Filipenses 2:14 - NandevaBiblia

¹⁴ Opa mba'e pijapo pijetakavivape hareka pijakambava ryheve.

Filipenses 2:14 Referans Kwoze

1 Pedro 4:9

Pymyvãhẽkavishu yngavare pynyrẽtape, avy pijeta porããhe.

1 Corintios 10:10

Avy pijeta porããpi, ã'ãmo haire japova rãĩmi, hãrã heta opa juka reta Tũpa jokueva, veruva ñymano.

Filipenses 2:3

Avy pijapo maĩnunga piñymbyvaishopi pijehevape maĩrã pota peñemombaipiva rãĩmi, peñemomishĩĩvape rãngapo pijapo, hareka pepenteĩpo rekohe hapisha vateve'ẽshi haiva rãĩmi.

Santiago 5:9

Shyryvyre, avy pypya jyrova ijuhuvi, pinimbijicheamba verã. Pymaĩ, pirĩmbijiche'ia õchepema'ẽ.

Romano 12:18

Katura piñyhãã piko kavi hãndi opavare.

1 Tesalonicenses 5:15

Pingareko kavi avy mbava tymbyhekoviashu yngava porãmbape. Kyrãtẽ verã; piñyhãpo haikavivaĩ pijapo ijehe hareka opava retare.

Santiago 1:20

Shara kuareta poshy'iva katuãpo japo mbai haikaviva Tũpa potava.

Galatas 5:26

Avy jairoja ñandijehe, avy ñañymbyposhyka hareka avy jaipota ñandapisha ña'ãpova.

Galatas 5:15

Tẽvã pee pindijupii pĩrãrõ hareka pijakapiva, pimo'ã, mahẽ peĩ opa piñymbaikui.

Santiago 3:14

Tẽvã pyndypya poshy ryhevepirã hareka pijeshatããrã, hokava pijaporã pee pevarãĩjy, avy pimoã mbai vasumape, kyrãrã papumapo hareka piñomima añeteva.

Romano 14:1

Pymyvãhẽ kavishu jyrojakuepe pyrãntambaterivare, tẽvã avy pijakapi handi reta.

Judas 1:16

Kova kuaretare opava mbyposhyka hareka ijetareii, koñeĩ haire potavaĩ pota japoashu, myporãjyvyĩ ijeta reta pota maĩnunga me'ẽãshu retarã.

1 Pedro 3:11

tyheja mbai porãmba hãrã tijapo haikaviva. Tyheka pyavapy hareka tiñyhãã tingarekohe.

Hebreos 12:14

Piñyhããpo piko hãndi pyavapype opaiteva hareka pyreko tykove kyambava, shara kyrãmbape mba'etypo hesha verã Ñandeja.

Romano 16:17

Shyryvyre, airure pee pingarekoshi verã ñimbijao ryheva veruva hareka pyrỹmbyvapiva ñono'iare, hai hokava ñymbyvaishoheva pynymbo'eaheva pymyvãheva. Hokava kuaretare avy pihia,

Hechos 15:2

Pablo hareka Bernabé pya ohoãhe reta, hãrã hokava rehe heta mbai hei ijupe reta. Hãma Tũpa jyrojaheare Antioquiape'õre mondo reta Pablo hãndi Bernabé hareka ynga reta mi'ĩrũ verã Jerusalenpe, kova mbai rehe jyraha apostolre hareka kuakuavare ẽvape ijetahe hãndi verãre.

Hechos 6:1

Hokava arape ñymbyhetave oho Jesús mboireare, opaite ijetava griego ĩñeepe õñepyrõ ijeta porããhe reta hebreo ĩñeepe ijetavare, hei reta ñyngarekoha kaviãhe opaite taupere hai ryheva retarã, ĩme manoshiare, hou verãre mẽ'ẽhavape.

1 Tesalonicenses 5:13

Pymbyvete hareka pyhaihuposhu heta mbaikavi japova rehe. Pyndypya kavi ijupe.

2 Corintios 12:20

Akyje ãvãhẽma ahaperã, apyryreshamba verã she aipotava rãĩmi, hareka pee shyreshambapi verã pipotava rãĩmi; akyje ẽẽ verã pynymbytepe ñyrãrõ, pyrỹmorãmba, poshy, pota ha'epaiteva, ñeereii, ijeta ijeheva, jyroja ijeheva hareka opa pyrỹmomohẽ'iare.

Hechos 15:39

Hãrã haipe hetama ijeta porãã ijupe retarã, pepenteĩ opa syry ijuhuvi reta; Bernabé raha Marcos, Chipre kyty oho reta,

Hechos 15:7

Hetama ijeta pohy ijupe retarã, Pedro ñymbourã heishu reta: Shyryvyre, pee pikuaa Tũpa jypyivivãĩmba pynymbyteivi shypyhyrõ ambeu verã Ñee kaviva, jyrojambare hendu verã hareka roja verã.

Marcos 14:5

Katutẽ 300 ara repykue nikere ovendehava, hareka hepykue me'ẽãtẽshu verã pavete'iare. Haipe pya ohõãhe retarã poshyjyreshu taupe.

Mateo 20:11

Hãrã me'ẽãmashu mba'apoheare hepyrã, õñepyrõ ijeta porãã jyreshu koo ija.

Marcos 9:14

Haivi oujy reta mboireare'õperã hesha kuareta hetava jere vasĩhe, hareka Moisés mbypara vekua pyrỹmboi'iheare, ijao ñynoĩ hãndi reta.

Lucas 5:30

Tẽvã Moisés mbypara vekua pyrỹmboi'iheare hareka fariseore ĩñee mombo jyrehe Jesús mboireare hãrã heishu reta: Mãrã'irãra pykaru hareka piñymbyu hãndi kyrypoti mbatyse'iare Roma pevarã, hareka mbai porãmba japo'iare hãndi?