Colosenses 1:15 - NandevaBiblia

¹⁵ Cristo rãnga hai Tũpa Tay, hai rãnga ndei yvy japoharãvãĩmba ẽẽ hai; hai rãnga Tũpa jaheshambava hã'anga.

Colosenses 1:15 Referans Kwoze

Hebreos 1:3

Tũpa hĩmbipekue heshahahe Tay, hai rãnga penteva rãĩmi handi Tũpa, Tay rupii tanta'ẽ opa mbai ĩñee ñymbaikatuva rupii. Opama johe ñandyhevi mbai porãmba jajapo vekuarã, vapy'ẽ Tũpa ñymbaikatuva jakata kyty vate arapy,

Juan 14:9

Jesús heishu: Felipe, kuriãã rãnga aiko ai penendie, hãmerã nde'iave shykuaa? Shyresha'ia reta rãnga, heshama jyve Sheru. Marã'ĩrãra rirureshe aheshakape verã Sheru?

Juan 1:1

Jypyiterãvãĩmba ẽẽ Ñee, hareka hokava Ñee ẽẽ hãndi Tũpa, hãrã hokava Ñee hai Tũpa.

2 Corintios 4:4

Haire rojãã, shara ãña ko yvy ija ñakapy mypyntushi reta, potãã mykõĩshu reta Ñee kaviva hĩmbipeva Cristo ryhevarã, shara Cristo hai Tũpa rãĩmiva.

Juan 1:18

Mba'ety heshava Tũpa; tẽvã Tay penteĩ'ia Tuu hãndi ẽvã, opa mbeu ñande marãvara hai.

Juan 1:14

Hãma hokava Ñee ikoshi kuareta, hareka iko'i ñanymbyteipi, tynyhẽ jyhaihukue hareka añeteva. Ore heshaha hĩmbipekue, hãrã hokava hĩmbipeva hai Tyray ña'ãpova, Teru meẽshuva tay penteĩ'ia.

Filipenses 2:6

Ajemaĩ haite Tũpa, hai he'iã ijehe mbivacheva Tũpa maĩnunga ha'ĩ pysy verã rãĩmi,

2 Corintios 4:6

Shara Tũpa teimba, hei timimbivape sape verã hendyva, hai sapeka ñandypyape, sape verã hareka kuaaha verã Tũpa hĩmbipekue, hĩmbipeva Jesucristo hovare.

Romano 8:29

Shara opaite Tũpa kuaamavare, õñepyrõãivive pyhỹrõ ova verãre Tay hã'anga, tyvyre hetava mbytepe ikoshi verã tynondeva.

1 Timoteo 1:17

Hãrã ñamombaivasu hareka ñambitivishañoĩpo Mburuvisha vasu opambava, manombava, katumba heshahava, hareka Tũpa koñeĩ'õ ikova opa ara! Amén.

Apocalipsis 3:14

Mbypara jyveshu Tũpa jokueva tũpao Laodiceape'õ: Kova hai he'ikava Amén, mbai heshava japumbava, añeteva heiva, Tũpa japova õñepyrõhe vekua.

Hebreos 1:6

Hareka hykuaĩ Tay Tynondeva mbou ko yvype, hei: Tõmombai vasushu opaite Tũpa jokuevare.

1 Timoteo 6:16

Hã'ẽĩ'ẽ manombava, ikova hĩmbipeape katumba mbava ñymbojahea. Mba'ety kuareta heshava, hãma hesha'ãĩteipo. Hai opa ara pevarã heko kavikue hareka ñymbaikatu. Amén.

Juan 15:24

She aĩã ajapo mbaikavi heshaha verã haire mbyteperã, mba'etytẽre verãre mbai porãmbava hareka mbavamba katu japova. Hãrã haire ajemaĩ heshatẽ reta kova mbai, tẽvã shyreshatãã jyre hareka jyve Sheru.

Juan 3:16

Shara Tũpa haihuite kuareta retarã, meẽ Tay pente'ia, opaite jyrojaheva potãã manorã, koñeĩ ĩmere verã tykove opambava.

Colosenses 1:13

Tũpa rãnga ñanynohẽ pyntuivi, hãma ñaniñono Tay haihuva ẽvãpe,

Hebreos 11:27

Jyrojakue rupii Moisés heja yvy Egipto, mburuvisha vasu kyjembashiape, ñymypyrãnta katuhe hesha'ẽva rãĩmi Tũpa Heshahambava.