Efesios 4:31 - NandevaBiblia

³¹ Pyheja opa marãrãgãture pya porãmba, pyaposhy, sapukerei hareka ñee poporãmbavare hareka opaite mbai porãmba vekua.

Efesios 4:31 Referans Kwoze

Colosenses 3:8

tẽvã ã'ẽ opa pyheja kova mbai; piniñarõva, poshyreii, porãmba vekua, ãñetemba vekua rerehe ndapisha hareka juru porãmba vekua.

1 Pedro 2:1

Pyheja opaite marãrãngatuva porãmba vekuare, japukue, hova mokueva, hapishatambaa, hareka ñee porãmba vekuaivi.

Santiago 1:19

Shyryvyre ahaihuva, pynymanduahe kova; opaiteva kuimbaire ẽẽñoĩpo hendu verã yngava hapishare, tẽvã ha'ẽã aremba'eite ijeta verã hareka poshy verã.

Colosenses 3:19

Hãrã pee jyve tẽmere pyhaihu pyndyrekore hareka avy pijeta pohyshu reta.

Santiago 3:14

Tẽvã pyndypya poshy ryhevepirã hareka pijeshatããrã, hokava pijaporã pee pevarãĩjy, avy pimoã mbai vasumape, kyrãrã papumapo hareka piñomima añeteva.

Efesios 4:26

Pee pyndyposhyrã, avy mbai porãmba pijapo; hareka avy tiche jepe pyndyhevi kuarasy, pypoi pyndyposhy verã.

1 Juan 3:12

Avypo jaiko Caín iko vekua rãĩmi, hai rãnga tyvy juka, shara hai Ãña tay. Hareka mbaiva rehera juka? Shara Caín porãmba japo, hareka tyvy japo mbai haikaviva.

Santiago 4:11

Shyryvyre avy pijeta porãã ijehe. Pyndyryvyhea ĩñeepe ñymbyvaisho'ihea maĩrã mbivache'ia, porãã ijeta hareka mbijiche Moisés mbypara vekua japoa verã. Hãrã rĩpirĩmbijicherã, rĩñyñonoma pirĩmbijiche'ia rãĩmi rijapoĩtẽ verã.

Tito 1:7

Shara tũpao miñaka'õ, ñyngarekopohe Tũpa ña'ãpovare, hãme hekope kavipo'i, ha'ẽã ñymbyvete'i verã, avypo poshypareii, avy tyka'u hareka ha'eãjy ñyrãrõ'i verã, hareka avy typota kyrypoti hekopemba'õ.

1 Timoteo 3:11

Kyrãi jyve diaconorã ñonoavare hyrekore, heko kavipo jyve, hareka ijeta reĩãpohe hapisha, jyrojããpo ijehe, hareka opa mbaipepo jyrojahahe.

2 Corintios 12:20

Akyje ãvãhẽma ahaperã, apyryreshamba verã she aipotava rãĩmi, hareka pee shyreshambapi verã pipotava rãĩmi; akyje ẽẽ verã pynymbytepe ñyrãrõ, pyrỹmorãmba, poshy, pota ha'epaiteva, ñeereii, ijeta ijeheva, jyroja ijeheva hareka opa pyrỹmomohẽ'iare.

1 Corintios 14:20

Shyryvyre, piko sanjay rãĩmi, tẽvã avy sanjay rãĩmi pypya pimbijeta, porãmbapepo sanjayre heko rãĩmipi, tẽvã kuareta tarõmava rãĩmimapo pypya pimbijeta.

1 Timoteo 5:13

Hareka oparupi jyraha reta tijuparehupi, hareka ñatẽ'ỹ, ñee ryhevajy, opa mbaipe ichereii hareka jaitambaa rãĩmi heishu reta hapisha.

Galatas 5:20

ñymombai vasu yngava Tũpa, ñymbypaje, pyryraihuã, ijeshatã, ñyngareko hareka poshyrei'i, potañoi ha'epaite, ñyrãrõ, pirĩmbijao'i,

1 Corintios 5:8

Hãrã ñamby'aretepo Pascua, pãhã mby'ouka mbihi'ahamba rãĩmi, he'ise poshymbape hareka añetevape. Avy ñamby'arete pãhã mby'ouka tuja vekua ryheve, he'iseva poshy hareka ñandykya ryheve.

Romano 3:14

Ñee porãmba vekuaĩ pory reta hareka jypejuse.

Apocalipsis 12:10

Haivi ahendu pente ñee hỹnatu araivi heiva: Ã'ẽ vãhẽma pyrỹmondoajepe verã, pyrãtãkue hareka Tũpa huvisha vasurã'ẽ verãpe, hareka ñy ñymbai katukue, shara ãña mohẽama vate araivi, ñandyryvyre arakuepe hareka pyharekue porãmba ijeta'ihea Tũpa hỹnonde.

1 Juan 3:15

Opaite tyvy mymorãmbava hai puruka'ia, pee pikuaa puruka'ia katuãpo ĩmere tykove opamba.

Tito 2:3

Kyrãmi jyve taupe kuakuavare, ikopo jyve kuareta Tũpa haihuvare rãĩmi, avypo ñee ryheva reta, avy tyka'u, haikavivaĩpo pyrỹmboihe.

2 Timoteo 2:23

Avy jasakahe ñe'ẽkuereire hareka mbaimba vekua, nde rikuama hokava veru ñyrãrõ.

1 Timoteo 3:3

Ka'uãpo, hareka ñyrãrõseãpo, potããpo kyrypoti hekope kavimba'õ. Kyrãtẽ verã pya kaviñoĩpo, ñee momboãpohe hapishare, hareka avypo mbai potaite.

Hechos 21:30

Opaite hokava tentape'õre ikorai hareka ñani ou reta. Hãma pysy reta Pablo hareka mbytyryry tũpaoivirã õche mbotyraveĩ reta.

2 Timoteo 3:3

pyryraihuãpo, pyryparekoãpo, ijeta porããpohe yngavare, ijochaveãmapo reta, hetapo'ẽ jyvavarehea hapisha, ñymbyvaishopohe mbai haikavivare.

Efesios 4:22

Hãrã, pijyheja pyndyreko arykaiva ryhevaivi, hareka ỹnteño piko arykaiva rãĩmi. Kyrã pikopirã rãnga opa piñymbai, pyma'ẽĩhe mbai porãmba pynymbytavy'irã.

Efesios 4:25

Hãma ỹnteñoma piko jipive japupe, pere pepetẽĩ hoka ñee añeteva papisha retape, shara opaite ñande ha'ĩ jyve pente tyrete ryheva.