Colosenses 1:29 - NandevaBiblia

²⁹ Ha'erã amba'apo hareka heta añehãã, kova pyrãtakue Cristo meẽsheva rupii.

Colosenses 1:29 Referans Kwoze

1 Corintios 15:10

Tẽvã, Tũpa ñymbai kavirãmeĩ ã'ẽ ikoshyhevi apostol, hareka mbai kavikue she pevarã pytareĩã; tẽvã hetaiteve ãmba'aposhi reta, ajemaĩ shembatẽvã, Tũpa rãnga pyakavirã shymbory.

Efesios 1:19

hareka ojaimbava, japyãvãĩjy ñymbai katukue, mba'apo ñandyrehe jairojava. Tũpa ñymbai katukue japyã; hokava mbaikatupy.

Efesios 3:7

She, Pablo, Tũpa japo shyhevi shokuerã ambeu verã ĩñee kavi jyhaihukue hareka ñymbaikatu rupii.

Filipenses 2:13

shara Tũpa japo pyndyrehe haikaviva pijapo verã hareka pynymbory pinimbijapoka, shara kyrã hai potarã.

Hebreos 13:21

Haipo pynymboi opa mbai haikaviape, pijapo verã hai potava, hareka tijapo pyndyrehe mbai kaviva Jesucristo rupii. Jesúspe tymyvãhẽha hĩmbipekue hareka opa ara toñemombai. Amén.

Colosenses 2:1

Aipota pikuaa she'aĩrãrõ mbarete'aĩ pyndyrehe, pee Laodiceape pẽĩva hareka opaiteva shykuamba terivare.

2 Tesalonicenses 3:8

hareka mbavãã ho'uhareiishi pãhã mbyhepyambape. Kyrãtẽ verã, ara hareka pyharekue mba'apoha putu'uhambape, potãã mbava mbyhepy yryreherã.

1 Tesalonicenses 2:9

Shyryvyre, pymanduapohe marãra pohy mba'apoha hareka opa ỹrỹkangy. Mba'apoha arakuepe hareka pyharekue potãã pyndyreheĩñoĩte õĩhã kyrypoti pymeẽ ore verãrã. Jichepeĩ mbe'uhatẽpe Tũpa Ĩñee Kaviva.

Colosenses 4:12

Pynymarãndu jyve Epafras, Cristo jokueva, hai rãnga jyve pente pyndyryheva. Hai heta õñehãã jurure'i pyndyreherã, tãntangãtu pẽĩ verã, porãmba pijapombape hareka opa kavi pijapo verã Tũpa potava.

Filipenses 2:16

Tãnta pẽĩhe hokava Ñee kavi meẽva tykove. Kyrã, Cristo oujymarã shypya horypo pyndyrehe, aikuama ãñanireĩã hareka amba'aporeiarã.

1 Corintios 12:11

Opaite kova Espiritu Santo koñeĩ'õ japo, meẽshu pepenteĩ kuaretare hai potava rãĩmi.

Romano 15:20

Tẽvã añehããñoĩ ambeu Ñee kaviva, Cristo ryheva henduambaipi, potãã yngavare jypyrã ñono vekua ĩãrẽ ãmupũãjyrã.

Apocalipsis 2:3

Rỹharõkuarã, ryhasa'asykuajy hareka heta rỹmba'apojy shyraihuvape, nykangymba ryheve.

2 Timoteo 2:10

Hãrã Tũpa pyhỹrõvare reheĩ opa mbai ahasa'aĩ, haire hipity verã jyve ñymondojepe hareka hĩmbipeva ĩmejareva opa ara Jesucristo rehe.

Filipenses 1:30

Pee hareka she rãnga ñaĩmeñaĩ penteva ñyhããpeĩ, hokava pyheshama shyrehe, hareka ã'ẽ pyhenduma marãra ãñehããtẽ aha'ai.

Filipenses 1:27

Koñeĩ airurepe pikokavi verã Ñee kavi Cristo ryheva pyrỹmboiva rãĩmi. Shara aha apyryresharã maĩrã ãĩmbate haipeva, koñeĩ tahendu pyndyhevi piko kavi ijupiiva hareka piñyhãã pente pyapeĩ Ñee kaviva pirojaheva rupii.

Efesios 3:20

Hãrã ã'ẽ, toñemombai vasu Tũpa ñymbaikatuva japo verã hetaiteve hoka ñande jairureva maĩrã ñaĩmoãtẽva, hareka ñymbaikatukue rupii heta japo mbai kavi ñandypy.

2 Corintios 13:3

Shara pota pikuaa shyhevi ãñetera Cristo she rupii ijeta. Pee pevarã kangyã hai, koñeĩ heshaka jyve ñymbaikatukue pynymbytepe.

2 Corintios 11:23

Hai retara Jesucristo jokueva? Ha'itẽjy veshe. Ajemaĩ kuakuamba'ia rãĩmi aijeta. Hetaiteve amba'aposhi reta; heta shunupãhã, heta shyraha shymbyperesoha, hareka ajejetei ãmanoĩte.

2 Corintios 6:5

urũnupãhãvape hareka ỹrỹmbyperesoavape, ñymomohẽ vasuvape, pohy mba'apoavape, ochehambape hareka irĩmbahyvape,

2 Corintios 5:9

Hãme rãnga õñehã'ãhã japoha Ñandeja potava, ĩmehãĩteri'iape maĩrã yryrete hejahamavape.

1 Corintios 12:6

Hareka ĩme'ẽ opaishareiva japoa verã, tẽvã Tũpa hai opa mbai meẽva maĩnungare rikatu rijapo verã.

Romano 15:30

Shyryvyre, Ñandeja Jesucristo rupii airure'asype hareka Espiritu jyhaihukue rupii, pẽĩ shendie verã kova ñyrãrõpe, pimboitẽve shyrehe Tũpape.

Lucas 13:24

Piñyhãã katu piche õche mishĩ'õĩpi. She hai pee hetapo ẽẽ potate icheva, tẽvã katuãpo.

Hebreos 12:4

Pee rãnga nde'iaveteri ñymanopeve pyvãhẽ mbai porãmba pirãrõ handiape.

Colosenses 2:12

Pee pimyngaraimarã, piñyñoty hãndi Cristo, kyrãijy pykuerajy manovare mbyteivi, shara pyroja Tũpa ñymbaikatukue mynguerajyva Jesús manovare mbyteivi.