Filipenses 3:10 - NandevaBiblia

¹⁰ Shykyrẽy aikuaveshuvape, hareka mbaikatu puãjyva ryheva, aĩ verã jyve hai jyhasa'asykuere, hareka amano verã hai mano vekua rãĩmi.

Filipenses 3:10 Referans Kwoze

Galatas 2:20

Kurusure Cristo amano hãndi, hãrã ã'ẽ sheĩĩveãma aiko, Cristoima iko'i shypyy. Hãrã ã'ẽ aikova shyretepe, aiko airoja rupii Tũpa tayre, shyraihuva hareka mano shyrehe vekua.

Romano 8:17

Hareka ñande hai tay retarã, ha'eĩ jyve ñande tay tynondevare; Tũpa tay tynondevare, hareka tynondeiteva Cristo hãndi, añeteĩte jahasa'asy Cristo handirã ñanymbyveteapo jyve handikui.

Filipenses 3:8

Ã'ẽ ahesha kavi kova maĩnunga yty rãĩmi, shara haikaviveshe Cristo Jesús Sheja aikuaarã hareka ãmombo ytype kova maĩnungare, ĩme'are verã Cristo, kyrã Tũpa pota ñandyhevi.

1 Juan 2:3

Haereka ñande jajapo Tũpa potavarã, katuma opa jajapo, shara jaikuaa kavi jaikuama jareshua.

Colosenses 3:1

Pee pykuerajy Cristo rupii, hãma pyheka mbai vate araivi ouva, Cristo vapy'õpe Tũpa jakata kyty.

Colosenses 1:24

Ã'ẽ avya'aĩ ahasa'asy pyndyreherã, shara kyrãrã opa añono araha shyretere Cristo jyhasa'asykue, haiva tũpao.

2 Corintios 1:5

Heta jahasa'asyva rãĩmi Cristo jahaihurã, heta jyve vy'a japityva Cristo rupii.

1 Pedro 1:3

Japyraheshu Tũpa Ñandeja Jesucristo Tuu, ñyhãrõ mishĩmbava rupii ñanymby'oa py'ahujy pente ñyhãro opamba verãpe Jesucristo kuerajyva rupii.

2 Corintios 13:4

Ãñete rãnga hai mbysavavaha kurusure kangyva rãĩmi, tẽvã hai iko Tũpa ñymbaikatukuepy. Ore yrykangyhãĩ jyve handi, tẽvã ñymypenteãherã ĩmeãpo'i Tũpa ñymbaikatukue rupii, haikavipe verã.

1 Juan 2:5

Tẽvã ĩme'ẽ japoshuva hai potavarã, añeteĩte pya mynỹhe Tũpa jyhaihukue; kyrãvape ñande jaikuaa ñañymypentema hãndiva.

Juan 17:3

Hãrã kova hai tykove opambava; ndykuaa verãre nde haiva koñeĩ'õ Tũpa añeteva hareka jyve Jesucristo, rymbou vekua.

Romano 8:29

Shara opaite Tũpa kuaamavare, õñepyrõãivive pyhỹrõ ova verãre Tay hã'anga, tyvyre hetava mbytepe ikoshi verã tynondeva.

Apocalipsis 1:18

Hykovejyva, amanotẽ vekua, tẽvã ã'ẽ manomba verãma aiko, ĩme'are mbaikatu ñymano hareka tatavasu rehe.

Colosenses 2:13

Ndeiteri japoa pyndyrehe kova pipire chĩnchĩava ryhevarã, pee pymanomba arykai mbai porãmba vekuape. Katynga, Tũpa meẽ ñande tykove ñanimi'ĩrũheva Cristo, opa hejareii ñandyhevi mbai porãmba vekuarã.

Efesios 4:13

japity peve opaite pente jyrojavapeĩ ñaĩ verã hareka Tũpa Ray ñy'arãndukuepy, pente kuimbai heko kaviva, Cristo tynyhẽva jyvajekuepy.

2 Corintios 1:10

Ñanynohẽ, hareka ỹrynohẽjypo ñymanoivi. Jyrojahahe ỹrynohẽjyñoĩ verã,

Juan 10:18

Mba'ety heky shyheviva shykove, koñeĩ sheii ameẽjy. Shara ĩme'are mbaikatu ameẽ verã hareka apysyjy verã. Kova hai ñeẽ japoa verã amyvãhẽva she ruivi.

Mateo 20:23

Jesús heishu reta: Ãñete rãnga pyhasa'asypokui she rãĩmi. Tẽvã pyvapy verã shasu hareka shakata kyty sheeãpo ameẽpe, Sherupo meẽ hokava hai mỹhẽvã'ẽshua retape.

Romano 8:36

Mbyparahava rãĩmi: “Ndyrehe rãnga urukaha verãĩma ikoha; avisha rãĩmi yryrahaha urukaha verãpe”.

Galatas 6:17

Ã'ẽvaĩ aipotaveãmapo mbava ñonokui shyraperãpe mbai porãmba, shara ĩme'are mbypereava shyretere, heshakava ahasa'asyva Jesús jokuereasherã.

2 Pedro 1:13

Aikoterirã, ajapo verã hai apyrỹmykyrẽỹ hareka apyrỹmymandu'aka verã opaite kovare.