Filipenses 2:2 - NandevaBiblia

² kyrãpo shymbyvyapi, piko ijupive pente ñeeperã, jyhaihupe, pente pyapeĩ piko, hareka pente mbai pevarã rãĩmi.

Filipenses 2:2 Referans Kwoze

Romano 12:16

Pente pyapeĩ piko yngavare hãndi. Avy piroja pindijehe, koñeĩ piñimbivache handi mbaimbava rãĩmi'iare. Avy pere pindijehe peĩĩ mbai opa pikuaava.

1 Corintios 1:10

Shyryvyre airurepe, Ñandeja Jesucristo heepe piko verã pente ñeepe hareka avy pijeshatãpi. Kyrãtẽverã, piko pente ñeepe hareka pente pyape.

2 Corintios 13:11

Koñymahea shyryvyre, pyvyañoĩ, pẽĩkavi, piñymykyrẽy pepenteĩ, pente pyapeĩ piko hareka pyavapype. Kyrã Tũpa jyhaihukue hareka pyavapy Ija ẽẽpo penendie.

3 Juan 1:4

She pevarã mba'ety kovaivi shymbyvyaveva, ahendu shyrayre vata kavi reta añetevaperã.

Filipenses 2:16

Tãnta pẽĩhe hokava Ñee kavi meẽva tykove. Kyrã, Cristo oujymarã shypya horypo pyndyrehe, aikuama ãñanireĩã hareka amba'aporeiarã.

Hechos 2:46

Opa ara ñymbaty reta tũpaope, hareka henta retaipi hou reta Jesucristo karu ryheva, vy'ape hareka pyakavipe hou reta.

2 Juan 1:4

Shymbyvy'aite ahesha ã'ãmo ndyrayre añetevape iko retarã, Teru hei ñandeva rãĩmi jajapo verã.

2 Tesalonicenses 2:13

Tẽvã ñameẽñoĩposhu Tũpa ñandyvy'akue pyndyrehe jyve, shyryvyre Ñandeja haihuvare, shara Tũpa tynonde pynypyhỹrõ pehojepe verã, Espiritu rupii pinimbijiche Tũpa pevarã hareka añeteva pyroja rupii.

Colosenses 2:5

She teiva ãĩmembate'aĩ penendieva, shẽã rupii ãĩme penendie, hareka avy'a aikuaa hekope kavi pimepẽĩrã hareka Cristo pirojahevape pynypyrãtapẽĩrã.

Filipenses 4:2

Airure Evodiape, hareka Síntiquepe jyve, tiñymbypya penteĩ Ñandejare.

Filipenses 2:20

Shara mba'ety arejy ynga pyapenteĩ shendieva, hareka ãñete ojepy'apy pyndyreheva;

2 Corintios 7:7

Ha'ẽã vãhẽ ourãmeĩ, hai rãnga kyrẽ'ỹ jyve pyndyrehe. Hai mbeu ore marãra pee potatẽ yryreshapi jyve, marãra pyvy'ãpi hareka pejepy'apy shyrehe, opaite kova mbai shymbyvyavejy.

2 Corintios 2:3

Hãme rãnga ambyparape kuatia ajapova rãĩmi, aipotãã ãvãhẽ aharã shymbyvy'ããpirã, shymbyvyatẽpi verã; airoja'ãĩ pyndyrehe shyvy'akue haiva jyve pyndyvya.

Hechos 5:12

Heta mbai heshaha verã hareka mbai kavi heshaha verã iko Apostolre rupii kuaretare mbytepe hareka opaite jaty reta Salomon hõchepe pente ñeepe.

Hechos 1:14

Haipe haire ñymbaty ñõĩjyre jurure verãre mbovy taupere hãndi, Maria, Jesús ishy hareka tyvyre.

Filipenses 1:4

Hãrã ãĩmboirã, vy'apeñoĩ shymandua pyndyrehe,

Juan 3:29

Omendava ikovape tyrekorã ĩmerea hai temerã; hareka temerã ñi'ĩru haipe'ẽ hendu ijeta'ẽherã mbyvy'aite. Kyrãĩ jyve she avy'aite ãĩ jyve.

2 Timoteo 1:4

Shymanduañoĩhe rijaheorirã vekua, hãrã shykyrẽy aryresha shytynyhẽ verã vy'akue.

Hechos 2:1

Vãhẽma arete Pentekoste he'iashuarã, opaite jyrojavare penteapeĩ ñymbaty reta.

Filemon 1:20

Shyryvy Filemón, japo she ko airure ndeva, tẽvã avy she hainderãmeĩ japo, koñeĩ Ñandeja ryhaihurã. Nde hareka she hai pente jahava: Meẽshe hokava kapyry ãĩ verã!