahe pyndyrehe, shara ajapoã she aipotava; koñeĩ Sheru shymbou vekua potavãĩ ajapo.

Lucas 22:42

hei: Sheru, nde ripotarã, mbyhasa shyhevi kova kopa irova. Tẽvã avy tiko she aipotava, koñeĩ tiko nde ripotava.

Marcos 10:45

Shara Kuareta Tay oũã pyrokue'i verã, koñeĩ jokueha verã rãnga hareka meẽ verã hykove, hetavape mondojepe verã mbai porãmbaivi.

Mateo 26:42

Hãrã hykuãĩ mokueheare kyrãĩ oho jururejy: Sheru, katũã rymbyhasa shyhevi ko jepy'apyrã, japo nde ripotava rãĩmi.

Mateo 6:9

Tẽvã pee kyrãpo pirure: Yreru vate arapy rĩmerẽĩva, avy tymyngy'aha ndyree.

Apocalipsis 7:9

Hokaivima amaĩrã, ahesha kuareta jahe vekua, katumbaa mbava opa papava, opaite hekyava tenta vasuivi, kuareta ñymoñashiare, henta'õre hareka opaite tiñeere, ñymbou ñynoĩ vapyhasepya Avisha Ray hỹnonde, hareka tĩĩvape ñimimondevare ipopere reta karãnday hãka.

Romano 8:27

Hãma Tũpa opa maĩ kavihea ñandypyape'õ, kuaa mbaivara Espiritu pota hei, shara Tũpa potava rãĩmi jurure'ĩãrẽ opaite jyrojava kyambare.

Lucas 22:19

Haivi hekyjy pãhã; opama jururejy'ĩãrã, pyseã meẽshu retarã hei: Kova hai shyrete, me'ẽã pyndyrehe verã. Pynymanduajy shyrehe verã, pijapo kova.

Mateo 13:22

Mbairãỹ oa vekua kapiãti pãũpe, hokava hai henduvare Ñee, tẽvã ojepy'apy mbai yvy'ĩãrẽ'õvãi mbai potakue mbytavyshu. Kova mbai opa japyraha shara potã ñee ia kavi pya retaperã.

1 Corintios 15:3

Shara tynonde ãmbeupe, sheteiva me'ẽãshe vekua, hokava hai Cristo mano mbai porãmba jajapo vekua rehe, Mbyparaha vekua heiva rãĩmi,

Efesios 5:16

Pipory kuaapo ara pimepẽĩvape, shara porãã ara ouva.

1 Tesalonicenses 1:3

Yrỹmanduañoĩ pyrehe ñanu Tũpa hareka Ñanderu hỹnonde marãra jyhaihupe pymba'apo hareka marãra pirojaiterã hetavape pymbory, hareka marãra pyharõkuaa Ñandeja Jesucristo.