Efesios 4:21 - NandevaBiblia

²¹ Pee rãnga pyhendushi, hareka pirojaherã rehe pynymbo'eha kavihe vekua, haiva Jesús ryheva añeteva.

Efesios 4:21 Referans Kwoze

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

Efesios 1:13

Haire jyve Pee pyhendurã ñee añeteva, Ñee Kavi verupeva ojepeva ryheva, hareka pyrojarã, ñonoã pyndyrehe pynymyha'ãngahapy Espiritu Santo me'ẽã verã.

Colosenses 2:7

piñymbyhapopopy hareka piñymypyrãtapohe piroja rupii, shara kyrã pynymbo'eha hareka pymeẽñoĩshu Tũpa mbai kavikue.

Juan 14:17

Hokava Espiritu Santo haipo pynymboihekui mbai añeteva, hãrã Tũpa jyrojambaheare katuãpo mẽ'ẽãshuhai, shara haire heshãã hareka kuãã. Tẽvã pee pikuashu shara hai ikoma'i penendie, hareka ikopo pyndypyape.

2 Corintios 11:10

Hãĩ she ajavymba Cristo ryheva añeteva aikuaa hairã, kyrã aikuaa kavijy mba'ety opaite tentare Acaya tivishakuepy'õ heky shyhevi verã ko ĩme'areva airojakatu shijeheva.

2 Corintios 1:20

Shara opaite Tũpa ĩñee meẽva hai “ẽẽ” rupii. Hãrã ñamombaishurã ja'e “Amén” Tũpa hĩmbipekue pevarã.

Juan 14:6

Jesús heishu: She hai tape, añeteva hareka tykove. She rupii katupo vãhẽha Sheru ẽvãpe.

Juan 10:27

Shy'avishare kuaa shiñee, hareka she aikuaashu reta, hãrã haire ou shaykue.

Juan 1:17

Shara Tũpa meẽ ñee mbyparahava Moisés rupii, tẽvã jyhaihukue hareka mbai añeteva vãhẽ Jesucristo rupii.

Lucas 10:16

Hãma pynyrẽnduva, she shyrẽndu jyve; hãrã pinimbijicheva, shimbijiche jyve; hareka shimbijicheva, mbijiche jyve shymbou vekua.

Mateo 17:5

Pedro ijetateri'ẽ vekua, mundii ãvãpyntu hĩmbipeva opa jasoishu reta. Haipe ãvãpyntuivi ñyhendu pente ñee heiva: Kova hai Shyray ahaihuva, apyhỹrõ vekua, pyhendushu.

Romano 10:14

Marãirapo hẽno reta, jyrojambaheare? Marãirapo roja reta hendumbare kova? Marãirapo hendu reta mbamba mbeushuare?

Efesios 2:17

Cristo rãnga oumba mbeu ñee haikaviva veruva pya kavi opava retape, pee pevarã Judiombavare mbyry pẽĩva Tũpaivi, hareka Judiovare mbyrymba'ẽshiare Tũpa.

Colosenses 1:5

hoka pyhãrõpẽĩva rupii natũhamape pa'ãpõrã vate arapy. Pee rãnga pikuaama pyhãrõpẽĩva, ñee añeteva rupii, hokava hai Ñee Kaviva.

Colosenses 1:6

Hoka ñee rãnga mbe'uhamaĩpe, hareka oparupi ko yvy jerekue pũã hareka ñymbyheta oho, jehuva rãĩmi jyve pynymbytepe, hoka arape pyhendurãvaĩ ko añeteva, marãra Tũpa pyndyraihu.