Efesios 6:23 - NandevaBiblia

²³ Tũpa Ñanderu, hareka Tũpa tay Jesucristo tymeẽ ñandyryvy retape pyavapy hareka jyhaihu, jyroja ryheve.

Efesios 6:23 Referans Kwoze

Galatas 6:16

Pyreko pya symyĩ hareka jyparekokue opaite ikova ko ñee heiva rãĩmi, opaite tenta Israel hãndi Tũpa ryhevare.

1 Pedro 5:14

Piñymarãndu pepenteĩ jypyte jyhaihuvapy. Pyavapy toĩ opaite Jesucristo ryheva retare. Amén.

Galatas 5:6

Ñande rãnga ñañymypenteĩ hãndi Cristo, hãrã mba'eã he'ise iripire chĩchĩhãkara maĩrã mba'ety, koñeĩ haikaviveva hai jyrojakue, hareka kova jyrojakue rupii jahaihu jyve ñandapishare.

1 Timoteo 1:14

Tẽvã Ñandeja ñymbai kavikue tivishave ou sheãrẽ, jyrojakue hareka jyhaihukue ryheve, Cristo Jesús rupii katu ĩmẽjareva.

Apocalipsis 1:4

She Juan, amymarãndu 7 tũpaore ẽvã Asiape: Pymyvãhẽ jyhaihukue hareka pyavapy ouva, haiñoĩva hareka haiva, hareka ou verã, hareka 7 espiritu ẽvã hai vapypya hỹnonde,

1 Timoteo 1:3

Ndeiteri aha tenta Macedonia kytyrã, airure nde rypyta verã tenta Éfesope, rijocha verã opaite haipi yngaiva pyrỹmboi'iheare ỹnteñoma kyrã japo verãre,

2 Tesalonicenses 3:16

Hareka Teja pyavapyva ryheva, tymeẽpe pyavapy opa hendaipi hareka opa ara. Ñandeja tõĩ penendie opa ara.

2 Tesalonicenses 1:3

Shyryvyre, opa arañoĩpo ajetekue ñameẽshu Tũpa pyndyrehe, kyrãñoĩpo jaiko, shara pee pirojave pehohe Tũpa, hareka pepenteĩ jyhaihukuepy pijyhahaihuve peho.

1 Tesalonicenses 5:8

Tẽvã ñande ara kõĩvape jaiva, opa arapo haikavi jaiko. Jaijochapopy jyroja hareka jyhaihukuepy, syndaro ijochapya rãĩmi pitiaipi, ñymyhẽva'õ ñyrãrõ verã, syndaro ñãka jochapya rãĩmi ñañõno ñandijehe ñyhãrõ hareka ohojepea ryheva.

1 Corintios 1:3

Tũpa hareka Ñandeja Jesucristo tiñohẽ pyndyrehe mbai kavikue hareka pyavapy.

Romano 1:7

Opaite Romape peĩva Tũpa haihuvare hareka hẽnohava iko pyndyhevi henta ĩrũre pyhyrõãva: Ñanderu Tũpa hareka Ñandeja Jesucristo tymaĩ kavi hareka tyheshaka pyavapy.

Juan 14:27

Ahejape pyavapy. Ameẽ pee shypyavapykue, ãmẽ'ẽãpe kuaretare meẽva rãĩmi. Avy pejepy'apy hareka avy pykyje.

1 Timoteo 5:8

Opaite mborymbava hentarã, tynondeite'ẽ hoope'õre, ñomi jyrojakue hareka heko porã'ãĩteveshi Jesús jyrojambateriheare.

Romano 15:33

Tũpa pya kavikue tõĩ penendie opaiteva. Amén.

2 Corintios 13:11

Koñymahea shyryvyre, pyvyañoĩ, pẽĩkavi, piñymykyrẽy pepenteĩ, pente pyapeĩ piko hareka pyavapype. Kyrã Tũpa jyhaihukue hareka pyavapy Ija ẽẽpo penendie.

Efesios 6:24

Hãrã Tũpa tymãĩ kavihe opaite haihuva Ñandeja Jesucristo, jyhaihu opamba verã ryheva. Amén.

3 Juan 1:14

shara ãhãrõ'ãĩ aha aryresha verã, haivi jaijeta ijupii verã.