Filipenses 3:6 - NandevaBiblia

⁶ Shapuiteherã, tũpaore amoña'are, hareka Moisés mbypara vekua rupii ajaporã, mba'ety mbava mbai heishe verã.

Filipenses 3:6 Referans Kwoze

Hechos 8:3

Tẽvã Saulo haipe opa momohẽ Tũpare jyrojavare hareka henta retaipitei iche oho, nohẽ mbytyryry kuimbaire hareka taupere raha mbyperesoka verã.

Mateo 5:20

She hai pee, pijapo kaviãã fariseore hareka Moisés mbypara vekua pyrỹmboi'ihea hekope kaviva ryhevarã, picheãpokui huvisha vasu vate arapy'õ ẽvãpe.

1 Timoteo 1:13

Ajemaĩ aryka'e poporãã aijetahe, ãmoña'are hareka ajahe arehe jyrojaheare. Tẽvã Tũpa shyparekomba, shara airojããteri, hãrã aikuãã ajapo'aiva.

Filipenses 3:9

Añymypente handi verã, ha'eã ñimbivacheva rupii Moisés mbypara vekua rehe, koñeĩ Cristo jairojaherã, ñimbivacheva hai jyrojakue rupii Tũpaivi ouva.

1 Corintios 15:9

She rãnga hai apostolre mbytepe mbai'ãĩteveva, hareka ẽẽãny shymbyhea verã apostol, shara ãmoña'ai arykai Tũpa ryhevare.

Romano 7:9

Arykai aiko ñee mbyparahava japoa verãmbape, tẽvã hokava oumarã, mbai porãmba vekua kuerajy, hareka she ãmano.

Hechos 26:5

Hai reta rãnga kuaakavi reta hãrã pota hei retarã katu hei. Shukunumirãvãĩ she hai fariseova hareka ñyngarekope kavi japoha jypykuaahava rãĩmi ore ohoahea.

Hechos 21:20

Haivi kova henduma retarã, õmombai reta Tũpa. Hãrã heishu reta Pablo: Haikavi shyryvy Pablo, ryheshama israelitare mbytepe hetama ẽẽ jyrojavarã, hareka opaite ñymykateyhe reta Moisés mbypara vekua.

Lucas 1:6

Mokue ryheve heko kaviva Tũpa hỹnonde, hareka japo hekope kaviva ñeẽ japoa verã.

Mateo 23:25

Tengapope Moisés mbypara vekua pyrỹmboi'iheare hareka fariseore, hova mokue'iare! Pijoheva timbipory ĩãrẽ tẽvã pyndypyape tynyhẽ potaĩ pymanarõshu kuaretare hareka hetapyre maĩnunga.

Hechos 22:5

Pai juhuvisha vasu hareka kuakuavare kuakavi ñynoĩ haire meẽshe kuatia mbyparahava ñandyryvyre Judiore verua mbyperesoa verã Damascoivi. Aha aheka Jesure jyrojavare, aru verã ko Jerusalenpe nũpaha verã.

1 Corintios 10:32

Avy porãmba pyheshakashu Judio retape, Israelitamba retape, maĩrã Tũpa jytũpao ryheva.

Filipenses 2:15

Iko pyndyhevi verã mbaimba heshahahea hareka jyrojamba ijeheva, Tũpa tayre rãĩmi kuareta ñarõva hareka mbai porãmba japo'iare mbyteipi, haipepo pinihimbipekui jasytata vate'õre rãĩmi.