Filipenses 1:28 - NandevaBiblia

²⁸ Hareka avy pykyjeshi ñymbyvaisho'i pyndyrehevare, hai reta rãnga ijyhesha kavihe opa verã kyty jyraha jyrerã, tẽvã pee pevarã hai heshakava ñymondojepeva ryheva, hokava ou Tũpaivi.

Filipenses 1:28 Referans Kwoze

Mateo 10:28

Avy pykyjeshi pyndyreteĩ juka verã, shara katuãpo juka pyndyrykove; koñeĩpo pykyjeshi Tũpa, katu jukava pyndyrykove hareka pyndyrete tata vasupe.

Romano 8:17

Hareka ñande hai tay retarã, ha'eĩ jyve ñande tay tynondevare; Tũpa tay tynondevare, hareka tynondeiteva Cristo hãndi, añeteĩte jahasa'asy Cristo handirã ñanymbyveteapo jyve handikui.

Hebreos 13:6

Ja'epo jyve jaroja katuvape: “Ñandeja rãnga hai shymboryseva akyjeãpo; Mbaivara katu japo shyrehe kuaretare?”

Apocalipsis 2:10

Avy kyje ryhasa'asypo rẽĩvare; Ãña rãnga ã'ãmo hããposhu hareka minjekapokui mbyperesoha verãpe pyhasa'asypo 10 ara. Tanta jyroja rỹmanopeve, hãrã she ameẽponde tykove opamba.

1 Tesalonicenses 2:2

Hãma pikuaajy tenta Filipope heta poporãã he'iha ore hareka yryrekoha'asy, tẽvã Tũpa ỹrỹmbory mbe'uhape verã Ñee kaviva, pyavasu ryheve hareka ajemaĩ heta'ẽ pya ohombaheva.

Lucas 3:6

Opaite kuaretare heshapo, pyrỹmondojepeva Tũpa mbouva.

Hechos 28:28

Pikuaa kavipo ko Tũpa pyrỹmondojepeva mbe'uhama haimba Judio retape, hãrã haire hendu kavipo kova ñee!

Juan 16:8

Espiritu Santo oumarã heshakaposhu kuaretare opaiteva haiva mbai porãmba japo'iare; hareka ĩme'õ pente heko kyambaa hape hareka Tũpa ñimbivache ryheva.

Marcos 3:3

Hãrã Jesús heishu kuimbai ipo vỹrãkuava: Pũ'ã, ñymbou mbytepe.