Colosenses 3:10 - NandevaBiblia

¹⁰ Piko tykove py'ahuvape, ñymbypy'ahu ohova ovave verã Tũpa hai pindijapo vekua hareka pikuaa kavive pyrahashu.

Colosenses 3:10 Referans Kwoze

Romano 12:2

Hãrã avypo piko ko yvy'ĩãrẽ'iare ikova rãĩmi, koñeĩ pypya pimbijeta py'aupojy. Hãmerãpo pikuaa Tũpa potava rãĩmi, haikaviva, pya ohoheva hareka hekope kavi'õ.

Efesios 2:10

Shara Tũpa japo vekua hai ñande, hãma ñandapoha Jesucristo rehe mbai haikaviva jajapo verã, arykaivaĩ Tũpa ñono ñanynonderãpe jajapo verã.

Colosenses 3:12

Tũpa rãnga pyndyraihu hareka pynypyhỹrõ iko pyndyhevi verã henta ĩrũrã kyamba. Piñimimondepy jyhaihukue hareka jyparekokue pyndypyaivive õhẽva, jyrojamba ijeheva, poshymbape hareka ñyhãrõkuaape.

2 Corintios 5:17

Hãrã ĩme'ẽ Cristo ñymypente hãndivarã, haimapo pente japoha py'ahuva. Opa mbai tuja vekua opama hasa, hãrã opa mbaima py'ahujy.

Colosenses 3:14

Tynonde, piñimimonde jyhaihukuepe, mbai pyrỹmypente kavivape.

1 Juan 2:5

Tẽvã ĩme'ẽ japoshuva hai potavarã, añeteĩte pya mynỹhe Tũpa jyhaihukue; kyrãvape ñande jaikuaa ñañymypentema hãndiva.

Romano 13:14

Haikavive, pimimondepy Ñandeja Jesucristo hareka avy pijapo kyavare pyndyretere potava.

1 Juan 2:3

Haereka ñande jajapo Tũpa potavarã, katuma opa jajapo, shara jaikuaa kavi jaikuama jareshua.

Romano 8:29

Shara opaite Tũpa kuaamavare, õñepyrõãivive pyhỹrõ ova verãre Tay hã'anga, tyvyre hetava mbytepe ikoshi verã tynondeva.

Juan 17:3

Hãrã kova hai tykove opambava; ndykuaa verãre nde haiva koñeĩ'õ Tũpa añeteva hareka jyve Jesucristo, rymbou vekua.

Apocalipsis 21:5

Tũpa hei vapy'ẽvaivive: “Opa mbaire ajapo py'ahujy!” Hãrã heijy: “Mbypara, shara kova ñee añeteva ryheva hareka katu jarojava”.

Efesios 2:15

Heteteiva rupii Cristo mby'opa Moisés mbypara vekua rekova japoava hareka ñeẽ japoa verã, hãrã japoshi mokueivi pente tenta py'ahuva ñymypente hãndia rupii. Kyrã ñono pyakavi Judiore hareka haimba Judiovare pãũpe.

Galatas 6:15

Ñañymypente hãndi Jesucristorã, mba'eã he'ise ñandipire chĩchĩãra maĩrã mba'etyra; koñeĩ haikavi Tũpa ñandapo py'aujyva.

2 Corintios 4:6

Shara Tũpa teimba, hei timimbivape sape verã hendyva, hai sapeka ñandypyape, sape verã hareka kuaaha verã Tũpa hĩmbipekue, hĩmbipeva Jesucristo hovare.

2 Corintios 3:18

Hãrã opaite ñandeva, ñandyrova jasoireva mba'etyma ñandyreheva, ñamaĩhe sypevape rãĩmi Ñandeja hĩmbipekue, Cristo ñandy'ovave oho'i, shara ĩmejare hĩmbipekue. Hokava rãnga hai Ñandeja je Espiritu japova.

Romano 13:12

Pyntukue ouve'i hareka vãhẽmapo ara kõĩva; hãrã japoi jajapo mbai pyntuaipi'õvare hareka ñaĩmimondepy ijochahapya hendyva syndaro rãĩmi haikaviva jajapo verã.

Galatas 3:27

Shara ñymyngaraima retarã ñimi'ĩrũmahe Cristo hareka ã'ẽ hai rãĩmima jyre.

Hebreos 6:6

hykuaĩ oajyrã, katuveãmapo ñymbeujy retakui Tũpape, maĩny haire hykuaĩpo Tũpa Tay jukarã kurusure ñonojy retakui hareka ñymbyhorypohe kuaretare hỹnonde.

Romano 6:4

Shara ñañymyngarairã ñaniñotyha Cristo hãndi, hareka ñamano jakuerajy hãndi verã, jaikoma verã tykove py'ahuvape, kyrã Cristo kuerajya rãĩmi Tũpa Teru ñymbaikatu hĩmbipevapy.

2 Corintios 4:16

Hãme rãnga ñymate'ỹhããhe, ajemaĩ kova yryrete tuja oho'i, tẽvã yrykove opa ara ñymbypy'ahuve oho Jesús rupii.

Filemon 1:6

Jyroja katuhe Ñandeja, ore rãĩmi. Hãme rãnga airure Tũpa rirojañoĩhe verã opa mbai haikaviva rikuaapeve jajapo verã Cristo jahaihurã.