Efesios 5:14 - NandevaBiblia

¹⁴ Hokava rehe rãnga he'iha: Sareko nde recherẽĩva. Pũã manovare pãũvi hãrã Cristo sapepo ndyrehe.

Efesios 5:14 Referans Kwoze

1 Tesalonicenses 5:6

hãrã avy jache yngavare rãĩmi, jasareko hareka jaiko hekope kavi.

2 Corintios 4:6

Shara Tũpa teimba, hei timimbivape sape verã hendyva, hai sapeka ñandypyape, sape verã hareka kuaaha verã Tũpa hĩmbipekue, hĩmbipeva Jesucristo hovare.

Colosenses 3:1

Pee pykuerajy Cristo rupii, hãma pyheka mbai vate araivi ouva, Cristo vapy'õpe Tũpa jakata kyty.

Romano 6:13

Avypo pyporyka pyndyrete ryhevare mbai hekopemba'õ pevarã, kyrãte verã, piñiñono Tũpa ipope, ĩmeĩteri'ia rãĩmi manovare mbytepe, hareka pyrete ryhevare pymeẽ mbai mbi'ipuhavare mbaikaviva rãĩmi Tũpa pevarã.

Juan 9:5

Ãimeteri'ãĩ ko yvy'ĩãrẽrã, she hai sapeva kuaretare pevarã.

Juan 8:12

Jesús ijetajyshu kuareta retarã hei: She hai sapeva ko yvy'ĩãrẽ, ĩme'ẽ shimi'ĩrũvarã rekopo sapeva meẽvã tykove, hãrã ikoveamapo pyntuape.

Efesios 2:5

ñanymynguerajy hãndi Cristo, mbai porãmbape ñamanoterirã vekua. Kyrã Tũpa jyhaihukue rupii jahajepe.

1 Corintios 15:34

Pymaĩ kavipẽĩ hareka avy pijapo mbai porãmbava, shara ĩme'ẽ pymbytepe Tũpa kuaamba'eiteva, kyrã hai pee kova mbai apyrỹmymarãka verã.

2 Timoteo 1:10

hareka ã'ẽ ijeshaka Jesucristo Ñanymondojepeva ourã rupii, mby'opa ñymano hareka nohẽ hĩmbipevape tykove opambava Ñee Kavi rupii.

2 Timoteo 2:26

kyrã sareko verãre hareka ñemijyshi verãre Ãña mykatyrõ'õ pysy verã, hareka hai pota japovaĩma japohe verãre.

Hechos 13:47

Shara kyrã hei ore Ñandeja, heirã vẽkua: Arĩñono opaite tenta vasure sapehe verã, ryraha verã ñymondo jepeva ryheva opaite yvy japyva retaipi.

Lucas 1:78

Tũpa jyparekokue rupii, veru ñande vate araivi kuarasy arape mykõĩ ouva rãĩmi.

Lucas 15:24

Shara ko shyray manoma vekua, ã'ẽ hykovejy; kañytẽ vekua, ñavãhẽjyshu”. Hãrã õñepyrõ vy'a reta.

Efesios 2:1

Hai rãnga pynymbyhykovejy, pymanoma vekua pyndyreko porãmbape hareka mbai porãmba vekuape,