Efesios 3:8 - NandevaBiblia

⁸ She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,

Efesios 3:8 Referans Kwoze

Colosenses 1:27

Tũpa potai kuaakashu haimba Judiovare mbai ojaimbava hĩmbipeva tentare pevarã, hokava hai: Cristo ẽvã pynymbytepe, hãrã haiteiva pyharõpẽĩ pyreko verã tykove hĩmbipeva.

1 Corintios 15:9

She rãnga hai apostolre mbytepe mbai'ãĩteveva, hareka ẽẽãny shymbyhea verã apostol, shara ãmoña'ai arykai Tũpa ryhevare.

Efesios 3:16

airure Sherupe, tymeẽpe ña'ãpova mashyãva, tymeẽpe mbaikatu hareka pyndypyape pyrãtakue jy Espiritu rupii,

Efesios 2:7

Kova japo heshaka verã ara ou verãpe marãra hai ñandyraihu hareka ñandypareko Jesucristo rupii.

1 Timoteo 2:7

Ha'ẽrã rãnga shiñonoha añimiñee'ai verã hareka Apostolrã, hejahashe amboi verã jyrojakue ryheva hareka mbai añeteva ryheva, opaite Judiomba retape. Añetevape hai kova, ha'ẽã shapuva.

1 Timoteo 1:13

Ajemaĩ aryka'e poporãã aijetahe, ãmoña'are hareka ajahe arehe jyrojaheare. Tẽvã Tũpa shyparekomba, shara airojããteri, hãrã aikuãã ajapo'aiva.

Galatas 1:16

Heshakashe Tay ambeu verã ĩñee haimba Judiore pãũpi. Hokava ikorã, mbava kuaretãã aha airureshu shymbarakuaa verã,

Romano 11:33

Tũpa iko katukue ojaiã, ãrãndukue hareka mbaikuaakue Tũpaivi ouva. Mba'ety katu mbeu kavi verã hai potava hareka kuaa verã hai japova.

Romano 2:4

Rĩmbijiche, opambava Tũpa ñymbai kavi, pyakavikue, hareka ñyhãrõkuaa, rikuamba rỹmondova hokava ñymbai kavikue katu ndyverujyva Tũpa kyty.

2 Timoteo 1:11

Tũpa shiñono ambeu verã kova ñee, hareka shymondo apostolrã hareka Judiombare mboire verã.

Efesios 3:19

airure Tũpape pikuaa verã hokava jyhaihu, tivishaveva jaikuaa verã, heta pyheky verã opaite Tũpa ĩmereva meẽpe verã.

1 Corintios 2:9

Tẽvã heiva rãĩmi Kuatia mbyparahavape: Tũpa myhẽvãshu opaite haihuvare pevarã, maĩnunga mbavamba heshava, henduva, hareka mbavamba pya mbijetaheva.

Romano 12:10

Pimoña hãndia rãĩmipo yngavape ryhaihu jyve, hareka pijapo kavi ijehe.

Hechos 5:41

Hãrã Apostolre opajy õhẽ mburuvishare ñymbatyseaivi vy'ape, shara Tũpa ñonoshu reta kyrã hasa'asy verã Jesús heepe.

Apocalipsis 3:18

Hãme rãnga she hainde, reva shyhevi verã ita vera ijuva tatapy opa joheava, añeteĩteape rikokatuma verã, reva shyhevi verã mondeava tĩĩva rỹmonde verã mahẽ ndyreshaha nynaniteirikui, hai mbai ñanotiva; hareka colirio ndyresare rykytyrã ryheshajy verã.

1 Timoteo 1:15

Kova ñee rãnga hai añeteva, hãrã opaiteva kuaretare katu roja: Jesucristo oumba aryka'e yvy'ĩãrẽ kuareta mbai porãmba japo'iare mondojepe verã, haire mbytepe she hai heko porãmba'eiteveva.

Hechos 9:15

Tẽvã Ñandeja hei: Ekua, shara apyhỹrõma hokava kuimbai ijeta shyrehe verã opaite yngava tenta retaipi'õ, huvisha vasure hareka jyve israelitare.

Filipenses 4:19

Tũpa meẽpojype opava maĩnunga pee pikotẽveva, shara heta mbai ĩmere vate arape Cristo Jesús rupii.

Galatas 2:8

Tũpa mondova Pedro apostolrã ñimiñee verã Judio retape, shymondo jyve ãñimiñee verã haimba Judio retape.

Filipenses 2:3

Avy pijapo maĩnunga piñymbyvaishopi pijehevape maĩrã pota peñemombaipiva rãĩmi, peñemomishĩĩvape rãngapo pijapo, hareka pepenteĩpo rekohe hapisha vateve'ẽshi haiva rãĩmi.

Efesios 3:2

Shara katu pyhendutẽvã Tũpa meẽsheva ajapo verã, jyhaihukue rupii amba'apo verã pynypãũpe.

1 Corintios 1:30

Tũpa rãnga pynymypente hãndi Cristo Jesús, hãrã hai rupii heta mbai pikuaa, ñimbivache, ñandyrykove ky'ã, hareka mbyhepya ñandyrehe ñanynohẽajy verã.

Juan 1:16

Hai jyhaihukue tynyhẽ rupii, opaiteva heta hipityka mbaikavikue.

Efesios 3:1

She, Pablo, shymbyperesoava Jesucristo aijokueka'aishurã, pyndyrehe judiombavare.

Lucas 14:22

Hãrã jokuehareirea oujymarã heijyshu: “Sheja, ajapoma nde reresheva, tẽvã hendateveteri'ẽ”.