Filipenses 3:12 - NandevaBiblia

¹² Ha'eã ãvãhẽmava japype, maĩrã haikavitema ãĩva, katynga ahaĩterihe tynonde ãhãrõ apitypeve Cristo Jesús shipityva rãĩmi jyve.

Filipenses 3:12 Referans Kwoze

2 Corintios 7:1

Hãme, shyryvyre ahaihuva, kova ĩmejareva hai ñee me'ẽãva. Hãme avypo ñaimyngyapy opaite katu ñanymyngyavare, katupo ñandyretepe maĩrã espiritupe, kyrãpo ñandyky'ãã shara Tũpaivi jakyje.

Hebreos 13:21

Haipo pynymboi opa mbai haikaviape, pijapo verã hai potava, hareka tijapo pyndyrehe mbai kaviva Jesucristo rupii. Jesúspe tymyvãhẽha hĩmbipekue hareka opa ara toñemombai. Amén.

Efesios 1:4

Tũpa rãnga ñanypyhỹrõ Cristo rupii ko yvy jerekue ndei japoharã, heko kyambape jaiko verã hareka mbai porãmba jajapombape Hai hỹnonde. Jyhaihukuepe,

Filipenses 3:16

Tẽvã ñande hokava japitykavivare, pente ñeepeĩpo jaiko hareka penteva pyapeĩ.

2 Pedro 3:18

Haikavivepo, pupuãve peho Jesús jyhaihukuepy hareka pikuave pyraha Ñandejape, Ñanymondojepeva Jesucristo. Japyraheshu Jesucristo ã'ẽ hareka opa arape! Amén.

Santiago 3:2

Opaiteva hetañoĩ jajavy. Ĩme'ẽ ĩñee rupii javymbaarã hokava hai pente kuimbai hekope kavi'ia, hete katu jokova.

Hebreos 12:14

Piñyhããpo piko hãndi pyavapype opaiteva hareka pyreko tykove kyambava, shara kyrãmbape mba'etypo hesha verã Ñandeja.

Galatas 5:17

Shara tyrete potava ñymbyvaishohe Espiritu Santo, hareka Espiritu Santo potava ñymbyvaishohe tyrete potava. Kova mbai mokue'õre ñymbyvaisho ijehe pijapomba verã pee pipotava.

1 Pedro 5:10

Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.

2 Tesalonicenses 2:13

Tẽvã ñameẽñoĩposhu Tũpa ñandyvy'akue pyndyrehe jyve, shyryvyre Ñandeja haihuvare, shara Tũpa tynonde pynypyhỹrõ pehojepe verã, Espiritu rupii pinimbijiche Tũpa pevarã hareka añeteva pyroja rupii.

Efesios 4:12

kyrã ñono kavi heko kyambare jokue verã, mupuã verãre Cristo hete,

2 Corintios 13:9

Hãme ore vy'ahaĩ ỹrỹkangyrã, hareka pee pynypyrãtarã; hareka ñymbo'eha pyndyrehe hekope kavi piko verã.

1 Corintios 13:10

Tẽvã vãhẽma ou ara hekope kavi'õrã, ã'ãmo hekope kavimba'õ opapokui.

1 Tesalonicenses 5:15

Pingareko kavi avy mbava tymbyhekoviashu yngava porãmbape. Kyrãtẽ verã; piñyhãpo haikavivaĩ pijapo ijehe hareka opava retare.

1 Timoteo 6:19

Kyrãrãpo heta mbai ĩmere ara kutyvejya pevarã, hareka katupo hipity tykove opamba verã.

Hechos 9:15

Tẽvã Ñandeja hei: Ekua, shara apyhỹrõma hokava kuimbai ijeta shyrehe verã opaite yngava tenta retaipi'õ, huvisha vasure hareka jyve israelitare.

1 Timoteo 5:10

Tijykuaashi mbaikavi japova; jaishu mbykuakua kavi membyre, myvãhẽ kavi hentape mbuhupa, maĩkavirahe Jesús ryhevare mbai mba'etyreare, hareka mboryra iko'asyvare. Kyrã opaite mbaikavi japo vekuare.

Hebreos 12:23

hareka ñymbatyva Tũpa tay tynondevare mbyparahava vate arape. Tũpa teiva piñymbojahe, opavare mbivacheva, hareka piñymboja jyvehe kuaretare je'espiritu vate arape'õre mbyheko kaviamavare,

Mateo 5:48

Pee rãnga pyndyreko kavipo, Peru vate arapy'õ heko kaviva rãĩmi.

Romano 8:39

vate arape'õvãĩmba, yvykuape'õvã, mba'ety Tũpa japo vekua ñanymbysyryshi verã Tũpa jyhaihukue, hai heshaka ñande Cristo Jesús Ñandeja rupii.

1 Corintios 9:24

Pikuaa jyve ñanivape ĩñoñokuevare, heta'ẽ ñaniva, tẽvã penteĩ'ẽ me'ẽãshuva maĩnunga. Hãrã piñyhããngatu pipity verã jyve me'ẽãpe verã.

1 Corintios 13:12

Ã'ẽ jaheshakaviãteri, sypeva jykua kavimbapya rãĩmi jykuaakaviã; katy pente arape jaheshakavipokui. Ã'ẽ aikuakaviãteri, tẽvã pente arape aikuaa kavipokui Tũpa, hai opakavi shykuava rãĩmi.

Filipenses 1:1

Pablo hareka Timoteo Jesucristo jokuevare, opaiteva Cristo Jesús ryhevare kyambava Filipope'õre, Tũpa hoope miñaka'õre hareka tũpaope mba'apova.

Filipenses 3:3

Ñande hai ãñete ñymbai pire chĩchĩava; ñamombaiva Tũpa ñande espiritu ryheve, javyava Cristo Jesure, hareka jairojambaheva tyroore.

Filipenses 3:8

Ã'ẽ ahesha kavi kova maĩnunga yty rãĩmi, shara haikaviveshe Cristo Jesús Sheja aikuaarã hareka ãmombo ytype kova maĩnungare, ĩme'are verã Cristo, kyrã Tũpa pota ñandyhevi.