Efesios 4:32 - NandevaBiblia

³² Pyndypya kavi pindijupive, hãndi pijypareko hareka pyhejarei ijuhuvi mbai porãmba pijapo vekua, Tũpa hejareii pyndyheviva rãĩmi Cristo rupii.

Efesios 4:32 Referans Kwoze

Marcos 11:25

Pimboipeĩrã, pyhejareiishu ĩmepyre porãmba papisha hãndirã, hãrã Ñanderu vate arapy'õ, hejareiipo jyve pyndyhevi porãmba pijapo vekua.

2 Corintios 2:10

Pyhejareiishuvape, ahejareii jyveshi. Shara ahejareii jyve, ĩme'ẽ kyrã ahejareii verãrã, ajapo pyndyrehe Cristo hỹnonde.

Efesios 5:1

Pee haiva Tũpa tayre hai haihuiva, piñyhããpo piko Hai ikova rãĩmi.

Lucas 6:35

Pee rãnga pyhaihupo pyndyresha tamba'iare, hareka pijapopo haikaviva; pyporyka mbaiva mba pyhãrõ myngoviajy pee verã. Kyrãrãpo hetave myngovia jy pee kui. Hãrã ikopo pyndy hevi Tũpa vateve'õ Tay; hai rãnga pya kavi hãndi pyrypareko mba hareka poshyva.

Lucas 6:37

Avy pimbivacheka papisha mãhẽ Tũpa pimbivacheka jyvekui. Avy pijahehe papisha, mãhẽ Tũpa jahe jyve pyndyrehekui. Pyhejareiishi papisha porãmba japo pyndyreheva, hãrã Tũpa hejareiipo jyve pyndyhevi mbai porãmba vekua.

1 Corintios 13:4

Pyryhaihuva hasa'asyñoĩ, pyakavi, mbai potaraiã, jyrojaã ijehe hareka potãã ha'epaite.

Lucas 17:4

timeĩpo pente arapeĩ 7 kavi mbai porãmba japo ndyrehe, hareka 7 kavi ou hei nde: “Ajapoveamapo”, hejareiishu.

Mateo 6:12

Hejareii yryhevi mbai porãmba vekua, ore hejareiishia rãĩmi japo porãmba'i yryreheare.

1 Juan 2:12

Shyrayre ahaihuva ambyparape kova mbai, shara Tũpa, Jesucristo rupii hejareii pyndyhevi mbai porãmba vekua.

Romano 12:10

Pimoña hãndia rãĩmipo yngavape ryhaihu jyve, hareka pijapo kavi ijehe.

1 Juan 1:9

Tẽvã Tũpa ñaimbeushu mbai porãmba jajapo vekua retarã, hai jairojaheva hareka hekokavi, hejareii ñandyhevi verã hareka ñandohepo mbai poshykueivi.

2 Corintios 2:7

Ã'ẽ katuma pyhejareiishi hareka pymborypo haikavi'ẽjy verã, mahẽ vyamba vekua porãã japohekui.

Santiago 5:11

Ĩmejare vy'avare hasa'asyvape, pyhendu jyveshi Job hãrõ kaviva hareka pyhesha koñyma Ñandeja meẽshua, hareka kova heshaka Ñandeja hai pyryparekovarã.

2 Corintios 6:6

yryreko kyambape, arãndukuepe, ỹrãteỹmbape, hareka pya kavipe, Espiritu Santo ẽẽ yrykovepe hareka jyhaihu añetevape,

Lucas 11:4

Hejareii yryhevi mbai porãmba japoa vekua, shara ore hejareii jyveshi mbai porãmba japo yryrehevare. Avy ma'ẽĩhe to'aha yrypya ãhã verãpe, yryrekyshi mbai porãmbava”.

Lucas 1:78

Tũpa jyparekokue rupii, veru ñande vate araivi kuarasy arape mykõĩ ouva rãĩmi.

2 Pedro 1:7

tykove mbijicheava Tũpa pevarã, jyhaihu Cristore jyrojavare; jyhaihukue Cristore jyrojavare opaiteva pyhaihu.

Hechos 28:2

Haipe Maltape'õre ỹrỹmyvãhẽkavi reta, shara ro'y hareka haivi'ẽseverã. Hãrã haire tata jatapyvasu, haipe yrỹrẽno reta jype'eha hãndi verãre.