Filipenses 4:9 - NandevaBiblia

⁹ Pijapo katu she apyrỹmboihe vekua hareka ahejapeva pijapo verã, opaite pyhendu hareka pyhesha shyreva ajapo vekua; kyrã pijapo hãrãpo Tũpa pya kavikue ẽẽ penendiekui.

Filipenses 4:9 Referans Kwoze

Santiago 1:22

Tẽvã pijapo ñee heiva rãĩmi, avypo pyhendupeverei, mahẽ piñymbytavykui.

Filipenses 3:17

Shyryvyre, piko katu she aikova rãĩmi, hareka pymaĩjyhe kyrã ikovape, pikuaa jyveshi ore ikohava me'ẽhapeva rãĩmi ikovare.

2 Pedro 1:10

Hãrã shyryvyre, piñyhããpo tantakavive pypyta Tũpa pynyrẽno hareka pynypyhỹrõvape, kyrã pijaporã mbaivapeãpo peajykui.

Juan 13:17

Pikuaa kavi kovarã, hareka pijaporã pyvy'apokui.

Filipenses 4:7

Hareka Tũpa pyavapy, hai ojaimbava kuaretare pya mbijetahevaivi, ñyngarekopohe pyndypya hareka pyndypya pimbijetavare, Cristo Jesús rehe.

Romano 16:20

kyrãrã Tũpa pyakaviva areãpo pyrõ ñonohekui Satanás pepy ipe. Ñandeja Jesús jy'ajetekue toĩ penendie.

2 Corintios 13:11

Koñymahea shyryvyre, pyvyañoĩ, pẽĩkavi, piñymykyrẽy pepenteĩ, pente pyapeĩ piko hareka pyavapype. Kyrã Tũpa jyhaihukue hareka pyavapy Ija ẽẽpo penendie.

Lucas 6:46

Marã'irãra pereshe, “Sheja, Sheja”, hareka pijapoã she hai peeva?

Mateo 28:20

Hãrã pymboishu opaite tijapo reta she hai pee vekua. Pikuaapo she ãĩmẽpo penendie opa arape ko yvy opapeve. Amén.

Mateo 7:21

Ha'ẽã opaiteva heisheva: “Sheja, Sheja”, iche verã vate arapy huvisha vasurã ẽvãpe, koñeĩ Sheru vate arapy'õ potava japovãĩpo ichekui.

2 Tesalonicenses 3:4

Ore jyrojaha Ñandejare, pee pijapova hareka pijapoñoĩ peho verã pynymbo'ehaheva.

1 Tesalonicenses 1:6

Pee pikojyve ore ikohava rãĩmi hareka Ñandeja rãĩmi, Espiritu Santo meẽpeva vy'akue ryheve, ajemaĩ heta piko'asy.

1 Tesalonicenses 5:23

Tũpateiva, pyavapy Tũpa ña'ãpova, pynymbyheko kavi hareka tiñono kavi pyndyrykove, espiritu, pyndykove hareka pyndyrete, kyambape'ẽ verã, Teja Jesucristo oujyrã verã.

Romano 15:33

Tũpa pya kavikue tõĩ penendie opaiteva. Amén.

Juan 2:5

Hãrã Maria heishu haipe jokueha'õre: Opaite pijaposhukui hai heipeva.

Lucas 8:21

Jesús heishu reta: Shesy hareka shichey reta rãnga Tũpa ĩñee hendurã japovare.

1 Tesalonicenses 2:14

Shyryvyre, tũpao Judeape'õre japovare rãĩmikatĩĩ, pijapo jyve. Hai reta rãnga õmombaimba jyve Tũpa hareka ñymypenteĩmba hãndi reta Cristo Jesús, shara henta ĩrũ retaimba mbyhasa'asy jyre. Kyrã jehu jyvepe.

1 Corintios 10:31

Pykarurã, maĩrã pimbyurã, maĩrã mbai pijapovare, pijapo pemombaivasu verã Tũpa.

Hechos 9:6

Pu'ã hareka iche tentape, haipepo mbe'uandekui rijapo verã”.

2 Timoteo 4:22

Ñandeja Jesucristo tõĩ nendie. Tũpa jyhaihukue toĩ penendie. Amén.

1 Corintios 14:33

Shara Tũpa ha'ẽãhai Tũpa opa ñymomohẽvã ryheva, pyavapyva ryheva rãnga hai. Kyrã japo opaite Jesure jyrojavare ñymbatyvaipi.

Juan 15:14

Pee rãnga hai shi'ĩrũre, pijapo she hai peevarã.

1 Juan 3:22

Hãrã me'ẽãpo ñandekui opa mbai jairureshuva, shara jajaposhu hai potava hareka jajapo hỹnonde hai mbyvyava.

Mateo 1:23

Ko kuñatãi ndei kuimbai pokohea memby kuimbaipo. Hãrã hai heerãpo “Emanuel” he'iseva: “Tũpa ẽẽ ñanendie”.

1 Corintios 4:16

Hãme rãnga airurejype she aikova rãĩmi piko verã jyve.