Filipenses 4:3 - NandevaBiblia

³ Nde jyve, amba'apoape shimi'ĩrũriva airure nde rymbory verã jyve ñaniindy retape, hai reta rãnga heta shimi'ĩrũ kova Ñee kaviva ambeu'airã, Clemente hareka ĩrũ retajy. Haire hee opama mbyparaha kuatiape.

Filipenses 4:3 Referans Kwoze

Apocalipsis 13:8

Hareka omombaishu reta kova mymba opaite Avisha Ray jykuatia tykove ryhevape hee ñonoambava, jukaha vekua. Kova kuatia ẽẽmba arykai Tũpa yvy ndeiteri japorã, haipe opa ĩme'ẽ kuaretare hee tykove ĩmemareare.

Apocalipsis 3:5

Opa õhẽkaviva ñyrãrõivi, mondepokui mondeava tĩĩva hareka ambaiãpokui hee kuatia tykove ẽẽpyvaivi, heere ambeupo jyveshu Sheru hareka Tũpa jokuevare hỹnonde:

Lucas 10:20

Tẽvã avy pyvya mbaiposhyre japo pee pereshuavarã, pyvy'apo jyve pyndyree ñonohãma vate arapy Tũpa ẽvãperã”.

Filipenses 1:27

Koñeĩ airurepe pikokavi verã Ñee kavi Cristo ryheva pyrỹmboiva rãĩmi. Shara aha apyryresharã maĩrã ãĩmbate haipeva, koñeĩ tahendu pyndyhevi piko kavi ijupiiva hareka piñyhãã pente pyapeĩ Ñee kaviva pirojaheva rupii.

Apocalipsis 21:27

Tẽvã mbaipeveãmapo hokape ichejy mbai kyava, mbai porãmba'eiteva hareka japuvare. Koñeĩ'ẽ iche verã heere mbyparahava Avisha Ray jykuatiape tykove ryheva.

Apocalipsis 17:8

Kova mymba ñarõva ryheshava rãnga arykai iko vekua, tẽvã ikoveãma, katynga õhẽpokui yvykua vasuivi, opa mambaia verãĩ. Hãrã opaite yvy ĩãrẽ'iare heere kuatia tykove ryhevape mbyparahamba ko yvy ndeiteri õñepyrõrã, mbyrypo maĩ retakui heshama arykaiva mymba ñarõva hykove'ia, mano vekua hareka õhẽjya.

Filipenses 4:2

Airure Evodiape, hareka Síntiquepe jyve, tiñymbypya penteĩ Ñandejare.

Romano 16:12

Pymarãndushu ñaniindyre Trifena hareka Trifosa, Ñandeja ryhevape mba'apovare hareka haihuhava Pérsida, heta mba'apova jyve Ñandeja pevarã.

Romano 16:9

Pymarãndushu Urbano, ĩrĩ'ĩrũ Cristo ryheva hareka ahaihuva Estaquis.

Romano 12:1

Hãmeara, shyryvyre, Tũpa jyparekokue ojaimbava rupii airurepe, pymeẽ verã pyndyrete Tũpape me'ẽãva rãĩmi ĩmeĩ'ia, kyambape hareka Tũpa mbyvyashu verã. Kyrã rãngatẽpo õñemombaishu.

Apocalipsis 20:12

Ahesha jyve opa mano vekuare, ndeiva hareka sanjaymba, ñymboy ñynoĩ reta Tũpa hỹnonde; haivi pe'aha kuatiare. Pe'aha jyve yngava kuatia, haiva kuatia tykove ryheva. Mano vekuare mbivachehakahe kuatiape mbyparahaheva rãĩmi.

Colosenses 1:7

Kyrã rãnga pynymboi Epafras, mba'apoha'i hãndiva haihuhava, hai rãnga jyroja kaviva; Cristo jokueva opaite pee pevarã.

Apocalipsis 20:15

Hareka heere ñonohãmbaa kuatia tykove ryhevape, momboha reta tata vasupe.

Filipenses 1:5

shara shymborypi jyve ambeu verã Ñee kaviva, tynonde arape pyhendurã vekua ã'ẽpeve.

Filipenses 1:7

Haikavi rãnga kyrã shypya ambijeta pyndyreherã, shara shypyapeĩ apyryre; ajema shymbyperesoha amaĩ'ãĩ ĩãrẽ hareka amy'ãñete Ñee kaviva, opaite pẽĩ jyve shendie jyhaihu Tũpa meẽshevape.

Filipenses 1:12

Shyryvyre, aipota pikuaa kova mbai jehushevare haikavi jyve Ñee kaviva ryheva ñimbitivishave oho verã.

Filipenses 1:16

Ã'ãmo mbeu reta Cristo jyhaihupe; shara kuaa reta shiñonoha Ñee Kaviva ryheva amaĩ ĩãrẽ verãrã.