Filipenses 1:11 - NandevaBiblia

¹¹ Pee rãnga pepo tynyhẽpo pyraha teko jyvache i'akue mbaikavi pijapova Jesucristo rupii, kuaretare pyrahe hareka õmombai vasushu verã Tũpa.

Filipenses 1:11 Referans Kwoze

Hebreos 12:11

Ãñete opaiteva ñunũpa ha'ẽã ñanymbyvyava myvãhẽãma ñanderã, hasy ñande. Tẽvã jaikuaa jyve Tũpa ñanymboihea meẽ ñandeva, jaikopo pyavapype hareka jajapopo haikaviva.

Juan 15:8

Sheru õñemombaivasu jyve heta mbai pijapova rupii hareka kyrãrã ãñete iko pyndyhevi she amboi'areare.

Colosenses 1:10

Kyrãrã pikopo Ñandeja potava rãĩmi, hareka hai vy'apo penendie shara pijapopo opa mbai haikaviva hareka pikuaa kavivepo pyraha Tũpa.

Filipenses 4:17

Ha'ẽã rãnga aheka'aijyva ynga me'ẽãreiva; koñeĩ aipota me'ẽãjype hekovia pymeẽ she vekuare.

Colosenses 1:6

Hoka ñee rãnga mbe'uhamaĩpe, hareka oparupi ko yvy jerekue pũã hareka ñymbyheta oho, jehuva rãĩmi jyve pynymbytepe, hoka arape pyhendurãvaĩ ko añeteva, marãra Tũpa pyndyraihu.

Romano 6:22

Hãma ã'ẽ pymbysyryamashiva mbai porãmba vekua, japoama pyndyhevi Tũpa jokuereva. Kova rãnga mbijehu pee pevarã tykove kyamba, hareka koñemahea pyvaĩposhu tykove opambava.

1 Pedro 2:9

Tẽvã pee hai Tũpa pyhyrõva, huvisha vasu jypai, tenta vasu kyambaa, kuareta Tũpa ña'ãpova rupii, mbeu verã Tũpa japo vekua, pynyrẽno pyntuivi pẽhẽ verã hareka piche verã sapeva haikavivape.

2 Tesalonicenses 1:12

Kyrãva rupiipo pee pemombaishu Ñandeja Jesús hareka hai penemombaipo jyve, Tũpa jyhaihukue rupii hareka Ñandeja Jesucristo.

Efesios 5:9

Hoka sapevaivi rãnga õhẽ mbai haikaviva, heko kaviva hareka añeteva.

Efesios 1:14

Espiritu Santo rãnga hai me'ẽã ñandeva Tũpa ña'apova meẽ verã, opama ñambapy kavi mbyhepya ñandyreheva ñanynohẽajy verã, omomba'ea vasushu verã.

1 Corintios 10:31

Pykarurã, maĩrã pimbyurã, maĩrã mbai pijapovare, pijapo pemombaivasu verã Tũpa.

Mateo 5:16

Kyrã jyve pee mbai sapeva rãĩmipo pysape opavare hỹnonde, haire hesha haikaviva pijaporã, õmombaivasupo jyve Teru vate arape'õ.

1 Pedro 4:14

Pyvy'ãĩpo hehe'iha'ipe Cristo heeperã, shara Tũpa jy'espiritu hĩmbipe opa ara ẽẽ penendie.

1 Pedro 2:12

Piko kavi jyve Tũpa rojambavare mbyteipi; hãrã ijeta porãmba'i pyndyreheva mbai porãmba pijapopiva rãĩmi, heshajy pyndyrehe mbai kavivaĩrã õmombaipo jyve reta Tũpa.

1 Pedro 2:5

Pee jyve, ita hykovevare rãĩmi Tũpa mupuãheva oo Espiritu ryheva hareka pee hai paire kyambaa hokava tũpaope, mymba jukahava espiritu ryheva meẽ verã Tũpa myvãhẽva Jesucristo rupii.

Efesios 2:10

Shara Tũpa japo vekua hai ñande, hãma ñandapoha Jesucristo rehe mbai haikaviva jajapo verã, arykaivaĩ Tũpa ñono ñanynonderãpe jajapo verã.

Efesios 1:12

Kyrã japo shara pota ñande Judiore tynonde jairojahe Cristo, jaiko ñamombai vasu verã ñymbaikatukue.

2 Corintios 9:10

Tũpa meẽ timity ñotyã verã hareka hou verã pãhã, me'ẽhapope pimityrã hareka hetavepo myhẽñope pyndekope hareka mbyhetavepope mbai ñimbivachepe pijapova rehe.

Juan 15:16

Peeã shypyhỹrõpi, sheii rãnga apyrỹpyhỹrõ. She apyrỹmondo heta mbai pijapo verã hareka opareiimba ryheva. Kyrãrã Sheru meẽpope opa mba'e shyreepe pirureshua.

Juan 15:2

Hãrã pente hãka i'ãrã, jasyjashi; tẽvã iarã jasysyja hareka opa johe, hetave ia verã.

Romano 15:28

Hãrã, opa kavima ajapo kovarã hareka ameẽ kova mbatyavarã, ahapokui España kyty hareka haipi ahasarã ahapo apyryheshakui.

Tito 3:14

Ñandyryhevare tikuaa jyve haikaviva japo verãre hareka mborypo reta ikotẽvevare hareka kyrãrã hetapo japo reta mbai haikaviva.