Efesios 3:17 - NandevaBiblia

¹⁷ hareka Cristo iko verã pyndypyape jyrojakue rupii, hareka tantagãtu peĩ verã jyhaihupe Tũpare hareka opaite yngavare,

Efesios 3:17 Referans Kwoze

Colosenses 2:7

piñymbyhapopopy hareka piñymypyrãtapohe piroja rupii, shara kyrã pynymbo'eha hareka pymeẽñoĩshu Tũpa mbai kavikue.

1 Juan 4:16

Ñande jaikuaa hareka jaroja Tũpa ñandyraihuva, shara Tũpa hai jyhaihu añeteva, hareka Tũpa jyhaihukue pyape ĩmereva, Tũpa iko jyvepy.

Juan 14:23

Jesús heishu: Shyraihuva japopokui she haiva, hãrã Sheru haihuposhu, Sheru hareka She ouhapo ikoha hãndi.

Galatas 2:20

Kurusure Cristo amano hãndi, hãrã ã'ẽ sheĩĩveãma aiko, Cristoima iko'i shypyy. Hãrã ã'ẽ aikova shyretepe, aiko airoja rupii Tũpa tayre, shyraihuva hareka mano shyrehe vekua.

Romano 5:5

Hareka hokava ñyhãrõkuaa ñanymbytavyãpo, shara Tũpa jyhaihukue mynyhẽ ñandypya Espiritu Santo rupii me'ẽha ñandeva.

Apocalipsis 3:20

She ãĩme nyrõchepe, hareka ãhẽno; shiñee rỹhendurã, rypeashe nyrõcherã aichepo nderope hareka rykarupo shendiekui.

2 Corintios 6:16

Mbaivaperapo haikavi'ẽ hãndi Tũpa hoo hareka tarã'ãngare ñemombai vasu ryheva? Ñande rãnga hai Tũpa ĩme'ia hoo, haiteiva rãnga hei: She aikopo hãndi reta, hareka avatapo haire mbyteipi. Hãma she haipo ñu Tũpa hareka hai retapo jyve shyrẽnta ĩrũre.

1 Juan 4:4

Shyrayre, pee rãnga hai Tũpa ryhevare, hãrã pijepymahe Tũpa ĩñee mbeu'ia japureivare shara pỹrãtave hai ẽẽ penendievare ko yvy'ĩãrẽ'õ retaivi.

Colosenses 1:27

Tũpa potai kuaakashu haimba Judiovare mbai ojaimbava hĩmbipeva tentare pevarã, hokava hai: Cristo ẽvã pynymbytepe, hãrã haiteiva pyharõpẽĩ pyreko verã tykove hĩmbipeva.

Colosenses 1:23

Kyrã verã piñymyhãtapo pirojakuepe, avy pyheja ñyhãrõkuaa pyrekova ñee kavi pyhendu vekua rupii. Hoka hai ñee kavi mbe'uhava oparupi, hãrã she Pablo, ambory mbe'ua verã.

Juan 17:23

She ãĩhe reta, hãrã nde rẽi jyve shyrehe, haire ñymypente kavi verãjyve, kyrãpo kuaretare kuaa nde shymbouva, hareka ryhaihushuare shyraihuva rãĩmi.

Juan 14:17

Hokava Espiritu Santo haipo pynymboihekui mbai añeteva, hãrã Tũpa jyrojambaheare katuãpo mẽ'ẽãshuhai, shara haire heshãã hareka kuãã. Tẽvã pee pikuashu shara hai ikoma'i penendie, hareka ikopo pyndypyape.

Lucas 6:48

Ova pente kuimbai hoorã japo verã, joo rãnishu yvykua hareka kype japo mỹvãhẽshu peve ita, hãrã ñono hoo jypyrã ita iãrẽ. Haivi sapy'ãi ou yy syry pyrãntava hareka ñunupahe oore, tẽvã katuã mungu'ẽã shara tanta mbyvapyha ita'iãrẽ.

Mateo 13:6

Kuarasy õhẽma ourã opa hapy hareka opa jipi, shara hapo kypẽã oho.

Galatas 5:6

Ñande rãnga ñañymypenteĩ hãndi Cristo, hãrã mba'eã he'ise iripire chĩchĩhãkara maĩrã mba'ety, koñeĩ haikaviveva hai jyrojakue, hareka kova jyrojakue rupii jahaihu jyve ñandapishare.

Juan 6:56

Shyroo houva, hareka mbusururuva shuruvy ẽẽ shendie, hãrã she ãĩjyve hãndi.

1 Corintios 8:1

Ã'ẽ jaijetapohe ho'uavare ta'ãnga heepe me'ẽãva. Opaitevama ãmo jaikuaa hokava, shara heta mbai jaikuaava jairojahe. Tẽvã jyhaihukue hai ñanymypyrãtava.

1 Corintios 3:6

She rãnga ãñoty, hãrã Apolo maky jyve, hãma Tũpa mupũã ñotyãva.

2 Corintios 13:5

Pymaĩ kavi pindijehe pikuaa verã pynypyrãtara pẽĩ jyrojakuepe, pypya pimbijeta. Pijykuaarã Jesucristo ẽvã pyndypyape? Ajemapo pyndypya hã'ãha!