Colosenses 2:11 - NandevaBiblia

¹¹ Cristo rupii pindipire chĩchĩama jyve. Tẽvã ha'ẽã japoava tyretere, koñeĩ ñandipire chĩchĩãva Cristo japo ñandyreheva, hareka ñandyreky porãmba vekuaivi.

Colosenses 2:11 Referans Kwoze

Romano 2:29

Judiore añeteĩteva hai ñee mbyparahava Tũpa ña'ãpova pyaivive japova, Espiritu Santo rupii, hareka ha'ẽã mbyparava rupii. Kyrãva kuaretare Tũpa pysyĩma hai, ajema kuaretare mbijichetẽvã.

Filipenses 3:3

Ñande hai ãñete ñymbai pire chĩchĩava; ñamombaiva Tũpa ñande espiritu ryheve, javyava Cristo Jesure, hareka jairojambaheva tyroore.

Efesios 4:22

Hãrã, pijyheja pyndyreko arykaiva ryhevaivi, hareka ỹnteño piko arykaiva rãĩmi. Kyrã pikopirã rãnga opa piñymbai, pyma'ẽĩhe mbai porãmba pynymbytavy'irã.

Romano 6:6

Jaikuaa kavi arykai jaiko vekua rãĩmi, mbysavavahava kurusure Jesucristo hãndi, kova porãmba jaiko vekua rãĩmi mby'opaha verã hareka jyve jaikoveama jaijokuekashu verã mbai porãmba.

Galatas 5:24

Tẽvã Cristo ryhevare, rahama reta kurusure heko porãmba vekua pyape'õ, hoo potava hareka mbai potakue ryheve.

Galatas 2:20

Kurusure Cristo amano hãndi, hãrã ã'ẽ sheĩĩveãma aiko, Cristoima iko'i shypyy. Hãrã ã'ẽ aikova shyretepe, aiko airoja rupii Tũpa tayre, shyraihuva hareka mano shyrehe vekua.

2 Corintios 5:17

Hãrã ĩme'ẽ Cristo ñymypente hãndivarã, haimapo pente japoha py'ahuva. Opa mbai tuja vekua opama hasa, hãrã opa mbaima py'ahujy.

Hebreos 9:24

Cristo icheã oo kyamba'õpe kuaretare ipope japova ẽvãpe, añeteiteva myha'angahaĩhea koñeĩ vate arapeteimba, ã'ẽ ẽvãpe Tũpa hỹnonde jurure'asy ñandyrehe verã.

Hebreos 9:11

Tẽvã Cristo ouma hai pai vasurã veru verã mbai kavikue ã'ẽ ĩmejareva. Hai iche Tũpa tabernáculo haikaviveva hareka hekope kavi'õ vate arape'õ, ha'ẽã kuareta japo vekua, hareka ha'ẽã yvy'ĩãrẽ'õ.

2 Corintios 5:1

Ñande jaikuaa ñandykove hãĩ, oo yvy'ĩãrẽ'õ opa ñymbai verã, tẽvã kova oo opa ñymbairã, Tũpa myhẽvã'ẽ ñande vate arape pente oo opa ara pevarã, haimba kuaretare ipope japova.

Hechos 17:24

Hai Tũpa yvy hareka opaite'ẽpyvare japo vekua, haijy yvy hareka ara Ijarã, ikoã hai tũpao kuaretare japovape,

Hechos 7:48

Katynga ha'ẽã Tũpa iko'iva hoka tũpao kuaretare japovape. Tũpa ĩñee mbeu'ia heiva rãĩmi:

Lucas 2:21

Hãrã 8 aravape piremi chinchiashi sanjay, haivi ñonohẽ reta tyree Jesús, Tũpa jokueva heishuva rãĩmi Maria, ndeiteri puruarã.

Marcos 14:58

Ore henduha heirã: “Opapo ãmambaikui ko tũpao kuimbaire japo vekua, tẽvã mbahapy arape amupũãpojy yngava, haimba kuimbaire japova”.

Romano 7:24

Shymbypavete'i! Mbarapo hekyshyhevi kova ñymanokue ẽvã shyretepe?

Colosenses 3:5

Hãrã pijuka pyndypyape'ẽvã porãmba vekuare, jaishu kyrãrãĩ'ia ryheva, mbai pyrỹmyngyava, mbai potaiiva ryheva, hareka kate'ỹkue, hokava ha'ẽĩjy ñamombaiva Tũpa rã'anga.