Colosenses 3:8 - NandevaBiblia

⁸ tẽvã ã'ẽ opa pyheja kova mbai; piniñarõva, poshyreii, porãmba vekua, ãñetemba vekua rerehe ndapisha hareka juru porãmba vekua.

Colosenses 3:8 Referans Kwoze

Efesios 4:29

Avy tõhẽ ñee kyava pindijuruivi, pere jyve ñee haikaviva henduvare mykỹrẽ'ỹ hareka mbypya kavi verã.

Efesios 4:22

Hãrã, pijyheja pyndyreko arykaiva ryhevaivi, hareka ỹnteño piko arykaiva rãĩmi. Kyrã pikopirã rãnga opa piñymbai, pyma'ẽĩhe mbai porãmba pynymbytavy'irã.

Efesios 5:4

Avy pere mbai pyrỹmymarãva, mbai porãmbava, ñee porãmbava, jyrojavare ha'ẽã kyrã ijeta verã; hokava hendape pymeẽ pyndyvya Tũpape opa mbai meẽpevare.

Colosenses 3:5

Hãrã pijuka pyndypyape'ẽvã porãmba vekuare, jaishu kyrãrãĩ'ia ryheva, mbai pyrỹmyngyava, mbai potaiiva ryheva, hareka kate'ỹkue, hokava ha'ẽĩjy ñamombaiva Tũpa rã'anga.

Efesios 4:26

Pee pyndyposhyrã, avy mbai porãmba pijapo; hareka avy tiche jepe pyndyhevi kuarasy, pypoi pyndyposhy verã.

Hebreos 12:1

Opaite hokava kuaretare ĩme'ẽ ñandijerekue ñandyresha'ẽva! Hãrã opapo ñambijiche mbai porãmba vekua ñandochava, shara tykove hai pente mbaretepe jykarerava.

Colosenses 3:9

Avy piñymbytavy, shara pyhekyma pindijuhuvi pyndyrykove arykai vekua, hareka mbai porãmba pijapo vekua.

1 Pedro 2:1

Pyheja opaite marãrãngatuva porãmba vekuare, japukue, hova mokueva, hapishatambaa, hareka ñee porãmba vekuaivi.

2 Corintios 12:20

Akyje ãvãhẽma ahaperã, apyryreshamba verã she aipotava rãĩmi, hareka pee shyreshambapi verã pipotava rãĩmi; akyje ẽẽ verã pynymbytepe ñyrãrõ, pyrỹmorãmba, poshy, pota ha'epaiteva, ñeereii, ijeta ijeheva, jyroja ijeheva hareka opa pyrỹmomohẽ'iare.

1 Corintios 3:3

shara nde'iave pynypyrãta. Ĩmeteri ã'ãmore pynymbytepe pota ha'epaite'iarã hareka poshyvarã, pikoteri kuaretare jyrojambare ikova rãĩmi,

Mateo 5:22

She hai pee, ĩme'ẽ hapisha poshyshuarã rahapo mbivacheha verãpe. Ĩme'ẽ heishua hapisha “Mba'ẽã rikuaa”, rahapo kuakuavare hỹnonde; hareka hapisha jypejuheva hokava mombohapo tatavasupe.

Galatas 5:15

Tẽvã pee pindijupii pĩrãrõ hareka pijakapiva, pimo'ã, mahẽ peĩ opa piñymbaikui.

Romano 13:13

Hekope kavi jaiko, arapeva rãĩmi hareka japoipo jajapo mbai porãmba, karuraivambape, jakaumbape, yngangavamba iko'i handia hareka kyrãrãĩmba'ia, avy jaiko jaijeshashatãã hareka ñaĩmymorãmbape.

Judas 1:8

Kyrãpo iko jyvehekui opaite aijeta ãĩhevare, shara porãmba pya mbijetaheva rupii hete myngya, mbijiche reta Tũpa ñymbaikatukue hareka ijeta porãhe Tũpa jokuevare arapy'õ.

2 Pedro 2:18

Hãma ijeta retarã, ijetapareii hareka mbaimba vekua, hoo potavape rahashu hareka ity hairãã õhẽjyva javyvape iko'iare mbyteivi.

Santiago 2:7

Ha'ẽara kuepi ijeta porãmba jyrehevare tyree kaviva Jesucristo pirojaheva?

1 Timoteo 1:20

Kyrã jehushu Himeneo hareka Alejandro, hokavare Satanape opa ameẽ kuaa verãre marãrapo ijeta kavĩĩhe Tũpa.

1 Timoteo 1:13

Ajemaĩ aryka'e poporãã aijetahe, ãmoña'are hareka ajahe arehe jyrojaheare. Tẽvã Tũpa shyparekomba, shara airojããteri, hãrã aikuãã ajapo'aiva.

Galatas 5:26

Avy jairoja ñandijehe, avy ñañymbyposhyka hareka avy jaipota ñandapisha ña'ãpova.

Galatas 5:20

ñymombai vasu yngava Tũpa, ñymbypaje, pyryraihuã, ijeshatã, ñyngareko hareka poshyrei'i, potañoi ha'epaite, ñyrãrõ, pirĩmbijao'i,

Marcos 7:22

manarõ, mbai pota raiviva, poshyrei'iva, japuva, ñynotimbaa, kateỹva, juruvaiva, jyroja ijeheva, opaisharei'iva,

Apocalipsis 16:9

Opaiteva oke reta hakukuepy, tẽvã oujyvyã reta Tũpa jykoty hareka pyraheĩmbatẽshuare. Jahehe reta Tũpa, mbaikatu ĩmerea jepyhe verã mbairasy porãmba.

Judas 1:13

Hãma ova reta yy ñarõva, mbytyryjuva maĩnunga japova pyrỹmymarãkava, jasytata hape javyva rãĩmi mondohapo timimbiva opamba'õpe.

2 Pedro 2:7

Tẽvã mondojepembashu Lot, shara hai kuareta heko kaviva hareka mbasytẽhe marãra tykove ijokombashivare porãmbape.

Efesios 4:25

Hãma ỹnteñoma piko jipive japupe, pere pepetẽĩ hoka ñee añeteva papisha retape, shara opaite ñande ha'ĩ jyve pente tyrete ryheva.