Filipenses 1:15 - NandevaBiblia

¹⁵ Ãñete ĩme'ẽjy Cristo ĩñee mbeu'iare ñymbyvaisho'ẽ shyreherãmeĩ hareka shyreshatãã ñynoĩrã, tẽvã ĩme'ẽjy kyrẽ'ỹpe japova.

Filipenses 1:15 Referans Kwoze

Filipenses 2:3

Avy pijapo maĩnunga piñymbyvaishopi pijehevape maĩrã pota peñemombaipiva rãĩmi, peñemomishĩĩvape rãngapo pijapo, hareka pepenteĩpo rekohe hapisha vateve'ẽshi haiva rãĩmi.

2 Corintios 11:13

Haireta rãnga apostol japuvare, ñimiñee'ia japureiivare, ñymbyheereiipy reta Jesucristo apostolre.

2 Corintios 4:5

Shara oreiã ñimiñẽ'ẽha'i irijupe, koñeĩ mbe'uha Jesucristo haiva Ñandeja; ore hai jokueharea pee pevarã Jesús haihuharã.

2 Corintios 1:19

Shara Jesucristo Tũpa Tay, hai Silvano, Timoteo hareka she, ñimiñe'ẽha pymbyteipi, ha'ẽã rãngakueipi “ẽẽ” hareka “mba'ety”, koñeĩ, Cristo rãnga hai “ẽẽ” Tũpaivi.

Mateo 23:5

Hãrã haire opa mbai japovare kuaretare hesha verãĩ. Syvare ñono hareka jyvare, vakapi haikaviveva japymi Tũpa ĩñee; hareka mondevare pukuhe.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

Galatas 2:4

Ĩme'ãmo'ẽ ñandyryvy rã'ãngavare ñemiape icheva ñanymbytepe, ñemiape maĩhe verã marãra Cristo ñanynohẽshi ñee pohyvaivi, pota japo reta jokuehareire verã Moisés mbypara vekuaperã.

2 Corintios 12:20

Akyje ãvãhẽma ahaperã, apyryreshamba verã she aipotava rãĩmi, hareka pee shyreshambapi verã pipotava rãĩmi; akyje ẽẽ verã pynymbytepe ñyrãrõ, pyrỹmorãmba, poshy, pota ha'epaiteva, ñeereii, ijeta ijeheva, jyroja ijeheva hareka opa pyrỹmomohẽ'iare.

1 Corintios 13:3

Opa ãmemeẽshu ĩme'area paveteva retarã, hareka ameẽ shyrete hapyha verãrã, tẽvã apyryraihuãrã, mbaivapeã haikavi she.

1 Corintios 1:23

tẽvã ore mbe'uha Cristo ryheva mbysavavaha vekua kurusure. Kova ñee rehe heta Judiore poshyjyre, hãrã haimba Judiovare pevarã mbaimba vekua rãĩmishu kova ñee.

Hechos 11:20

Tẽvã ĩme'ẽ a'ãmo hai retava ouva Chipreivi hareka Sireneivi, vãhẽma jyraha Antioquiaperã õñepyrõ ĩjetaheshu reta haimba Judiova retape, ñee kavi Ñandeja Jesús ryheva.

Hechos 10:36

Tũpa mondokashu ĩñee Israelvare ñymoña hãndiare, mbeu verã Ñee kaviva pyrymbypya kaviva Jesucristo rupii, hai opavare Ija.

Hechos 9:20

Saulo õñepyrõ ravi mbeu Judiore ñymbatyseape, hei Jesús haiva Tũpa tay.

Hechos 8:35

Hãrã Felipe õñepyrõ mbeu kavishu ko mbyparahavape'õ mbijetavaivi, hareka mbeushu Ñee kaviva Jesús ryheva.

Hechos 5:42

Opa arapema tũpaope hareka oomire ẽvãipi pyrỹmboi mbeu reta ñee py'ahuva Jesús hee ryheva.

Hechos 8:5

Felipe, hai jyve penteva, oho tenta Samariape hãrã õñepyrõ ijeta hareka mbeu Cristo ryheva.

Romano 2:8

Tẽvã pota ha'epaite'iare, poshypepo jahehekui, he'iseva opaite añeteva ñymbyvaisho'iheare, hekopemba'õvaĩ haihuva.