Colosenses 1:7 - NandevaBiblia

⁷ Kyrã rãnga pynymboi Epafras, mba'apoha'i hãndiva haihuhava, hai rãnga jyroja kaviva; Cristo jokueva opaite pee pevarã.

Colosenses 1:7 Referans Kwoze

Colosenses 4:12

Pynymarãndu jyve Epafras, Cristo jokueva, hai rãnga jyve pente pyndyryheva. Hai heta õñehãã jurure'i pyndyreherã, tãntangãtu pẽĩ verã, porãmba pijapombape hareka opa kavi pijapo verã Tũpa potava.

Filemon 1:23

Epafras, shi'ĩrũ shymbyperesoavape'ãĩ hãndia Jesucristo rehe nymarãndu jyve.

Hebreos 2:17

Hãrã Jesús tyvyre ikova rãĩmirãnipo iko reta, ikoshi verãkui Tũpa hỹnonde Pai ruvisha jyrojahaheva hareka pyryparekova, hareka opa hejahareiishi verã kuaretare heko porãmba vekua, hai mano rupii.

Colosenses 4:7

Ñandyryvy jahaihuva Tíquico, hekope kavi jokueharea hareka pyrỹmboryñoĩva Ñandeja rehe, opapo mbeupekui marãra aiko.

Hebreos 3:2

Jesús japoñoĩmbashu Tũpa potava, ñonohashu ñanymbory verã, Moisés hekopekavi japova rãĩmi opa mbai Tũpa hoope.

2 Timoteo 2:2

Hãrã nde rỹhendu shyhevi hetavare hỹnonde, mbe'uka jyveshu kuaretare ryrojakatuva, katu mboishu verã jyve yngava hapishare.

Filipenses 2:25

Tẽvã haikavivepokui amondo shyryvy Epafrodito hareka mba'apo'i shendieva, shi'ĩrũ õñehãã'i shendieva hareka pymboushu vekua maĩ shyrehe verã aikotẽvevape;

2 Corintios 11:23

Hai retara Jesucristo jokueva? Ha'itẽjy veshe. Ajemaĩ kuakuamba'ia rãĩmi aijeta. Hetaiteve amba'aposhi reta; heta shunupãhã, heta shyraha shymbyperesoha, hareka ajejetei ãmanoĩte.

1 Corintios 4:2

Hãrã ĩme'ẽ japo verã me'ẽãshuarã, tyheshaka marãra katu jyrojahahe.

1 Timoteo 4:6

Kova rỹmboihe ñandyryvy retarã, haimapo ndekui Jesucristo jokueva haikaviva, ñee pyrãtava jyrojakuepe hareka nymbo'eahea haikaviva rehorihevape.

Efesios 5:21

Pijapo kavi pijehe Cristo jyhaihukue rupii.

1 Corintios 7:25

Taupe omendambaterivare mba'ety'are japoha verã Tũpa ryheva ambeushu verãre, tẽvã haiposhu reta, hareka katu piroja shyrehe, Ñandeja meẽshe shyparekorã jyrojaha shyrehe verã.

1 Corintios 4:17

Hãme rãnga amondo Timoteo, shyray ahaihuva hareka jyrojaheva Ñandeja. Haipo pynymymandu'akahekui marãra aiko Ñandeja Jesucristo airojaherã, apyrỹmboiva rãĩmi oparupi hareka Tũpare jyrojavare ñymbatyva retaipi.

Mateo 25:21

Pyrokue'ia heishu: “Haikavite, nde hai jokuehareirea heko kaviva hareka jyrojahaheva; shara rĩngareko kavihe mĩshĩ ameẽndeva hãrã hetavepo ameẽjynde, iche vya shendie”.

Mateo 24:45

Mbavara jokuearea jyrojahea hareka heko kaviva? Hai jokue'õ ñono ipope opaite ĩrũ jokuehareireare myngaru verãre ikotẽvema ñynoirã.

Mateo 18:29

Haipe jokuehareirea ĩñesu hapisha hỹnonde jurure'asyshurã hei: “Shy'ãrõ rãniani hãmepo opa ambyhepyjy ndekui”.

Colosenses 4:9

Oho jyve hãndi Onésimo ñandyryvy jahaihuva, hareka hai pyndyryheva jyve; hai retapo opa mbeupekui mbaivara iko koipi.