Filipenses 3:19 - NandevaBiblia

¹⁹ Hokavare japyapepo jyvareahe retakui. Ñu tũpa ha'ĩĩ potaveshi reta, hareka japuhe reta notitẽ verãre. Yvy'ĩãrẽ õvaĩ pya mbijetahe reta.

Filipenses 3:19 Referans Kwoze

Romano 16:18

shara jyrojãhe Ñandeja Jesucristo, koñeĩ ha'eire hete potavape ijokueka'iare hareka ñee mbevepeĩ hareka añeteva nungape mbytavyshu pya poshymbape.

2 Pedro 2:3

Kyrypoti potakueivipo, haire pynymbytavy pyta verãre opaite pyndykyrypoti ryheve. Arykaivãimba ñonoha haire jahehahe verãre, hãrã hokavaivi ohojepeãposhi reta.

Colosenses 3:2

Pypya pimbijetahe mbai vate arapy'õ, ha'ẽã yvyipi'õre.

2 Pedro 2:1

Israelvare mbytepe ĩmemba'ẽ arykai pyrỹmboi'iare japuva; kyrãpo ẽẽ jyvekui pynymbytepe israel pyrỹmboi'ia japuvare. Haire ñemiapepo pynymboi, ijetapohepe pyrỹmyporãmba ryheva hareka añetembavare. Haire ñomipo Ñandeja Jesucristo nohẽshu vekuare mbai porãmbaivi. Hokava veruposhu reta arembaa opa jyvareahe verã.

2 Corintios 11:15

Hãme rãnga ohoheare kyrãĩ mbai japo rã'ãnga ñimbivachepe. Tẽvã hokavare opapokui, japo vekua jurureva rãĩmi.

2 Corintios 11:12

Tẽvã ajapoteripo aha'ai ajapova, juru ambotyshi verãre, haipi heka'iare mbaivarapo hei. Heka marãrapo hei reta, haire japova jyrojahe verã.

2 Pedro 2:13

Hãrã haire hasa'asypo hetavape mbyhasa'asyva rãĩmi. Mbyvyava rãĩmi tykove ijokombavape jyrerã arakuepe japojyrerã. Hokavare hai tykove kyava hareka myngyava, pynymbytavy hareka puka pyndyreheva karuteri penendierã.

Galatas 6:13

Hãrã opaite ñichĩchĩka vekuare, opãã japo jyve Moisés mbypara vekua heiva rãĩmi. Tẽvã haire pota peiĩ pipire pichĩchĩkashu, haivi jyrojahe verãre haire heiva pijaposhurã.

Apocalipsis 21:8

Tẽvã kyjekatuva hareka jyrojambaa, heko kyava hareka pirijuka'iva, kyrãrãĩ'ia hareka pajeva, tarã'ãngape omombai'ia hareka opaite japuvare, haire mombohapo tata vasu hareka asufre ẽvãpe, hokava hai ñymano mokuehea”.

1 Corintios 3:3

shara nde'iave pynypyrãta. Ĩmeteri ã'ãmore pynymbytepe pota ha'epaite'iarã hareka poshyvarã, pikoteri kuaretare jyrojambare ikova rãĩmi,

Apocalipsis 22:15

Katoapepo pyta hai heko porãmbare, pajevare, kyrãrãĩ'iare, purukavare, tarã'ãngakuerei omombai'iare, hareka opaite vyava mba'ety vekua mbeu'irã.

Judas 1:16

Kova kuaretare opava mbyposhyka hareka ijetareii, koñeĩ haire potavaĩ pota japoashu, myporãjyvyĩ ijeta reta pota maĩnunga me'ẽãshu retarã.

2 Timoteo 3:4

Mbytavypo hapishare, pya mbijetamba ryheve mbai japo, jyroja ijehe, Tũpa heiva japotẽ verã, ha'eire potavaĩ japove reta.

1 Timoteo 6:5

hareka ñyrãrõ opambava, katuã pya mbijeta kavi hareka kuãã mbai añeteva, haire moã tykove mbijicheava Tũpa pevarãpe heta kyrypoti mbatyrã.

2 Tesalonicenses 2:12

Kyrãpo jaheahekui opaite mbai añeteva rojambaare, tẽvã koñeĩ mbai porãmbape vy'a jyre.

Filipenses 2:21

shara opaiteva yngavare heka haire pevarãĩ haikavishuva, ha'ẽã Jesucristo ryheva.

1 Corintios 5:6

Porãã rãnga kova ryheve pirojapi pindijeherã. Pikuaa kavi rãnga'ãmo pãhã mby'ouka mishĩtẽ harina mbihi'ava opaĩ mby'ou.

1 Corintios 5:2

Kova ryheveĩ pirojapi pindijehe, pymbasytẽhe verã! Hokava kuimbai kyrã japo vekua pymohẽpo pynymbyteivi.

Apocalipsis 19:20

Hãrã pysyha hokava mymba ñarõva hareka Tũpa ĩñee japupe mbeu'ia, hareka hỹnonde mbai heshaha verã japo'ia hareka mbytavy jyreshu mbai heshahava rupii ma'ẽĩhe ñonoka'ijevare mymba ñarõva hareka hã'ãnga omombaishuare. Mokue'õ hykove ryheve opa momboha tata vasu hẽndyvape asufre.

Santiago 4:16

Katynga, pypya'ohe piroja pindijeheva ryheve pijetarã. Opaite kyrã jyroja'ijeheva porãã.

2 Tesalonicenses 2:8

Hãma heshahapokui hokava heko porãmba'ia, Tẽvã Ñandeja Jesús jyvarepohekui putũhẽi juruivi mondoherã hareka opapo hĩmbipekuepy jyvarehe oujyvape.

Lucas 18:4

Heta ara ko huvisha pirĩmbivache'ia ñatẽy japo jurureashua, tẽvã hei pyape: “Ajema Tũpa akyjeãshi hareka mba'eãjyshe shapisha,

Lucas 16:19

Ĩmemba'ẽ pente kuimbai iko katuva, mondeava hepyva monde'ia hareka opa'ara japova karu vasu.

Lucas 12:19

Haipepo hai shyrykovepe: Nde shyrykove, heta mbai ĩmeryre nãtũava heta ãño pevãrã; putu'u, karu, ñymbyu, vy'a!

Mateo 25:41

Haivi mburuvishavasu heipo jasu kyty'õ retape: “Pysyry shyhevi, pee pimepẽĩva Tũpa ñunũpa'ipe; pekuape tata opamba'õpe myhẽvãha Ãña hareka jokuereare pevarã.

Mateo 16:23

Jesús jerepyrã heishu Pedro: Syry shyhevi Satanas! Nde pota shocharẽĩ. Ndypya rĩñanduva ha'ẽã Tũpaivi ouva, koñeĩ kuaretare ñanduva rãĩmi rĩñandu kova mbai.

Apocalipsis 18:7

Hai rãnga jyroja'ijehe hareka pya ohohe haikavivape iko verã; hãme ã'ẽ pymbyhasa'asyveshu hareka tijaheo. Shara hai pyape hei: “Kope avapy ãĩ huvisha vasu rãĩmi. Ha'ẽãshe ĩme manoshia hareka ahasa'asyãvãĩpojy”.

Judas 1:4

shara ñymbytavy rupiima ã'ãmo kuareta iche pynypaũpe porãmbava. Haire yngai mbeujy Tũpa pyakavikue heijyre Jesucristo haimba Ñandeja koñyjareva hareka ña'ãpova, hãrã japoi jajaposhu verã heiva. Pya mbijeta reta, Tũpa ñandyraihuiterã, jahembaa ñandyrehe verã mbai porãmba jajaporã. Ajenynga, heta arama he'ihahe kuatia Tũpa ĩñeepe jaheañoĩhe verã hokava kuaretare.

Romano 6:21

Mbaivara pimbijehupy hokava? Ã'ẽ hokava maĩnungare pynoti, shara kova maĩnungare pyryraha ñymanope.

2 Tesalonicenses 1:9

Haire jaheapohekui opa õñehundi verãpe. Mombohapo mbyry Ñandeja ẽvãivi, hĩmbipekue hareka ñymbaikatukueivi,

Judas 1:10

Tẽvã kova kuaretare kuaakavimba retaave ijeta porãhe. Haire mymba rãĩmi jyre, opa mbai kuaa tẽvã kuaakaviã retarã ha'eire jyvare ijehe.