Colosenses 2:8 - NandevaBiblia

⁸ Pingareko kavi avy piñymbytavykashu kuaretare ñy'ãrãndu mbaimba vekuare, haire ou arykaivare mboiva rupii hareka tẽãre ñymbaikatu'ipe ẽvã ko yvy'ĩãrẽ, hareka ouãã Cristoivi.

Colosenses 2:8 Referans Kwoze

1 Timoteo 6:20

Hãrã nde Timoteo, ñyngareko kavihe mbai hejahandeva. Avy hendu ñe'ẽkuereii haimba Tũpaivi ouva hareka mbaikuaakue añeteva rãĩmitẽ vekua, ijeta porãmbahea ñanymbo'eahevare hareka heivare ĩmereva añeteva,

Efesios 5:6

Avy mbava pynymbytavy ñeereivape, kova mbai rehe rãnga verupo Tũpa ñunũpa pohyiteveva opaite ñee hendumbava ĩãrẽ.

Mateo 7:15

Pingareko pindijeheshi Tũpa ĩñee mbeu rã'ãnga'iare. Avisha rãĩmi jyverupe peĩvape, tẽvã pyape avaravasu ñarõ vekua rãĩmi.

Galatas 4:9

Ã'ẽ pikuamashu Tũpa, maĩrã haikavivera jairã, Tũpa pyndykuarã. Hãrã, marã'ĩrãra peijypo paykue pikojy verã arykai, piko vekua rãĩmi, pijokuekapeishu mbaikatu pyrãtamba hareka ãñetemba?

Colosenses 2:20

Pee rãnga pymano Cristo hãndi, hãrã peĩveãma tẽãre ñymbaikatu'ipe ẽvã ko yvy'ĩãrẽ. Marã'ĩrãra akuarã, pikoteri kova tẽãre ñymbaikatu'ipe hareka piñyñonopi haire ĩñee potava rãĩmi?

2 Timoteo 3:13

Tẽvã kuaretare heko poshyva hareka pyrymbytavy'iare porã'ãĩtevepo jyraha reta, pyrỹmbytavy hareka yngavare mbytavyñoĩshu.

2 Pedro 3:17

Hãme rãnga shyryvyre ahaihuva, opama pikuaa kova mbaire, pingareko pindijehe avy heko porãmbare pynymbytavykui hareka pirojakuepe haikavipeĩva pypoi pirojahekui Tũpa.

Hebreos 13:9

Avy pyroja yngai pyrymbo'eaheva hareka kuaahambava. Haikavivepo ñandypyape pũã Tũpa jyhaihukue, hareka avy pyhendu pyrỹmbo'eahea ho'uava ryheva, mbaivapeã haikavishu hokava ñee ho'uava ryheva henduvare.

2 Juan 1:8

Pingareko pindijeheshi reta avypo õñehundirei pyndyhevikui pijapova hepykue, mahẽ opakaviã mbyhepyapekui.

Galatas 4:3

Kyrã iko jyve ñandyrehe. Ñanyndeiterijairã, jokuearea rãĩmi jaiko jyve kuaretare ipope potava rãĩmi.

2 Corintios 10:5

Ity yvype opaite mbai he'iavare, hareka Tũpa ãrãndure pũãvã, hareka opaite kuaretare pya mbijetava rãĩmi ñonoha Cristo ipope, ĩñee rẽndushu verã.

Colosenses 2:18

Avy pyma'ẽĩhe tijahe pyndyrehekui, ñymby pya kavi rã'ãnga'iare hareka õmombaivasu'iare Tũpa jokuevare, hei'ia maĩnunga heshahakashua hareka jyrojahe kuaretare ñãkape ñanduva ĩmereva.

1 Pedro 1:18

Tũpa rãnga pindijorashi pikoreii pẽĩ vekuape pynytynondevare hejape vekuape. Hãrã pee pikuaa kavi, hokava mbyhepyhava ha'ẽã mbyhepyhapya opa ñymbaivapy, ita vera ijuva maĩrã plata rãĩmiva,

Romano 16:17

Shyryvyre, airure pee pingarekoshi verã ñimbijao ryheva veruva hareka pyrỹmbyvapiva ñono'iare, hai hokava ñymbyvaishoheva pynymbo'eaheva pymyvãheva. Hokava kuaretare avy pihia,

Efesios 4:20

Tẽvã kova ha'eã Cristo pynymboiheva.

Galatas 1:14

Judiore japova ajapo airã, ajapoveshi shyrẽta ĩrũre aivache hãndiare, ajema aingarekotehe ajapo verã sherure pyrỹmboiva rãĩmi.

Filipenses 3:2

Pingareko katu pijeheshi tykove ñaumba rãĩmi'ivare, porãmba mba'apovare, hareka pyndyrete pota chĩchĩvare.

Mateo 16:6

Jesús heishu reta: Pingareko katu fariseo hareka saduceore pyrỹmbytavyĩ'iare jylevaduraivi.

Mateo 10:17

Pingareko pijehe, shara kuaretare piniñonopo mburuvishare ipope, punũpaha verã Judiore ñymbatyseape.

Colosenses 2:22

Kova japoa verã hareka mbo'eahevare, ara hasa oho'ivape opa oho'i, kova reta hai kuaretare japova.

Efesios 2:2

pee piko vekua porãmbape, kuareta yvy'ĩãrẽ'iare heko porãmba rãĩmi, pijapopi espiritu pyntuva ipope'õre potava, espiritu ã'ẽ mypyrãntareva ñymbaikatukue tyrayre ñee hendumba rupii.

Hechos 17:18

Hãma epicureo pyrỹmboi'iheare hareka estoico ijeta pohy ijupe hãndi reta. Ĩme'ẽ heiva: Mbaivara ijetahe hokava ĩñeegãtu'ia? Ĩme'ẽjy heiva: Ĩme'ãmo yngava tũpare myhỹrãkua'iare. Shara mbeushu reta Ñee kavi Jesús ryheva hareka manovã kuerajya ryheva.

Hechos 17:32

Hãma henduma reta manova kuerajya ryhevarã, ĩme'ẽ ñymbyhoryheare, tẽvã ĩme'ẽjy heishuva: Nyrẽnduhaipojykui ĩrũ arape hokava ryheva.

1 Corintios 8:9

Pingareko kavi kova pyrekova pota pijapova pijaporã, mahẽ kova rupii pyrãtambateriare pitykui mbai porãmbape.

1 Corintios 10:12

Hãma rojava hai pyrãta kavima'õva, tirykyje katu mahẽ oajykui.

Galatas 5:15

Tẽvã pee pindijupii pĩrãrõ hareka pijakapiva, pimo'ã, mahẽ peĩ opa piñymbaikui.

Colosenses 2:23

Ãñete rãnga kova mbaire hãĩtẽ haikaviva, shara ñanymbyhaikavi, ñanimishĩ rã'ãnga'i, ñandyrete mbyhasy, tẽvã kova mbai jokoã ñandyrete potava japo verã.

Hebreos 3:12

Pymaĩ shyryvyre, avy mbava pee ĩmetyre pya porãmba hareka mbai rojamba'ia Tũpa hykove'ia pynymymbyryshi verã.