Filipenses 2:16 - NandevaBiblia

¹⁶ Tãnta pẽĩhe hokava Ñee kavi meẽva tykove. Kyrã, Cristo oujymarã shypya horypo pyndyrehe, aikuama ãñanireĩã hareka amba'aporeiarã.

Filipenses 2:16 Referans Kwoze

1 Corintios 9:26

Hãrã she ãñanireiãã, mbaimba apity verã rãĩmi; hareka airãrõãvaĩjy yvytu nupa'iva rãĩmi.

Galatas 2:2

Tẽvã ahajy haipe heshahakasherã hareka aimbatyjy hãndi reta tũpao ñakarã'õre, ambeu kavishu reta Ñee kavi ambeuva haimba Judiova retape, opaite ãñehãvape ajapova opareimba verã.

1 Juan 1:1

Ore mbyparaha kuatiare ñee tykove ryheva, arykai jypyiterãvãĩ ẽẽ vekua, oretei henduhava hareka yryresa rupii heshahava. Shara ore ma'ẽãhe hareka yrepopetei pokoahe Ñee tykove ryheva.

2 Corintios 1:14

kyrã ã'ẽ peñepyrõma pikuaa yryhevi, pee jyve pyvy'apo yryrehekui, orejyve vy'ahapo pyndyrehekui Ñandeja Jesús oujymarã.

Juan 6:68

Hãrã Simón Pedro heishu Jesús: Yreja, akuarã mbavarapo ohoajy hipi? Niñee rãnga hai meẽva tykove opambava.

1 Tesalonicenses 3:5

Hãme rãnga, katuveama ãhãrõrã ãmondo Timoteo, shara aipota aikuaa ĩmeĩrateritẽ piroja. She rãnga akyje Ãña japokajype verã mbai porãmbava hareka opaite pyhejareijy verã japoha pyndyrehe vekua.

Juan 6:63

Espiritu rãnga hai meẽva tykove; tyro'o mba'ẽã hai. She aijetahepeva hai añeteva Espiritu ryheva meẽva tykove.

Lucas 12:8

She hai pee, opaite shymbeuva kuaretare hỹnonde, ko kuareta Tay mbeupo jyvekui Tũpa jokuevare hỹnonde.

Hebreos 4:12

Tũpa ĩñee hai tykove hareka mbaikatu, kyse pukuva hãĩmbeveva hareka kype icheva ñandypyape hareka espiritupe, haipe ñonokaviva typya hareka typya potava, hareka hokava potakue haira haikavivare maĩrã porãmbare.

1 Pedro 1:23

Pee rãnga peajy py'ahuma hareka ã'ẽ haiveãma tuure kuaretava mano verã ryhevavi, koñeĩ manomba verãivi, mbyhykovejy Tũpa hykove'ivaivi hareka opa arape ikova.

1 Tesalonicenses 2:19

Shara, mbaivara katu hãrõhã'ẽ, ỹrỹmbyvyava, hareka jyrojahahe verã Ñandeja Jesús oujymarãme? Ambe'uãperã, mba'etypojy yngava.

Galatas 4:11

She akyje ĩmerã amba'aporeira pynymbytepe.

Apocalipsis 22:17

Espiritu Tũpa ryheva hareka Avisha Ray hei: “Ei, Sheja Jesús!” Hareka opaite jasaka'õre tei jyve reta: “Ei Sheja Jesús!” Opaite ju'uheva, tou reta. Hareka pota houva, mbaimba mbyhevapepo hou yy meẽva tykove.

Hechos 13:26

Shyryvyre, Abraham ñymõñashia hareka mbyryvare õmombaivasuva Tũpa, pã'ãpova rãnga ko ñee ohojepeva ryheva.

Mateo 10:27

Ko she haipeva pỹntuape, pymbeushu kuaretare ara kõĩvape; she papysapeĩ haipeva, oo ĩãrãvive pysapuke pymbeu.

1 Corintios 1:8

Kyrãpo hai pynymypyrãta ara opapeve, potãã Ñandeja Jesucristo oujymarã hesha pyndyrehe hekopemba'õrã.

Filipenses 1:6

Arojakatu'ãĩ Tũpa õñepyrõ vekua mbai haikaviva japo pyndyreherã, japoveteripo oho Jesucristo oujypeve.

Filipenses 1:10

haikavivape piko verã, kyrãra pikopo pyndyreko kyambape hareka mba'etypo mbai porãmba he'ia pyndyrehe verã Cristo oujy verã jy'arape.