Filipenses 3:8 - NandevaBiblia

⁸ Ã'ẽ ahesha kavi kova maĩnunga yty rãĩmi, shara haikaviveshe Cristo Jesús Sheja aikuaarã hareka ãmombo ytype kova maĩnungare, ĩme'are verã Cristo, kyrã Tũpa pota ñandyhevi.

Filipenses 3:8 Referans Kwoze

Romano 8:18

Kyrã, jyhasa'asy ã'ẽ jahasava mba'ẽã, ñambivachehe hĩmbipeva Tũpa heshaka ñande verãrã.

Hechos 20:24

Tẽvã opaite kova mbai ha'ẽã shypya mbyvyamba'õ; hareka shyrykove ha'ẽãjyveshe mba'eite, koñeĩ aipota vy'a ryheve ahahe ko añaniva japyapeve. Hareka hekope kavi ajapo Ñandeja Jesús hejasheva, ãmbeu'ai Tũpa Ĩñee Kavi jyhaihukue ryhevarã.

Filipenses 3:7

Opaite kova mbai haikavishe aryka'e, Cristo ahaihu rupii, ã'ẽ mbaiveãma she arykai ambyhaikavi areva.

Juan 17:3

Hãrã kova hai tykove opambava; ndykuaa verãre nde haiva koñeĩ'õ Tũpa añeteva hareka jyve Jesucristo, rymbou vekua.

Filipenses 3:10

Shykyrẽy aikuaveshuvape, hareka mbaikatu puãjyva ryheva, aĩ verã jyve hai jyhasa'asykuere, hareka amano verã hai mano vekua rãĩmi.

2 Pedro 1:3

Tũpa ñymbaikatu rupii meẽ ñande opava maĩnunga mba'etyjareva ĩmejare verã tykove hareka jaiko hai potava rãĩmi. Hai ñanymbykuaaka Cristo, ñanyrẽno hai ojaimba rupii hareka mbai haikaviva japovare rupii.

1 Corintios 2:2

Hãrã ãĩme'ãĩ pynymbyteperã, koñeĩ aijetahe Jesucristo ryheva, jaishu, manorã vekua kurusure.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

Juan 17:8

she ambeushu reta niñee rikuaakashe vekua, hãrã haire roja. Kuaama reta ãñetẽĩte ndyhevi aiva, hareka roja reta nde shymbouva.

Juan 14:20

Hoka arape pikuaapokui Sheru hãndi pentevãĩ orevarã, hareka pikova shypyape hareka she aikova pyndypyape.

Hebreos 3:14

Shara ñande heta mbai ĩmejare Cristo handi, jairojaĩhe opa arapeve tynondeite ĩmejarevaivi.

2 Corintios 4:6

Shara Tũpa teimba, hei timimbivape sape verã hendyva, hai sapeka ñandypyape, sape verã hareka kuaaha verã Tũpa hĩmbipekue, hĩmbipeva Jesucristo hovare.

Juan 14:7

Shykuaapirã, pikuaapo jyveshu Sheru, hãrã ã'ẽ pikuama, shara pyheshapẽishu.

Efesios 4:13

japity peve opaite pente jyrojavapeĩ ñaĩ verã hareka Tũpa Ray ñy'arãndukuepy, pente kuimbai heko kaviva, Cristo tynyhẽva jyvajekuepy.

2 Pedro 3:18

Haikavivepo, pupuãve peho Jesús jyhaihukuepy hareka pikuave pyraha Ñandejape, Ñanymondojepeva Jesucristo. Japyraheshu Jesucristo ã'ẽ hareka opa arape! Amén.

1 Juan 1:3

Hãrã ore heshahava hareka henduhava mbe'ua jyve pee piñimi'ĩrũ yryrehe verã, hareka ñanimi'ĩrũva Tuu hareka Tay Jesucristo handi.

2 Timoteo 4:6

Vãhẽserima Tũpape shyme'ẽãrã shukaha verã hareka vãhẽmapo ara amano verãpe.

Juan 20:28

Haipe Tomas hei: Sheja, hareka shu Tũpa!

Juan 16:3

Haire kyrãpo japo, shara shykũãã reta hareka jyve Sheru.

1 Juan 2:19

Hai reta rãnga õhẽ ñanymbyteivi, tẽvã ha'ẽã ñandyryhevare, shara ñandyryheva retarã pytatẽ ñanendie verã, tẽvã kyrã jehu ijyhesha verã opaĩñoã ẽẽ ñanendievare hai ñandyryheva retarã.

1 Pedro 2:7

Pee jyrojavare pevarã, hokava ita hepyva, hãrã rojambava pevarã, ita mbijicheva mupuã'iare, ou ikoshi ita jypy.

Galatas 1:16

Heshakashe Tay ambeu verã ĩñee haimba Judiore pãũpi. Hokava ikorã, mbava kuaretãã aha airureshu shymbarakuaa verã,

2 Corintios 4:4

Haire rojãã, shara ãña ko yvy ija ñakapy mypyntushi reta, potãã mykõĩshu reta Ñee kaviva hĩmbipeva Cristo ryhevarã, shara Cristo hai Tũpa rãĩmiva.

1 Corintios 9:10

maĩrã yryrehera hei? Ãñeteara yryrehe hei, shara, ikokue mungui'õ hareka trigo ñotyãva jykyi'õva harõ'ẽ me'ẽãshu verã i'akue.

Juan 20:13

Hãrã Tũpa jokuevare pyrãndushu: Taupe, marã'ĩrãra rijaheori? Hai hei: Sheja rãnga rahaha, hãrã aikuãã mãĩpira ñonoha.

Lucas 11:20

Tũpa mbaikatu rupii rãnga she ãmohẽ mbaiposhyre, hãma hokava he'ise Tũpa ẽvãpe'õ ryheva vãhẽma peeva.

Lucas 1:43

Mbavara she, ou pohyshe verã Sheja ishy?

Romano 8:39

vate arape'õvãĩmba, yvykuape'õvã, mba'ety Tũpa japo vekua ñanymbysyryshi verã Tũpa jyhaihukue, hai heshaka ñande Cristo Jesús Ñandeja rupii.

Filipenses 1:1

Pablo hareka Timoteo Jesucristo jokuevare, opaiteva Cristo Jesús ryhevare kyambava Filipope'õre, Tũpa hoope miñaka'õre hareka tũpaope mba'apova.

Filipenses 3:12

Ha'eã ãvãhẽmava japype, maĩrã haikavitema ãĩva, katynga ahaĩterihe tynonde ãhãrõ apitypeve Cristo Jesús shipityva rãĩmi jyve.

2 Pedro 1:2

Airureshu Tũpa, vãhẽpe verã hetave jyhaihukue hareka ma'ẽĩhe piko verã pyavapype, Tũpa pikuashuva rupii hareka Ñandeja Jesucristo.

2 Pedro 1:8

Opaite kovare hehetavepyrerã hareka kyrã pikorã, pikoreiveãmapo hareka pikuakavimaposhu Ñandeja Jesucristo.