Efesios 2:1 - NandevaBiblia

¹ Hai rãnga pynymbyhykovejy, pymanoma vekua pyndyreko porãmbape hareka mbai porãmba vekuape,

Efesios 2:1 Referans Kwoze

Colosenses 2:13

Ndeiteri japoa pyndyrehe kova pipire chĩnchĩava ryhevarã, pee pymanomba arykai mbai porãmba vekuape. Katynga, Tũpa meẽ ñande tykove ñanimi'ĩrũheva Cristo, opa hejareii ñandyhevi mbai porãmba vekuarã.

Romano 8:2

Shara ñee mbyparahava Espiritu ryheva japokava meẽ tykove Cristo rupii, shyrekyshi ñee mbyparahava mbai porãmba ryheva hareka ñymano.

Efesios 4:18

hareka ñaka opa pyntushiva. Haire mba'etyre ko tykove ouva Tũpaivi, mba'ẽã kuaa retarã hareka pya tãtãivi.

Juan 5:21

Tuu mũpũãjyva rãĩmi mano vekuare hareka meẽjyshu tykove, kyrãĩ jyve Tay meẽ jyveshu tykove hai pota meẽshuare.

1 Juan 3:14

Ñande rãnga jaikuaa jahasama ñymanoivi tykove kyty, jaikuaa shara jahaihu ñandyryvy retarã. Tyvy haihumbava ĩmeĩteri'ẽ ñymanope.

Juan 14:6

Jesús heishu: She hai tape, añeteva hareka tykove. She rupii katupo vãhẽha Sheru ẽvãpe.

Efesios 5:14

Hokava rehe rãnga he'iha: Sareko nde recherẽĩva. Pũã manovare pãũvi hãrã Cristo sapepo ndyrehe.

1 Timoteo 5:6

Tẽvã taupe ĩme manoshia vya verãĩ pya mbijetaherã, manoma hykove ryheve.

Juan 5:25

Ãñeteĩte hai pee, ouma ara hareka ã'ẽvãĩpo, manovare hẽndukui Tũpa Tay ĩñee hareka hẽndushua kuerajypokui.

1 Corintios 15:45

Kyrã hei kuatia mbyparaha vekua: “Kuimbai tynondeva, Adán, japoha hete hykove ryheve”; hãma Adán mokueheva hai, espiritu meẽva tykove.

Juan 10:10

Manarõ'ia koñeĩ ou manarõ verã, puruka, hareka pyrỹmbai verã; tẽvã she ai ameẽ verã tykove, hareka heta pyree verã tykove.

Apocalipsis 3:1

Mbypara jyveshu Tũpa jokueva tũpao Sardispe'õ: Kyrã hei 7 Tũpa Espiritu ĩmerea hareka 7 jasytata: She aikuaa rijapo vekua hareka aikuaa jyve rỹmanorã ajemaĩ oparupi nymbe'uha rĩmeĩteririva.

Lucas 15:32

Haikavi rãnga javya pãveĩterã hareka ñandyrory, shara ko ndyryvy manomatẽ vekua, tẽvã hykovejy; kañytẽ vekua, hareka ã'ẽ heshahajy”.

Lucas 15:24

Shara ko shyray manoma vekua, ã'ẽ hykovejy; kañytẽ vekua, ñavãhẽjyshu”. Hãrã õñepyrõ vy'a reta.

Mateo 8:22

Tẽvã Jesús heishu: Ei shimĩ'ĩrũ, ma'ẽĩhe manovare tiñoty reta hapisha manova.

2 Corintios 5:14

Cristo jyhaihukue rãnga yrỹmykyrẽy, yrypya mbijetahe kovarã; penteva manohẽ opava reherã, hãme hokava rehe opaiteva mano.