Filipenses 2:11 - NandevaBiblia

¹¹ Hareka opavare hei verã Jesucristo haiva Teja, õñemomba'e vasushu verã Tũpa Teru.

Filipenses 2:11 Referans Kwoze

1 Juan 4:15

Ĩme'ẽ heiva Jesucristo haiva Tũpa Tay, ikoma hãndi Tũpa hareka pyapere Tũpa.

Romano 14:11

Mbyparahavape heiva rãĩmi: “Shiñee ameẽ hei Ñandeja, opaitevapo ĩñesu shynondekui hareka heipo reta she haiva Teja”.

Juan 13:13

Pee rãnga shymbyheepi “Pyrỹmboi'ia” hareka “Sheja”, haikavi rãnga kyrã pererã, shara haishe.

1 Juan 4:2

Kyrãpo pikuaakui haira Tũpa ijespiritu; opaite kuareta heiva Jesucristo ouva kuareta rãĩmi ko yvy'ĩãrẽ, hokava hai Tũpaivi ouva.

Romano 14:9

Ha'erã rãnga Jesucristo mano hareka kuerajy manovare mbyteivi, ikoshi verã manova hareka hykove teri'iare Ija.

1 Corintios 12:3

Hãme rãnga aipota pikuaa, mbaveãpo hei: “Toho Jesús Ãña kyty”, ãñete Tũpa Espiritu ryhevape ijetarã. Hareka katuã mbava heijy: “Jesús hai Ñandeja”, ãñete hai ijeta'ẽ Espiritu Santo ñymbaikatukuepyrã.

Juan 14:13

Hãrã opaite maĩnunga shyreepe pirureva ameẽpope; Teru mbyvetehashu verã Tyray rupii.

1 Pedro 1:21

Cristo rupii pyroja jyve Tũpa, mynguerajy vekua manovare mbyteivi hareka õmombaishu, jyrojakue hareka ñyhãrõ kuaa tõĩ Tũpa rehe.

1 Corintios 8:6

Tẽvã ñande pevarã penteĩ'ẽ Tũpa Teru, haivi opa mba'e ñymoña hareka hai pevarã jaiko. Hareka penteĩ'ẽjy Ñandeja, Jesucristo, hai rupii opa mba'e iko, ñandeave jyve.

Apocalipsis 3:5

Opa õhẽkaviva ñyrãrõivi, mondepokui mondeava tĩĩva hareka ambaiãpokui hee kuatia tykove ẽẽpyvaivi, heere ambeupo jyveshu Sheru hareka Tũpa jokuevare hỹnonde:

Mateo 10:32

Ĩmerãẽva mbeuva kuaretare hỹnonde shyrehe jyrojava, ambeupo jyveshu Sheru vate arapy'õ hỹnonde.

Hechos 10:36

Tũpa mondokashu ĩñee Israelvare ñymoña hãndiare, mbeu verã Ñee kaviva pyrymbypya kaviva Jesucristo rupii, hai opavare Ija.

Hechos 2:36

Tikuaa kavi opaite Israelvare, ko Jesús pee pymbysavava vekua kurusure, Tũpa japoshu Ñandeja hareka Mesia rãĩmi.

Juan 9:22

Ko kuimbai tuure kyrã hei kyjeshi Judio retarã, shara iñiñono mãĩmba reta pente ñeepe, mohẽ verã Judiore ñymbatyseaivi ĩme'ẽ heiva Jesús haiva Cristo.

Juan 5:23

opaiteva kuaretare õmombai verãre Tay, Tuu õmombaiva rãĩmi. Tay õmombaimbava, õmomba'eã jyveshu Tuu hai mbou vekua.

2 Juan 1:7

Shara ko yvy'ĩãrẽ hetama'ẽ pyrỹmbytavy'iare, heiva Jesucristo oumbava yvy'ĩãrẽ kuareta rãĩmi, tyroope hareka tykãvẽpe. Kyrã japo'ia hai pyrỹmbytavy'ia hareka Cristo ñymbyvaisho'ihea.

1 Corintios 15:47

Kuimbai tynondeva rãnga hai yvy ĩãrẽ'õ, yvyivi japoa vekua; kuimbai mokueheva, haiva Ñandeja, hoka hai ara vate'õ.

Romano 15:9

Hareka haimbava Judiore jypareko rupii pyraheshu verã Tũpa, kuatia heiva rãĩmi: “Hãme rãnga ãrẽmombaipo tentare mbyteipi hareka apyrahepokui mbyrahere ndyreepe”.

Juan 20:28

Haipe Tomas hei: Sheja, hareka shu Tũpa!

Juan 17:1

Jesús opa hei kovarã, mãĩ vate ararerã hei: Sheru, a'ẽ vãhẽma ara nde shymbyvete verã, Ndyray nymbyvete verã jyve.

Juan 12:42

Tẽvã, heta Judio jyroja jyvehe Jesús, hareka huvishavare. Mbe'uã retarãmeĩ opavare hỹnonde, shara kyjeshi fariseore, potãã mohẽshu reta Judiore ñymbatyseaivirã.

Lucas 2:11

Ã'ẽ oaje David hentape pente pyrỹmondo jepe'i verã, hai Cristo, Ñandeja.

Juan 14:23

Jesús heishu: Shyraihuva japopokui she haiva, hãrã Sheru haihuposhu, Sheru hareka She ouhapo ikoha hãndi.

Juan 13:14

Hãrã she, Pyrỹmboi'ia, hareka Peeja pepy ajoheperã. Kyrãpo pepenteĩ pijohe jyve pindijupe pepyre.