Colosenses 3:1 - NandevaBiblia

¹ Pee pykuerajy Cristo rupii, hãma pyheka mbai vate araivi ouva, Cristo vapy'õpe Tũpa jakata kyty.

Colosenses 3:1 Referans Kwoze

Romano 8:6

Shara ñandypya ñambijetahe ñandyrete potavairã raha ñymano kyty, tẽvã Espiritu ryheva jaikoherã, ĩmepojare tykove hareka pyavapy.

Mateo 6:33

Haikaviveva rãnga pyheka tynonde Tũpa huvisharã'õpe'õ ryheva hareka hekope kavi'õ. Tũpa meẽpope opaite jy'arape mba'etypeva.

2 Corintios 4:18

Ore ma'ẽhãhe ijyheshavare, koñeĩ ma'ẽhã heshahambavare. Shara mbai ijyheshava opareii, tẽvã heshahambare hai ikova opa ara.

Colosenses 3:2

Pypya pimbijetahe mbai vate arapy'õ, ha'ẽã yvyipi'õre.

Mateo 6:20

Pymbatyĩ heta maĩnunga vate arapy, kupii ẽẽmbape, maĩnunga ñymbaimbape, hareka mãnarõ'iare ichembaa manarõpe verãpe.

Hebreos 12:2

Ñamaĩpo Jesús jykoty, jyrojakue mbijypyva hareka mbyhaikaviteva, hasa'asy kurusure, hareka ñynotimbape mano, shara hai kuaa jyhasa'asy haykue ĩmepore vya ojaimbava hareka vapy Tũpa vapypya jakata kyty.

Lucas 12:33

Pevende opaite ĩmepyreva, hãrã pymeẽ mãĩnũnga mba'etyreape; peñehããhẽ vosa soro mbava, jaishu, mbai hetava ara vate'õpe, manarõ'ia ichemba verãpe, hareka kupii houmba verãpe.

Hebreos 1:3

Tũpa hĩmbipekue heshahahe Tay, hai rãnga penteva rãĩmi handi Tũpa, Tay rupii tanta'ẽ opa mbai ĩñee ñymbaikatuva rupii. Opama johe ñandyhevi mbai porãmba jajapo vekuarã, vapy'ẽ Tũpa ñymbaikatuva jakata kyty vate arapy,

Lucas 22:69

Tẽvã, ã'ẽvãĩpo ko kuareta Tay vapykui Tũpa ñymbaikatuva jakata kyty.

Colosenses 2:20

Pee rãnga pymano Cristo hãndi, hãrã peĩveãma tẽãre ñymbaikatu'ipe ẽvã ko yvy'ĩãrẽ. Marã'ĩrãra akuarã, pikoteri kova tẽãre ñymbaikatu'ipe hareka piñyñonopi haire ĩñee potava rãĩmi?

Hebreos 8:1

Mbai vasuveva opa mbai ja'evaivi rãnga hai kova, imẽjare pente pai vasu vate arapy'ẽvã, vapy'ẽva Tũpa vapy'õpe jakata kyty,

Romano 8:34

Mbarapo katu jahehe reta? Cristo rãnga hai mano vekua, ĩãrẽve hai kuerajy manovare mbyteivi, hai ĩme'ẽ Tũpa jakata kyty, hareka hai jurure'ẽ ñandyrehe.

Hebreos 10:12

Tẽvã Jesucristo meẽma mbai porãmba vekuarerã penteĩ jukaha opa ara pevarã, vapy Tũpa jakata kyty.

Mateo 26:64

Hãrã Jesús heishu: Kyrã rãnga, nde rereva rãĩmi. Hãrã haijy pee, pyheshapokui kuareta Tay vapy, Tũpa ñymbaikatuveva jakata kyty hareka ouma vate araivi avãpyntupy.

Efesios 4:10

Hoka vejy vekua rãnga ha'ẽĩjy jupijyva vate arapy, opa mynyhẽ verã hai ẽvãpe.

Marcos 14:62

Jesús hei: She hai. Pyheshapokui kuareta Tay vapyma'ẽ Tũpa ñymbaikatuva jakata kytyrã hareka oujy ara vateivi ãvãpỹntupyrã.

Hebreos 1:13

Shara Tũpa mape'aĩteimba jokueva heishu: Vapy shakata kyty, ãñonopeve ndyvaishore ndepy'ipe.

Hechos 2:34

Ha'ẽã David jupiva vate arapy, haiteiva rãnga hei: “Tũpa heishu Sheja: Vapy shakata kyty,

Lucas 20:42

Shara David teiva hei kuatia Salmope: Hei Tũpa, Shejape: “Vapy shakata kyty,

Marcos 16:19

Opama ñimiñeeshu retarã, Ñandeja Jesús hupihajy vate arape, hareka vapy Tũpa jakata kyty.

Marcos 12:36

David teiva rãnga hei Espiritu Santo rupii: Ñandeja heishu Sheja: “Vapy shakata kyty, añonopeve ndyreshatamba'iare ndepy'ipe”.

1 Pedro 3:22

haivi hai jupi vate arape hareka ĩme'ẽ Tũpa jakata kyty. Tũpa jokuevare ĩãrẽve ẽẽ verã hareka opaite espiritu mbaikatu ĩmerevare.

Hechos 7:55

Tẽvã Esteban, tynyhẽ Espiritu Santorã, mãĩ vate arapy hãrã hesha Tũpa hĩmbipekue, hareka Jesús ñymboy'ẽ Tũpa jakata kytyrã.

Mateo 22:44

Ñandeja heishu Sheja: “Vapy shakata kyty, tãñono ndepy ẽvãpe ndyreshatamba'iare”.

Efesios 5:22

Tyreko reta kyrẽỹpeñoĩpo japo ĩme ĩñee, Ñandejape japo'õva rãĩmi.