Filipenses 2:25 - NandevaBiblia

²⁵ Tẽvã haikavivepokui amondo shyryvy Epafrodito hareka mba'apo'i shendieva, shi'ĩrũ õñehãã'i shendieva hareka pymboushu vekua maĩ shyrehe verã aikotẽvevape;

Filipenses 2:25 Referans Kwoze

Filipenses 4:18

Ã'ẽ opama ĩme'are perukasheva. Hoka peruka she vekua Epafrodito rupii, mbaiveama mba'ety ẽẽ she. Kova pymbousheva hãĩ mbai pishekatuva, pishe kaviva rãĩmi, mbai mbijichehava haikaviva Tũpa pevarã.

Colosenses 1:7

Kyrã rãnga pynymboi Epafras, mba'apoha'i hãndiva haihuhava, hai rãnga jyroja kaviva; Cristo jokueva opaite pee pevarã.

Filipenses 4:3

Nde jyve, amba'apoape shimi'ĩrũriva airure nde rymbory verã jyve ñaniindy retape, hai reta rãnga heta shimi'ĩrũ kova Ñee kaviva ambeu'airã, Clemente hareka ĩrũ retajy. Haire hee opama mbyparaha kuatiape.

1 Corintios 3:9

Apolo hareka she, hai Tũpa japovape mboryhareva, pee hai Tũpa ikokue, oo Tũpa mupuãva. Tũpa hai Ija.

Filemon 1:24

Hareka jyve Markos, Aristarko, Demas hãndi Lucas shymbory'iare mba'apope.

Hebreos 3:1

Hãme rãnga shyryvyre, pee Tũpa ryhevare, pyhỹrõava hareka hẽnohava vate arape oho verã. Hãrã pypya pimbijeta kavihe Jesús: Hai rãnga apostol hareka Pai Vasu jairojahea ryheva.

1 Tesalonicenses 3:2

hãrã mondoha pẽĩvape ñandyryvy Timoteo, hai rãnga jyve Tũpa jokueva hareka ỹrymbory'ia Ñee kaviva Cristo ryheva mbe'ua verã. Mondohape pynymykyrẽỹ verã hareka pynymbory verã tãntapeĩ verã jyrojakuepe,

Colosenses 4:11

Pynymymarãndu jyve Jesús, Heko Kaviva he'iashua. Kova mbahapy'õ retaĩñoĩte rãnga jyroja israelitare mbyteivi mba'apo shendie Tũpa ẽvãpe'õ ryheva pevarã, hãrã haire heta shymykyrẽỹ.

2 Corintios 2:13

Tẽvã ajepy'apy ai aheshãã shyryvy Tito Tróasperã. Hãme rãnga aheja retarã aha Macedoniape.

Juan 17:18

Nde shymbouva rãĩmi kuaretare mbytepe ko yvy'ĩãrẽ, kyrã ãmondo jyveshu reta kuaretare mbytepe ko yvy'ĩãrẽ.

Juan 13:16

Ãñete hai pee, katuã jokueharea vateve'ẽshi jokuerea, hareka katuã mondohava vateve'ẽshi mondokava.

Romano 16:3

Pymarãndushu Priscila hareka Aquilape, shymbory'iare Jesucristope amba'aporã.

Romano 16:9

Pymarãndushu Urbano, ĩrĩ'ĩrũ Cristo ryheva hareka ahaihuva Estaquis.

Filipenses 2:26

hai rãnga kyrẽy oho pyndyresha opaite pee pẽĩva, shara pee pikuaama ñymbairasy'irã.