Efesios 6:19 - NandevaBiblia

¹⁹ Pimboi jyve shyrehe Tũpa meẽshe verã ñee hareka jyroja katu aijetama aĩrã Ñee Kavivapy, pyntuape'i vekua tẽvã ã'ẽ Hai pota kuaaka.

Efesios 6:19 Referans Kwoze

Colosenses 4:3

Pirurejyve yryrehe, Tũpa tiñono'ore mbe'uha verã ko ñee hareka mbykuaahaka kavi verã Cristo ña'ãpoa ñemiape'õ, hai rehe shymbyperesoha.

Hechos 4:29

Ã'ẽ, Sheja, maĩhe haire ĩñee hei pota urũnupavare hareka meẽshu rijokuevare pyavasu, kyjehambape mbeu verãre niñee,

2 Tesalonicenses 3:1

Koñemahea, shyryvyre pirurejyve yryrehe, Ñandeja Jesús ĩñee narẽã tymyvãhẽha oparupi, hareka kuaretare tyroja hãrã tijapo, pee pijapova rãĩmi.

1 Tesalonicenses 5:25

Shyryvyre, pirureve yryrehe.

Hebreos 13:18

Pimboi yryrehe. Kuaa kavi rãnga yrypya vapy kavirã, shara potate yryreko kavi opavaperã.

Hechos 4:31

Haivi opama jurure retarã, oo haire ñymbaty ñynoĩvape opa ryry; hareka haire opa tynyhe Espiritu Santo hãrã mbeu reta Tũpa ĩñee kyjembape.

1 Tesalonicenses 2:2

Hãma pikuaajy tenta Filipope heta poporãã he'iha ore hareka yryrekoha'asy, tẽvã Tũpa ỹrỹmbory mbe'uhape verã Ñee kaviva, pyavasu ryheve hareka ajemaĩ heta'ẽ pya ohombaheva.

2 Corintios 8:7

Pee rãnga opa mba'epe piñymytynonde: Jyrojakuepe, pijetavape, arãndupe, kyrẽ'ỹpe hareka jyhaihukue pikuaa yryhevivape. Kyrãpo piñymytynonde jyve kova mbai haikaviva japohavape.

Efesios 1:9

hareka kuaaka ñande mbai Hai potava kuaretare ñomiãreshia Cristo rupii, shara kyrã Hai pota.

1 Corintios 4:1

Pee rãnga koñeĩpo pere'ore Cristo mboryhareva, maĩrã ñonoha'ore pyrỹmbo'eahe verã Tũpa potava ĩmere vekua ñemiãpe'õre.

Hechos 28:31

Mbaivamba jokoshuvape mbeu'i Tũpa ẽvãpe'õ hareka mboihe reta Ñandeja Jesucristo ryheva, mbavamba jochashuvape.

Hechos 19:8

Pablo mbahapy jasy kavimba oho Judiore ñymbatyseape, haipe kyjembape mbeu Ñee hareka õñehãã mbyrojaka jyve kuaretare Tũpa huvisharã'õpe'õ ryheva.

Hechos 13:46

Tẽvã Pablo hareka Bernabé pyavasu ryheve ijetarã heishu reta: Pee Israelitarãni pynymbykuahatẽ verã ko Tũpa ĩñee, tẽvã potãã pypysyrã kova tykove opambava ryheva. Hãrã ã'ẽ ohoapo ñimiñẽ'ẽashu haimba Judiore.

Filemon 1:22

Haivi airurejy nde, apyta verãpe rỹmyhẽva she verã, heshara pee pirureheva ãhãrõ ãĩ, Tũpa meẽpope aha apyryresha verã.

Colosenses 2:2

Hãrã aipota haire pyape ñymykyrẽy, penteapeĩ tõĩ reta jyhaihupe, heta hipity verã opaite mbai kavivare ouva mbaikuaakue rupii, kuaa verãre Tũpa ñemĩãpereva haire kuaambava, haiva Cristoteiva;

2 Corintios 3:12

Rekoha hãrõhã'õvãrã, jyrojakue ryheve kyrã ijetaha.

1 Corintios 1:5

Hai rupii rãnga Tũpa meẽpe pikatu pijeta verã hareka pikuaa verã heta mbai.

Hechos 14:3

Tẽvã, Pablo hareka Bernabé pytavejyre reta haipe shara Ñanderu Tũpa jyrojahe retarã kyjemba ryheve ijeta Ñandeja heepe. Hai my'ãñete haire heiva Tũpa jyhaihu, mbai heshahava hareka mbai kavi heshaha verã rupii, haire ipoipi japova.

Hechos 9:27

Tẽvã Bernabé pysyrã hareka raha apostolre õpe. Haipe mbeushu reta mãrãra Saulo hesha Ñanderu Jesús pehupi Damascope hareka mãrãra ijetashu. Mbeujyve mãrãra Saulo Damascope kyjembape mbeu Ñandeja Jesús heepe.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

2 Corintios 7:4

Kyjembape aijeta'ãĩ penendie hareka airoja'ãĩ pyndyrehe. Opa mba'e ahasa'asy vekua mbytepe, shykyrẽ'ỹ hareka avy'a.

2 Corintios 1:11

pee ỹrymboryve pimboi yryrehevaperã, hareka heta'ẽ ñymboi'ẽ yryrehevarã, hetapo'ẽjy vyava Tũpa hãndi, pimboi yryreherã rehe.

1 Corintios 2:7

Ore mbe'uha Tũpa ñymbai kuaakue ñemiãpe'õ, pente ãrãndu mbamba kuaava, Tũpa myhẽvã vekua aryka'e ndeiteri ko yvy japorã, opa ara pevarã javya verã hĩmbipekuepy.

Romano 15:30

Shyryvyre, Ñandeja Jesucristo rupii airure'asype hareka Espiritu jyhaihukue rupii, pẽĩ shendie verã kova ñyrãrõpe, pimboitẽve shyrehe Tũpape.

Hechos 18:26

Apolo õñepyrõ kyjembape ñimiñee Judiore ñymbatyseape, tẽvã Priscila hareka Aquila hendurã rahashu reta hã'ẽĩ'õpe, mbeu kavivejyshu reta Tũpa hape.

Hechos 4:13

Mburuvishare heshama mãrãra Pedro hareka Juan ijeta pyavasu ryheve, hãrã kuaa mondo reta ha'ẽã ñy'ãrãnduvarã hareka mbaimba kuaavarã, mbyrymaĩ reta; kuakavi reta Jesús iko'i hãndia retarã.

Hechos 2:4

Hãrã opaite tynyhe reta Espiritu Santo, hãrã haipe õñepyrõ ijeta reta ñee yngavape, Espiritu Santo mbijetaka rãĩmi.

Hechos 9:29

Haipe ijeta hareka hei ñynoĩ ijupii reta Judiore hãndi griego ĩñeepe ijetavare tẽvã haire õñepyrõ hei reta juka verã.

Romano 16:25

Japyraheshu Ñandeja, hareka katu mypyrãtava shi Ñee Kavi hareka Jesucristo mbe'uhava kuaahambava heshahakava rãĩmi arykai ñomihareva,

2 Corintios 6:11

Shyryvyre Corintope pẽĩva, pe'aha irijuru ijetahape verã, hareka yrypya pe'ahape katumbapeve.

Efesios 3:9

meẽjyshe opaite apyrỹmbykuaaka verã opa rupi kova Tũpa, opava japova, arykaivaĩ ñomireva opa ara.