Colosenses 2:7 - NandevaBiblia

⁷ piñymbyhapopopy hareka piñymypyrãtapohe piroja rupii, shara kyrã pynymbo'eha hareka pymeẽñoĩshu Tũpa mbai kavikue.

Colosenses 2:7 Referans Kwoze

Efesios 3:17

hareka Cristo iko verã pyndypyape jyrojakue rupii, hareka tantagãtu peĩ verã jyhaihupe Tũpare hareka opaite yngavare,

Colosenses 1:23

Kyrã verã piñymyhãtapo pirojakuepe, avy pyheja ñyhãrõkuaa pyrekova ñee kavi pyhendu vekua rupii. Hoka hai ñee kavi mbe'uhava oparupi, hãrã she Pablo, ambory mbe'ua verã.

2 Tesalonicenses 2:17

tymeẽpe kyrẽ'ỹ hareka pyrãta, pere hareka pijapo verã haikaviva.

1 Pedro 5:10

Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.

Efesios 5:20

Pymeẽshu opa arape pyndyvya, Tũpa, Ñandeja Jesucristo heepe.

Romano 16:25

Japyraheshu Ñandeja, hareka katu mypyrãtava shi Ñee Kavi hareka Jesucristo mbe'uhava kuaahambava heshahakava rãĩmi arykai ñomihareva,

Judas 1:24

Tũpa ñyngarekopohe potãã mbai porãmbape pearã hareka ĩmerejy mbaikatu pẽĩ verã hai hỹnonde mbai porãmba mba'etypyrea ryheve. Vy'apepo pẽĩ hỹnondekui hareka kyambape, pente mondeava py'ahuva rãĩmi.

1 Corintios 15:58

Hãma shyryvy ahaihuvare, piñymypyrãta katu pemyimbape, hareka pyrẽĩ pymba'aposhu Ñandeja; shara pikuaa Ñandeja pẽĩ hãndiape pijapova, ha'ẽã pijaporeiiva.

Hebreos 13:15

Hãrã japyraheñoĩposhu Tũpa, Jesucristo rupii. Kova mbyrahe hai mymba jukahava rãĩmiva ñameẽshu verã. Japyraheshu, ñandijuru rupii ñambeu hai hee!

Colosenses 3:17

Hãma opa mba'e pijapova hareka pereva, pijapo Ñandeja Jesucristo heepe hareka pymeẽ ajetekue Tũpape, Cristo rupii.

1 Tesalonicenses 5:18

Pymeẽshu Tũpa pyndy'ajetekue opa mba'ere, hokava rãnga hai pota pyndyheviva, pee pyrojava Jesucristo.

Lucas 6:48

Ova pente kuimbai hoorã japo verã, joo rãnishu yvykua hareka kype japo mỹvãhẽshu peve ita, hãrã ñono hoo jypyrã ita iãrẽ. Haivi sapy'ãi ou yy syry pyrãntava hareka ñunupahe oore, tẽvã katuã mungu'ẽã shara tanta mbyvapyha ita'iãrẽ.

Efesios 4:21

Pee rãnga pyhendushi, hareka pirojaherã rehe pynymbo'eha kavihe vekua, haiva Jesús ryheva añeteva.

Judas 1:20

Tẽvã pee shyryvyre ahaihuva, piñymypyrãtakatu pirojakue kyamba ĩãrẽ hareka pirure Espiritu Santo rupii.

2 Corintios 1:21

Tũpa meẽ ore hareka meẽ jyvepe pente ñeepe jaiko verã Cristo rehe, hãme rãnga hai ñanymbyheko kavi.

Judas 1:12

Kova hai ñanymymarãva karuvasu pijapova piroja handivare, ñymbyu hareka karu reta mbaimba kuaaseva. Ha'eire ñyngareko ijehe. Ova ãvãpyntu jy'yymbava, yvytu kokoty rahava; ova yvyra jy'arapemba'iava, hapo ryheve nohẽãrã opa jipi.

1 Corintios 1:8

Kyrãpo hai pynymypyrãta ara opapeve, potãã Ñandeja Jesucristo oujymarã hesha pyndyrehe hekopemba'õrã.

Hebreos 13:9

Avy pyroja yngai pyrymbo'eaheva hareka kuaahambava. Haikavivepo ñandypyape pũã Tũpa jyhaihukue, hareka avy pyhendu pyrỹmbo'eahea ho'uava ryheva, mbaivapeã haikavishu hokava ñee ho'uava ryheva henduvare.