Colosenses 3:24 - NandevaBiblia

²⁴ Pikuaama rãnga hekovia Tũpa meẽpope, hokava hai maĩnunga haikaviva meẽshu verã hai ryhevare. Pikuaapo pee pymba'apova Cristo pevarã, hai ãñeteĩte teja.

Colosenses 3:24 Referans Kwoze

Efesios 6:8

Pee rãnga pikuama Tũpa myngovia kavijyshu pepenteĩ japovare, timeĩpo jokueharea maĩrã haimbaa jokueharea retape.

Lucas 14:14

hãrã ryvy'apo, shara haire mba'etyre mbyhekoviajypy nde verãre; shara opapo mbyhekoviajy ndekui heko kaviva puãjyma retarã”.

Galatas 1:10

Kyrã hairã: Ahekara kuaretare jururesheva maĩrã Tũpaivira? Ahekara aĩkavi hãndi verã kuaretare? Hãma potaĩ ãĩkavi hãndi kuareta retarã haiveãmaposhekui Jesucristo jokueva.

1 Corintios 7:22

Shara jokuehareirea hẽnohã jyroja verãrã, ã'ẽ haima pente kuimbai mbaimba jocha'õ, mba'aposhu verã Ñandeja, kyrãi jyve hẽnoãrã jokueharea, ã'ẽ haima Cristo jokuereva.

Hechos 20:32

Ã'ẽ shyryvyre, airureshu Tũpa jyhaihupe ñyngareko pyndyrehe verã hareka ñee haikavivapy ñyngarekopyndyrehe verã. Hai ĩmereva mbaikatu hareka meẽpe verã pyrãtakue hareka heta mbai haikaviva mbeuva rãĩmi hai ña'ãpova retape meẽ verã.

Hebreos 11:6

Tẽvã katuã ñambyvyashu Tũpa jairojããrã, shara ĩme'ẽ pota Tũpa kyty ñymbojava rojañoĩpo hai ĩme'ẽva hareka mbyhepyshu hekashuvare.

Hebreos 10:35

Hãme avy pypoi pirojahe Tũpa, shara hokava pirojaheape me'ẽãpope me'ẽhareiva ojaimbava.

Efesios 6:6

Pijapo kavi maĩnunga mbe'uhape pijapo verã, ha'ẽã peja maĩ'ẽ pyndyrehe rãmẽĩ haikavi pijapo pota haikavi pẽĩ hãndirã, Cristo jokuerea rãĩmi jyve, pijapo kavi pyndypyaivive Tũpa potava.

Mateo 5:46

Pee pyhaihupi pyndyraihu'ia retairãra, mbaivapepo mbyhekoviajype? Kyrypoti mbatyse'iare Roma pevarã retave rãnga kyrã japo.

Mateo 5:12

Pyvy'a, hareka pyndypya hory, shara vate arape ĩme'ẽ me'ẽãpe verã, kyrãmba hasa'asy jyve arykai Tũpa ĩñee mbeu'iare tynonde pyndyhevi vekuare.

Judas 1:1

Judas, Jesucristo jokuerea Santiago tyvy, ambyparashu opaite Tũpa Teru haihuvare hareka hẽnova, Jesucristo ñyngareko jyvehe reta.

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

Colosenses 2:18

Avy pyma'ẽĩhe tijahe pyndyrehekui, ñymby pya kavi rã'ãnga'iare hareka õmombaivasu'iare Tũpa jokuevare, hei'ia maĩnunga heshahakashua hareka jyrojahe kuaretare ñãkape ñanduva ĩmereva.

1 Corintios 3:8

Hãrã ma'ẽty'ia hareka ñotyãva maky'ia, mba'ety vateve'õ, jyvacheĩ reta. Pepenteĩpo Tũpa meẽshu retakui japova hepykue.

Lucas 6:35

Pee rãnga pyhaihupo pyndyresha tamba'iare, hareka pijapopo haikaviva; pyporyka mbaiva mba pyhãrõ myngoviajy pee verã. Kyrãrãpo hetave myngovia jy pee kui. Hãrã ikopo pyndy hevi Tũpa vateve'õ Tay; hai rãnga pya kavi hãndi pyrypareko mba hareka poshyva.

Mateo 6:16

Hãrã pykarumbapepeĩrã, avy pyvy'ããpi hova mokue'iare rãĩmi; kyrã haire japo kuaretare heshahe verãre karuã ñynõĩrã. Ãñete hai pee, myngoviahamashu haire.

Mateo 6:5

Hãma pirurerã, avy pirure hova mokue'iare rãĩmi, hai reta rãnga haikavishu ñymboyvape jurure Judiore ñymbatyseape hareka vataha'õ retaipi ijeshakashu verã kuaretare. Ãñeteĩte hai pee, kyrã haire opama myngoviahashu reta.

Romano 14:18

Kyrã japova Cristo pevarã hai, pya ohohe Tũpa hareka kuaretare mymorãshu.

Romano 1:1

She Pablo, Cristo Jesús jokueva hẽnohava apostol, pyhỹrõhava mbeu verã Ñee Kaviva Tũpa ryheva,

Juan 12:26

Hãrã ĩme'ẽ pota japosheva haivarã, tou shaykue. Mãĩpi she ãĩvãpe, haipepo ĩme'ẽjyvekui japosheva aipotava, hareka Sheru õmombaivasuposhukui.

Mateo 10:41

Ĩme'ẽ mỹvãhẽva ko Tũpa ĩñee mbeu'ia hairã, Tũpa mbyhekoviañoĩposhu Tũpa ĩñee mbeu'ia mbyhekoviashuva rãĩmi. Ĩme'ẽ myvãhẽva kuimbai heko kavivarã, Tũpa mbyhekoviajyposhu ko kuimbai heko kaviva Tũpa heiva japo'ia rãĩmi.

Hebreos 9:15

Hãme rãnga Cristo hai ñee me'ẽã py'ahuva, henohavare myvãhẽva me'ẽãshu verãre Tũpa mbeu vekua ñee opamba ryheva, ã'ẽ hai manoma mbyhepy ñandyrehe ñanynohẽãjy verã opa mbai porãmba jajapo vekua tynonde ñee me'ẽã vekuape.

1 Corintios 11:23

Shara kova meẽshe Ñandeja, hai rãnga hokava apyrỹmboijyvehe: Ñandeja Jesús akua pyhare kyrypoti me'ẽãmahea heky pãhã,

1 Pedro 1:4

Pipity verã maĩnunga Tũpa ĩmereva vate arapy, ñymbaimba verã, kyambava maĩrã jipimbava.