Efesios 3:18 - NandevaBiblia

¹⁸ Hãmerãpo pikua handikui opaite tenta kyamba Tũpa ryhevare, Cristo jyhaihukue, pukukue, tivishakue, vatekue hãndi kypekue,

Efesios 3:18 Referans Kwoze

Juan 15:13

Jyhaihu tivishaveva ĩmerea rãnga meẽva hykove ñi'ĩrũ retare.

Efesios 3:19

airure Tũpape pikuaa verã hokava jyhaihu, tivishaveva jaikuaa verã, heta pyheky verã opaite Tũpa ĩmereva meẽpe verã.

Galatas 2:20

Kurusure Cristo amano hãndi, hãrã ã'ẽ sheĩĩveãma aiko, Cristoima iko'i shypyy. Hãrã ã'ẽ aikova shyretepe, aiko airoja rupii Tũpa tayre, shyraihuva hareka mano shyrehe vekua.

Efesios 1:15

Jypy aikuaarãvãĩ, she ahendu marãra piroja Ñandeja Jesure hareka jyhaihukue ĩmepyrea opaite heko kyambare hãndi,

Apocalipsis 3:21

Opa õhẽkaviva ñyrãrõivi ambyvapypokui shyvapyka mburuvisha vasu vapypya, she avapysepyape, she ãhẽkaviva rãĩmi ñyrãrõivi hareka avapyĩma hãndi Sheru vapyseape.

Galatas 3:13

Jesucristo rãnga ñanynohẽma Moisés mbypara vekua jyjaheivi, hãrã jaheatẽ ñandyrehe verã vekua oa ĩãrẽ, shara Tũpa ĩñeepe hei: “Jaheamahe yvyrare ñonoãva”.

Efesios 1:10

Shara vãhẽpokui ara ñonoãva, Tũpa opapo mbatykui Cristore opa maĩnunga, opaite mbai ẽvã vate arapy hareka yvy'ĩãrẽ'õre.

Colosenses 1:4

Henduha rãnga Cristo Jesús piroja jyveherã, hareka pyhaihu opaite heko kyambare,

Romano 10:3

Haire kuãã Tũpa haiva kuaretare mbyheko kaviva, hai retai pota ñymbyheko kavi jyre ijupe, hareka kyrã iñiñonoã reta Tũpa ñonovape ñanymbyheko kavi verã.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

2 Corintios 13:13

Opaite tyryvy jyrojavare mondokape ñymarãndu.