Efesios 5:23 - NandevaBiblia

²³ Hãma teme reta hai tyrekore ñakã, Cristo hai ñakã tũpaore rãĩmi. Cristo rãnga jyve hoka tũpaore mondojepe verã, hokava tũpaore hai hete;

Efesios 5:23 Referans Kwoze

Colosenses 1:18

Cristo hai tãka, tũpao hai tyrete. Hai rãnga opa mbai õñepyrõhea, hareka haijy tynonde pũãjya manovare mbyteivi, kyrã hai tynonde'ẽ verã opa mba'eivi.

Efesios 4:15

Haikavive rãnga jaiko jyhaihupe, hareka añeteva haykue, jyvache ñapuã verã hekope kavi Cristo hãndi. Haiteiva rãnga tũpao ñaka.

1 Tesalonicenses 1:10

hareka pyhãrõ vate araivi Tay Jesús, hai Tũpa mupuãjy vekua manovare mbyteivi, Jesús hai ñanymondojepeshi vekua jaheha pyryreheva jy'ara ou verãivi.

Apocalipsis 5:9

Hãrã jyvache pyrahe reta pente mbyrahe py'ahuva heiva: “Ndeñõi rãngapo katu rypysy ko kuatia mbapu'ahava hareka ryhekyshi verã sellore, ndukahava rehe, hãrã nduruvype yry'ovajy Tũpa pevarã, opaite kuaretare ñymoñashia, opaite tiñeere, henta'õre hareka tentavasure.

1 Corintios 6:13

He'ia rãngajy: “Ho'uava reta rãnga, ñandyrye pevarã, hareka ñandyrye ho'uava pevarã”. Ãñete rãnga hokava, Tũpa opapo mbaikui mokue'õre. Tẽvã ñandyrete ha'ẽã teko kyava pevarã, Tũpa pevarã rãnga hareka Ñandeja hai ñandyrete pevarã.

Hechos 20:28

Hãrã pingareko pindijehe hareka opaite tũpaope ñymbatyvare, shara Espiritu Santo pynypyhyrõ pingarekohe verã Tũpa jytũpao, ha'ei huvypy ova vekua.

Efesios 5:24

hãrã kyrã tũpaore ẽẽ jyve haikavi japo verã Cristo ĩñee, kyrãĩ jyve tyreko opa tijapo ĩme ĩñee.

Apocalipsis 19:7

Ñandyrorypo, ñaĩmytynyhẽ vy'a hareka ñamombai vasushu, shara vãhẽma ara Avisha Ray omenda verã, hyreko opama õĩkavi.