Efesios 6:8 - NandevaBiblia

⁸ Pee rãnga pikuama Tũpa myngovia kavijyshu pepenteĩ japovare, timeĩpo jokueharea maĩrã haimbaa jokueharea retape.

Efesios 6:8 Referans Kwoze

Colosenses 3:24

Pikuaama rãnga hekovia Tũpa meẽpope, hokava hai maĩnunga haikaviva meẽshu verã hai ryhevare. Pikuaapo pee pymba'apova Cristo pevarã, hai ãñeteĩte teja.

Lucas 14:14

hãrã ryvy'apo, shara haire mba'etyre mbyhekoviajypy nde verãre; shara opapo mbyhekoviajy ndekui heko kaviva puãjyma retarã”.

Colosenses 3:11

Hãrã mba'etyma jyvavyhe verã ndera hai Greciape'õ maĩrã Judiora, ndera ndipire chĩchĩhã maĩrã chĩchĩhããra, ndera mbyryivireiva, maĩrã mba'ẽãra rikuaa, haira nde jokueharea maĩrã ha'ẽãra. Haikaviveva rãnga hai Cristo opa mba'epe hareka jyvache opavape'ẽ.

2 Corintios 5:10

Shara opaitevapo ñaĩ Cristo hỹnonde, ñanimbivache verã, pepenteĩpo me'ẽãshukui hepykue ikoteri ko heteperã japo vekua, jaishu haikaviva maĩrã porãmbava.

Mateo 16:27

Shara kuareta Tay, oujypokui Tuu hĩmbipekue ryheve hareka jokuevare hãndi. Haipe Tũpa meẽposhu pepenteĩ japo vekuare jurureva rãĩmi.

Mateo 6:4

Ñemiãpẽipo rijapo hareka Nderu opa hesha ñemiãpeĩ rijapova, haipo mbyhekoviandekui.

Hebreos 10:35

Hãme avy pypoi pirojahe Tũpa, shara hokava pirojaheape me'ẽãpope me'ẽhareiva ojaimbava.

Hebreos 11:26

Katynga Moisés hei haikavive jyhasa'asy, Mesías hasa'asy verã rãĩmi, Egiptope vy'atẽ verã iko katukuepe, shara maĩhe Tũpa meẽshu verãre.

Galatas 3:28

Mba'etyma Judiovara maĩrã Greciavara, jokuehareara maĩrã ha'eãra jokueharea, kuimbaira maĩrã tauperã. Pirojama Jesucristorerã, opava pee pentevaĩma.

Mateo 6:1

Avy pijapo mbaikavi kuaretare hỹnonde, pijeshakashu verã retaĩ. Kyrã pijaporã Peru vate arapy'õ, maĩnungapeãpo mbyhekoviape.

Mateo 5:12

Pyvy'a, hareka pyndypya hory, shara vate arape ĩme'ẽ me'ẽãpe verã, kyrãmba hasa'asy jyve arykai Tũpa ĩñee mbeu'iare tynonde pyndyhevi vekuare.

Lucas 6:35

Pee rãnga pyhaihupo pyndyresha tamba'iare, hareka pijapopo haikaviva; pyporyka mbaiva mba pyhãrõ myngoviajy pee verã. Kyrãrãpo hetave myngovia jy pee kui. Hãrã ikopo pyndy hevi Tũpa vateve'õ Tay; hai rãnga pya kavi hãndi pyrypareko mba hareka poshyva.

1 Corintios 12:13

Shara penteva Espiritu Santoivi pepenteĩ ñanymyngaraiha opaite iko ñandyhevi verã penteva tyreteĩ, jaishu Judio maĩrã griego, jokuehareireape maĩrã mbaimba ñandochavape; hareka opaĩ penteva Espirituivi ñonoã ñande ñaimbyu verã.

Colosenses 3:25

Tẽvã mbai hekopemba japo'ia, porãmbavãĩpo hipityjy. Kovape Tũpa pevarã mba'ety hai mymorãveva.

Mateo 20:7

Haire heishu: “Mbaveã rãnga yrokue mba'apoha verã”. Haipe heishu reta: “Pekua pymba'apove shu'uva rẽndape, hekope kavipo ãmbyhepypekui”.