Efesios 5:3 - NandevaBiblia

³ Pee rãnga hai tenta kyamba Tũpa ryheva, hãme rãnga avypo pijetahe kyrãrãĩ'ia ryheva, mbai kyavaremba, maĩrã maĩnungare heta ĩmepyre verã, shara kova ha'ẽã hai Tũpa ryheva kyambarepeva.

Efesios 5:3 Referans Kwoze

Colosenses 3:5

Hãrã pijuka pyndypyape'ẽvã porãmba vekuare, jaishu kyrãrãĩ'ia ryheva, mbai pyrỹmyngyava, mbai potaiiva ryheva, hareka kate'ỹkue, hokava ha'ẽĩjy ñamombaiva Tũpa rã'anga.

Efesios 5:5

Pikuaa kavipojy kova: Omendambape iko'ia maĩrã mbai kyava japo'ia, maĩrã kateỹva, haijy ta'ãngareii õmombai'ia; icheãpo Cristo hareka Tũpa ẽvãpe.

1 Tesalonicenses 4:3

Shara Tũpa potava hai tykove kyambava, hareka avypo mbava javasa'i,

1 Corintios 6:18

Piñymymbyryshi teko kyavaivi. Opa mbai porãmba vekua kuareta japova, hetereã japo, tẽvã omendambape kyrãrãĩ'iare, hetere japo mbai porãmba vekua.

1 Tesalonicenses 4:7

Shara Tũpa ñanyrẽnoã ñandyrykove ñamyngya jai verã, ñandyreko kavi verãĩ rãnga.

1 Corintios 6:13

He'ia rãngajy: “Ho'uava reta rãnga, ñandyrye pevarã, hareka ñandyrye ho'uava pevarã”. Ãñete rãnga hokava, Tũpa opapo mbaikui mokue'õre. Tẽvã ñandyrete ha'ẽã teko kyava pevarã, Tũpa pevarã rãnga hareka Ñandeja hai ñandyrete pevarã.

Efesios 5:12

Shara ñanoti ñambeu mbai haire ñemiapẽĩ japova;

Mateo 15:19

Ñandypya ñambijeta rupii õhẽ mbai porãmba, ijukava, javasa'ia, kyrãĩrãĩ'iare, manarõ, japuva, ijetareiva hapishare hareka jahehea.

Apocalipsis 2:21

She ahãrõĩtẽshi oujy verã Tũpa kyty, tẽvã ñateỹ heja heko porãmba vekua.

1 Corintios 10:8

Taupe, maĩrã kuimbai avypo haimba ĩme hareka hyreko iko'ijy hãndi, ã'ãmo haire japova rãĩmi, hãrã 23.000 pente arapeĩ opa mano reta.

Apocalipsis 22:15

Katoapepo pyta hai heko porãmbare, pajevare, kyrãrãĩ'iare, purukavare, tarã'ãngakuerei omombai'iare, hareka opaite vyava mba'ety vekua mbeu'irã.

Apocalipsis 21:8

Tẽvã kyjekatuva hareka jyrojambaa, heko kyava hareka pirijuka'iva, kyrãrãĩ'ia hareka pajeva, tarã'ãngape omombai'ia hareka opaite japuvare, haire mombohapo tata vasu hareka asufre ẽvãpe, hokava hai ñymano mokuehea”.

Apocalipsis 2:14

Tẽvã ĩme'ẽ pente mbai ajetemba'ẽshea: Ĩme'ẽ pynymbytepe Balaam pyrỹmboiheva potamba hejava, mboi vekua Balac israelitare oa verã mbai porãmbape hareka pota houshu reta mymba jukahava Tũpa rã'anga retape me'ẽãva hareka mykyrẽyshu reta kyrãrãĩ jyre verã.

1 Corintios 5:1

Oparupi mbe'uha pymbytepe ĩme'ẽ ishy rãngai rekorevarã. Kova mbai rãnga porã'ãĩte, Jesús jyrojambaheare mbytepe ikoãhai kova mbai.

Apocalipsis 9:21

Hokava kuaretare Tũpa jykoty potãã oujy hareka poiã puruka reta, hejãã pajekue, hareka manarõveãma verã, poiã kyrãrãĩ jyre.

2 Pedro 2:3

Kyrypoti potakueivipo, haire pynymbytavy pyta verãre opaite pyndykyrypoti ryheve. Arykaivãimba ñonoha haire jahehahe verãre, hãrã hokavaivi ohojepeãposhi reta.

Hebreos 12:16

Avypo mbava kyrãrãĩ'i hareka mbai jahehe Tũpape mbijicheavare. Kova japo Esaú, hai meẽhe ho'uava ña'ãporãte vekua tyray tynondeva ryheva.

2 Corintios 12:21

Kova aha verãpe akyjejy, shu Tũpa shymymarãka pynynõnde verã, hareka katu ajaheo mbai porãmba japo'iare rehe, hareka hejãã reta maĩnunga porãmbare, kyrãrãĩ'iare, heko ky'akuepy jypykuamavare.

Tito 2:3

Kyrãmi jyve taupe kuakuavare, ikopo jyve kuareta Tũpa haihuvare rãĩmi, avypo ñee ryheva reta, avy tyka'u, haikavivaĩpo pyrỹmboihe.

2 Timoteo 3:2

Imepo'ẽ kuaretare ha'ei ijaihuva, kyrypoti haihuva, jyrojapo ijehe hareka ijetapareipo ijehe. Ijeta porããpohe Tũpa, tuure heishua japoveãmaposhu, ñee kavi henduseveãmapo hareka kuaaseveãpo Tũpaivi,

Hechos 15:20

Koñeĩ ñambyparashu reta kuatia hareka jairureshu avy hou verãre soo ynga tentape'õ ñutũpare pevarã, avy iko verãre omendambape, avy tou reta mymba javokava hoo hareka huvy.

2 Pedro 2:14

Haire hesha pente tauperã potaravi ñeno hãndi, mbai porãmbavaĩ pota japo reta, mykyrẽy veru verãre jyrojakuepe pyrãtambateriva; haire mbijehuñoĩvare heta maĩnunga potavare, hareka hokava hai kuareta jaheamahevare.

2 Pedro 2:10

Opa mbai ĩãrẽ, Tũpa nupapokui hoo potavaĩ ñee hendushuare hareka porãmbavaĩ japo'iare. Hokava rãnga mbaimba kuaaseva hareka ñynotimbare hareka kyjemba ijeta porãmbahea Tũpa jokuevare.

1 Pedro 5:2

Pingarekohe Tũpa jy'avishare, pepope ñonohavare. Pijapo kavi kova Tũpa potava rãĩmi, pinimiñerãhamba'iape hareka kyrypoti pipotambape.

Tito 1:11

Hokava retape katu rĩmichirĩrĩ, shara opa porãã ñono oope'õre, pyrỹmboi jyrehe mbai japuva ryheva mbyhepyapyshu verã kyrypoti hekopemba'õ.

Tito 1:7

Shara tũpao miñaka'õ, ñyngarekopohe Tũpa ña'ãpovare, hãme hekope kavipo'i, ha'ẽã ñymbyvete'i verã, avypo poshypareii, avy tyka'u hareka ha'eãjy ñyrãrõ'i verã, hareka avy typota kyrypoti hekopemba'õ.

1 Timoteo 3:3

Ka'uãpo, hareka ñyrãrõseãpo, potããpo kyrypoti hekope kavimba'õ. Kyrãtẽ verã pya kaviñoĩpo, ñee momboãpohe hapishare, hareka avypo mbai potaite.

1 Timoteo 2:10

Tijeva jyve mbai kavi japovapy, hãrõashiva rãĩmi kuei taupere Tũpa jokuerevare.

Filipenses 1:27

Koñeĩ airurepe pikokavi verã Ñee kavi Cristo ryheva pyrỹmboiva rãĩmi. Shara aha apyryresharã maĩrã ãĩmbate haipeva, koñeĩ tahendu pyndyhevi piko kavi ijupiiva hareka piñyhãã pente pyapeĩ Ñee kaviva pirojaheva rupii.

Romano 16:2

Airurepe Ñandeja heepe pymyvãhẽ kavishu verã, tyryvy heko kyambare jajapose hãndia rãĩmi jyrojakuepe; hareka pymboryhe maĩnunga mba'etyreva ikotẽvehea, shara hai hetavape mbory hareka she shymbory jyve.

Romano 6:13

Avypo pyporyka pyndyrete ryhevare mbai hekopemba'õ pevarã, kyrãte verã, piñiñono Tũpa ipope, ĩmeĩteri'ia rãĩmi manovare mbytepe, hareka pyrete ryhevare pymeẽ mbai mbi'ipuhavare mbaikaviva rãĩmi Tũpa pevarã.

Romano 1:29

Hãme rãnga haire tynyhẽ mbai hekopemba'õ opaĩ marãrãngatu vekua, haire heko porãã, mbai potavereii jyre, porãmbavaĩ pya mbijetahe reta, pyryreshatãã, mbai potarai, puruka, ñyrãrõse, japu, katu ñono pỹrỹmbytavypy verã hareka ñee ryheva,

Hechos 20:33

Mapeã aipota pyhevi pymeẽshe verã ita vera tĩĩva, ita vera ijuva hareka mondeava.

Lucas 16:14

Hãma fariseore, haireta hai kyrypoti haihuvare, opa hendu ñynoĩ kova hãrã ñymbyhoryhe reta Jesús.

1 Timoteo 6:10

Shara kyrypoti jyhaihu hai opa mbai porãmba vekua jypy, hãrã ĩme'ẽ kyrypoti potaiterã poi jyrojava, hareka heta veru ijupe jyhasa'asy hykovepe.

Lucas 12:15

Heijyshu reta: Pymãĩ hareka pirykyje, avy piko mbai pipotareivape! Shara tykove õĩãhe maĩnunga hetava kuaretare imerea.