Filipenses 4:19 - NandevaBiblia

¹⁹ Tũpa meẽpojype opava maĩnunga pee pikotẽveva, shara heta mbai ĩmere vate arape Cristo Jesús rupii.

Filipenses 4:19 Referans Kwoze

1 Pedro 5:10

Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.

1 Timoteo 6:17

Ikokatuvare ko yvy'ĩãrẽ, ereshu reta avy tiroja'ijehe maĩrã jyrojahe mbai hetareare, shara haire opa verã ryheva. Tirojavehe Tũpa hykovevare, hai heta meẽ ñande maĩnungakuere javya verã.

Colosenses 1:27

Tũpa potai kuaakashu haimba Judiovare mbai ojaimbava hĩmbipeva tentare pevarã, hokava hai: Cristo ẽvã pynymbytepe, hãrã haiteiva pyharõpẽĩ pyreko verã tykove hĩmbipeva.

Efesios 3:16

airure Sherupe, tymeẽpe ña'ãpova mashyãva, tymeẽpe mbaikatu hareka pyndypyape pyrãtakue jy Espiritu rupii,

Colosenses 3:16

Cristo ĩñee tytynyhẽ kavi pyndypyare. Piñymbarakuaa hareka perepijupe mbai kuaakuepe. Pyndypyaivive pymeẽshu Tũpa pyndy'ajetekue, pypyrahe salmope'õ, mbyrahe haikaviva hareka mbyrahe Espiritu ryheva.

Romano 8:18

Kyrã, jyhasa'asy ã'ẽ jahasava mba'ẽã, ñambivachehe hĩmbipeva Tũpa heshaka ñande verãrã.

Efesios 1:7

Hai mbyhepy ñandyrehe ñanynohẽajy verã hareka hajareii ñandyhevi porãmba jajapo vekua, Tay huvy ĩñohẽva rupii, kyrã hai japo shara pyryraihukue opããshi hai.

2 Corintios 4:17

Shara jyhasa'asyre sapy'aiteĩ hai hareka areã opa hasa. Tẽvã hai rupii, Tũpa meẽ ñande tykove hĩmbipeva opamba ryheva, hareka hetaiteveva.

Romano 9:23

Kovape, hai heshaka ñande jyhaihukue hareka ñymbaikatu ñanymondojepe verã. Hareka heshaka verã hai hĩmbipe ikokatukuere ñande haiva timbiporyre arykaima japova haikavivare pevarã, heshakashu hĩmbipeva.

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,

Efesios 1:18

Airurejy Tũpape pyndypyape sape verã, pikuaa kavi verã mbaivara ñyhãrõ kavi pynyrẽnohavape, haikavi hĩmbipeva hareka mbai hepyva pyrỹmondo jepeva Tũpa meẽshuva heko kyambare,

Efesios 2:7

Kova japo heshaka verã ara ou verãpe marãra hai ñandyraihu hareka ñandypareko Jesucristo rupii.

Romano 2:4

Rĩmbijiche, opambava Tũpa ñymbai kavi, pyakavikue, hareka ñyhãrõkuaa, rikuamba rỹmondova hokava ñymbai kavikue katu ndyverujyva Tũpa kyty.

Romano 11:33

Tũpa iko katukue ojaiã, ãrãndukue hareka mbaikuaakue Tũpaivi ouva. Mba'ety katu mbeu kavi verã hai potava hareka kuaa verã hai japova.

1 Pedro 5:1

Ã'ẽ airureposhu kuakuavare ẽvã pynypaupe tũpaope, she jyve kuakuava haire rãĩmi hareka heshava Cristo jyhasa'asykuere, apitypo jyve hai hĩmbipekue heshahaka verãpe:

1 Tesalonicenses 2:12

hareka jururehajyvyĩpe Tũpa ryhevare ikova rãĩmi piko verã, hai vapy'õpe pynyrẽno hareka hĩmbipevape hai ẽvãpe.

Romano 1:8

Tynondepo ameẽ Tũpape ajetekue pyndyrehe, Jesucristo rupii, shara oparupi mbe'uha jyrojakue pyrekoheva.

Juan 20:27

Jesús heishu Tomas: Minje ndepo inti kope koravo kuarekuepe, hãrã mãĩ shepore, hareka minje ndepo shiche kutuha vekuape. Ỹteñomapo mbai ryrojãã iko, ryroja rãngapo!

Juan 20:17

Jesús heishu: Avy poko shyrehe, shara nde'iave ajupijy Sheru ẽvãpe. Tẽvã ekua mbeushu shyryvyre, ajupijy verã Sheru ẽvãpe, hai jyve Peru. Hokava hai shu Tũpa hareka jyve punu Tũpa.

Filemon 1:4

Filemón, Tũpape ameẽñoĩshu shy'ajetekue shymanduama ndyree airurema ãĩrã,

2 Corintios 12:21

Kova aha verãpe akyjejy, shu Tũpa shymymarãka pynynõnde verã, hareka katu ajaheo mbai porãmba japo'iare rehe, hareka hejãã reta maĩnunga porãmbare, kyrãrãĩ'iare, heko ky'akuepy jypykuamavare.

Mateo 6:32

Opaitea kovare ojepy'apy Tũpa rojambare, tẽvã pyreko pente Peru vate'õ, opa kuaava mbaivara pikotẽvẽ.

Filipenses 4:7

Hareka Tũpa pyavapy, hai ojaimbava kuaretare pya mbijetahevaivi, ñyngarekopohe pyndypya hareka pyndypya pimbijetavare, Cristo Jesús rehe.