Colosenses 1:28 - NandevaBiblia

²⁸ Ore rãnga mbe'uha Cristo ĩñee, pyrỹmbarakuaaha hareka ãrãndupe mbe'uhashu opavare, Cristo rãĩmi opa kavi pyndyreko kavi verã.

Colosenses 1:28 Referans Kwoze

Efesios 5:27

Cristo teivapo veru hãrã ñonopo hỹnonde pente tũpao verava hareka mashỹãva, opa hejava porãmba vekua, hareka pyrãtava hareka õĩheare heko kyamba verã, hekope kavi vata verã.

Mateo 5:48

Pee rãnga pyndyreko kavipo, Peru vate arapy'õ heko kaviva rãĩmi.

Colosenses 3:16

Cristo ĩñee tytynyhẽ kavi pyndypyare. Piñymbarakuaa hareka perepijupe mbai kuaakuepe. Pyndypyaivive pymeẽshu Tũpa pyndy'ajetekue, pypyrahe salmope'õ, mbyrahe haikaviva hareka mbyrahe Espiritu ryheva.

1 Corintios 2:6

Tẽvã ñee ãrandu ryheva aporyñoĩhe Tũpa ĩñee kuaa kavimavare, ha'ẽã kuaretare, maĩrã huvishare ñy'ãrãndu, hokava hai oparei verã.

Colosenses 1:22

Cristo mano rupii kuareta rãĩmi. Hokava japo, pyndyverujy verã hỹnonde heko kyambape, mbai porãmba pijapombape hareka mbaimba mbojaha pyndyrevape.

2 Corintios 11:2

Shykateỹ rãnga pyndyrehe, shara kova Tũpaivi ourã; she rãnga pota apyrỹmbyrekoka, pente kuñataĩ pokoambaterihea rãĩmi, pentevaĩ pemerã verã, hokava hai Jesucristo.

2 Corintios 4:5

Shara oreiã ñimiñẽ'ẽha'i irijupe, koñeĩ mbe'uha Jesucristo haiva Ñandeja; ore hai jokueharea pee pevarã Jesús haihuharã.

Hechos 20:31

Pimoãpẽĩ, hareka pymanduapohe mbahapy ãño, arakuepe hareka pyharekue shysay ryheve pepenteĩ peeva apyrỹmbarakuaa.

Hechos 8:35

Hãrã Felipe õñepyrõ mbeu kavishu ko mbyparahavape'õ mbijetavaivi, hareka mbeushu Ñee kaviva Jesús ryheva.

Hebreos 10:14

Shara pente mbai me'ẽãva rupimba añeteĩte mbyhaikavi opaite Tũpape ñymyngyambava.

1 Timoteo 3:2

Hãrã tũpaope miñaka'õ ijetaha porãmba'ihe verã rãĩmiãpo iko. Penteĩpore hyreko, ka'uãpo'i, katupo'i, iko kuaapo mbai kuaavape hareka oporõmombaipo. Pyrỹmyvãhẽ kavipo hentape hareka pyrỹmboi kavipo.

Colosenses 2:10

hãma pee opaite pimepeĩhe Cristo shara piñimi'ĩrũhe Hai. Hai miñaka'ishuva opaite mbaikatukuere hareka ipope ẽvã ko yvy'ĩãrẽ hareka vate arapy.

1 Corintios 12:8

Penteva me'ẽãshu katu pyrymbarakuaa verã Espiritu rupii, yngava me'ẽãshu ñee heta mbai kuaava ryheve ijeta verã Espiritu Santo rupii.

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,

2 Corintios 10:14

Hãme rãnga, õhẽhãã yrỹmyhendahavaivi, vãhẽambapeva rãĩmi, shara ore hai tynondeite vãhẽhapeva mbe'uape Ñee kaviva Cristo ryheva.

1 Corintios 15:12

Tẽvã mbe'uha Cristo mupũ'ãhajyva manovare mbyteivi, hãmera marã'ĩrã ĩme'ẽjy pynymbytepe heiva kuerajymbava manovare?

1 Corintios 1:30

Tũpa rãnga pynymypente hãndi Cristo Jesús, hãrã hai rupii heta mbai pikuaa, ñimbivache, ñandyrykove ky'ã, hareka mbyhepya ñandyrehe ñanynohẽajy verã.

Lucas 21:15

Shara sheepo ameẽpekui ñee hareka mbaikuaa, katumba pyndyvaishore jepy pyndyrehe verã.

1 Corintios 2:15

Hãrã Espiritu Tũpaivi ouva ĩmereva opa maĩkaviherã, kuaa kavi. Tẽvã Espiritu mba'etyreva katuã maĩkavihe, hareka ẽẽãshu kuaa verã.

1 Corintios 1:23

tẽvã ore mbe'uha Cristo ryheva mbysavavaha vekua kurusure. Kova ñee rehe heta Judiore poshyjyre, hãrã haimba Judiovare pevarã mbaimba vekua rãĩmishu kova ñee.

Romano 16:25

Japyraheshu Ñandeja, hareka katu mypyrãtava shi Ñee Kavi hareka Jesucristo mbe'uhava kuaahambava heshahakava rãĩmi arykai ñomihareva,

Hechos 17:3

Mbeu kavishu reta Cristo manoñoĩ verãmba hareka kuerajyñoĩ verã. Heishu reta ko hai Jesús she ãmbeu'ãĩpea, haiñoĩ Mesia.

Hechos 10:36

Tũpa mondokashu ĩñee Israelvare ñymoña hãndiare, mbeu verã Ñee kaviva pyrymbypya kaviva Jesucristo rupii, hai opavare Ija.

Hechos 9:20

Saulo õñepyrõ ravi mbeu Judiore ñymbatyseape, hei Jesús haiva Tũpa tay.

Hechos 8:5

Felipe, hai jyve penteva, oho tenta Samariape hãrã õñepyrõ ijeta hareka mbeu Cristo ryheva.

Hechos 5:42

Opa arapema tũpaope hareka oomire ẽvãipi pyrỹmboi mbeu reta ñee py'ahuva Jesús hee ryheva.

Hechos 3:20

hareka katu Ñandeja mboupe ara vevyva, mbou Jesurã jypyiterãvãĩ Mesia rãĩmi pyhyrõã mbouhape vekua.

Marcos 6:34

Jesús vejy kanoaivĩrã, hesha kuareta heta vekua, parekoshu reta, shara avishare ñyngarekoambahea rãĩmi jyrerã, haipe õñepyrõ heta mbaire mboishu reta.

Mateo 28:20

Hãrã pymboishu opaite tijapo reta she hai pee vekua. Pikuaapo she ãĩmẽpo penendie opa arape ko yvy opapeve. Amén.

Mateo 3:7

Tẽvã Juan heshama fariseore hareka saduceore heta ou ẽvãpe myngarai verãrã, heishu reta: Pee mboi rãĩmipiva! Mbavara heipe katu piñemishi verã ñunũpa pohyva kõõĩma ouva?

2 Pedro 3:15

Pynymanduahe, ñyhãrõkuaa Ñandeja ryheva ñandyraha ñymondojepeva kyty, jahaihuva ñandyryvy Pablo mbypara vekua rãĩmi, ãrãndu Tũpa meẽshuva rupii.

Hebreos 13:21

Haipo pynymboi opa mbai haikaviape, pijapo verã hai potava, hareka tijapo pyndyrehe mbai kaviva Jesucristo rupii. Jesúspe tymyvãhẽha hĩmbipekue hareka opa ara toñemombai. Amén.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

1 Tesalonicenses 4:6

Avy mbava kova mbai rehe tijapo mbai porãmba hareka tymbytavy hapisha, shara Ñandeja purũnũpa kova mbai rehe, pyndyrykyjehava rãĩmi.

1 Corintios 4:14

Ambyparaãpe kova apyrỹmymarãka verã, Apyrỹmboi verãĩ rãnga, shara shyrayre ahaihuva rãĩmi apyryraihu.

Hechos 13:38

Shyryvyre pikuapo Jesús rupii mbe'uha mbai porãmba hejaha reiva ryheva

Hechos 11:20

Tẽvã ĩme'ẽ a'ãmo hai retava ouva Chipreivi hareka Sireneivi, vãhẽma jyraha Antioquiaperã õñepyrõ ĩjetaheshu reta haimba Judiova retape, ñee kavi Ñandeja Jesús ryheva.

Hechos 17:18

Hãma epicureo pyrỹmboi'iheare hareka estoico ijeta pohy ijupe hãndi reta. Ĩme'ẽ heiva: Mbaivara ijetahe hokava ĩñeegãtu'ia? Ĩme'ẽjy heiva: Ĩme'ãmo yngava tũpare myhỹrãkua'iare. Shara mbeushu reta Ñee kavi Jesús ryheva hareka manovã kuerajya ryheva.

Colosenses 2:3

hai ĩãrẽ ẽẽ opa mbai haikavivare ouva mbaikuaakue hareka ãrãnduivi.

Colosenses 4:12

Pynymarãndu jyve Epafras, Cristo jokueva, hai rãnga jyve pente pyndyryheva. Hai heta õñehãã jurure'i pyndyreherã, tãntangãtu pẽĩ verã, porãmba pijapombape hareka opa kavi pijapo verã Tũpa potava.